BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

دانيال احمەتوۆ: اياگوزدە قىزىل سۋدان زارداپ شەككەندەردىڭ بارىنە كومەك كورسەتىلەدى

بۇگىن شقو اكىمى دانيال احمەتوۆ اياگوز قالاسىنا ارنايى كەلىپ، تۇرعىندارمەن كەزدەستى. اۋدان ورتالىعىندا بولعان اپات سالدارىن سارالاپ، كۇللى قازاقستاندىقتاردى تولعاندىرعان ماسەلەگە نۇكتە قويدى. ايماق باسشىسى قىزىل سۋدان زارداپ شەككەن اياگوزدىكتەردىڭ ەشبىرى بيلىكتىڭ نازارىنان تىس قالمايتىنىن، بارلىعىنا ٴتيىستى دەڭگەيدە كومەك كورسەتىلەتىنىن جەتكىزدى، دەپ حابارلايدى baq.kz اقپارات اگەنتتىگى.

وسىدان 2 كۇن بۇرىن كىشى اياگوز وزەنى ارناسىنان ون ەسە اسىپ، ناتيجەسىندە اۋدان ورتالىعىنداعى ٴۇش شاعىن كوپىردى قيراتىپ، 148 ٴۇي سۋ استىندا قالعان ەدى. اۋداندا تابيعي اپاتقا بايلانىستى توتەنشە جاعداي جاريالانىپ، زارداپ شەككەن ۇيلەردىڭ تۇرعىندارى دەرەۋ ٴقاۋىپسىز جەرگە كوشىرىلگەن بولاتىن. قازىرگى تاڭدا ولار ارنايى مەكەمەلەرگە ورنالاستىرىلىپ، ىستىق تاماق جانە توسەك-ورىنمەن تولىق قامتاماسىز ەتىلگەن.

ايتا كەتۋ كەرەك، سۋدا قالعان 148 ٴۇيدىڭ بۇگىندە ٴ8-ى قۇلاعان. 10 ٴۇي اپاتتى جاعدايدا تۇر. الايدا شقو اكىمى بۇل سان الداعى كۇندەرى ەسەلەنۋى ىقتيمال، سوندىقتان سوڭعى كورسەتكىش ەمەس دەيدى. قىزىل سۋدىڭ وتىندە قالعان ٴار ٴۇيدى ٴوزى ارالاپ شىققان دانيال احمەتوۆكە تۇرعىندار ارىز-شاعىمدارىن بارىنشا جەتكىزدى. ماسەلەن، قيراپ قالعان ۇيلەردىڭ ىشىندە جەلتوقسان كوشەسى، 72 مەكەن-جايىندا ورنالاسقان يلميرا قايىمبايەۆانىڭ باسپاناسى بار. كىشكەنتايىنا اياعى اۋىر وتاناسى «قابىرعاسى سوگىلىپ، ىرگەسى قيراعان شاڭىراعىمدى كىم قالپىنا كەلتىرىپ بەرەدى؟» دەگەن ساۋالىن قويدى دانيال احمەتوۆكە. وبلىس اكىمىنە ٴدال وسى سيپاتتا جولدانعان جالعىز سۇراق بولمادى بۇل. ٴوز كەزەگىندە ونداعان اياگوزدىكتىڭ قابىرعاسىن قايىستىرعان، قالا بەردى كۇللى قازاقستان حالقىن تولعاندىرعان ماسەلەگە شقو اكىمى بىلاي دەپ نۇكتەسىن قويدى.

«بىردە-بىر اياگوزدىڭ تۇرعىنى نازاردان تىس قالمايدى. باسپاناسى جارامسىز قالعان وتباسىلارىنا وسى قالادان ٴۇي ساتىپ الىپ بەرەمىز. قازىرگى تاڭدا اياگوزدە 15 ٴۇي ساتىلادى دەگەن اقپارات بەردى ماعان. سولاردىڭ ٴبارىن ساتىپ الامىز. ودان كەيىن ورتالىقتا 60 پاتەرلى جاڭا ٴۇي بوي كوتەرىپ جاتىر. سول جەردەن پاتەر بەرەمىز. ەشكىم باسپاناسىز قالمايدى»، - دەدى اكىم.

وبلىس اكىمى ٴمالىم ەتكەن رەسمي جاۋاپقا ريزاشىلىعىن بىلدىرگەن تۇرعىندار كوز جاستارىن توقتاتا المادى.

«ٴۇي بەرەمىز دەپ ۋادە بەردى. اللا بۇيىرسا الداعى تاڭدا باسپانالى بولامىز. مامىردا بالام دۇنيەگە كەلەدى. دانيال احمەتوۆكە زور العىس بىلدىرەمىن. بارىنە راحمەتىمدى ايتامىن. كەلىپ، كورىپ، جاعدايىمىزدى سۇراپ جاتىر. قۋانىشتان جىلاپ تۇرمىن»، - دەيدى يلميرا قايىمبايەۆا.

شقو اكىمى دانيال احمەتوۆ سونداي-اق، ەرتەڭ اياگوزگە وبلىستىق «پارىز» قورىنان 50 ميلليون تەڭگە جولداناتىنىن جەتكىزدى. اتالعان قاراجات كۇن تارتىبىندە تۇرعان وزەكتى ماسەلەلەردى، اتاپ ايتقاندا كومىر، ازىق-تۇلىك، كيىم-كەشەك سياقتى تۇرمىستىق جاعدايدى شەشۋگە جۇمسالادى.

اپات سالدارىن ەسەپتەۋگە قۇرىلعان ارنايى كوميسسيا جۇمىسىن جالعاستىرۋدا. بۇگىندە وزەن دەڭگەيى ٴبىرشاما تومەندەگەن. جەرگىلىكتى بيلىك كوپىرلەردى قالپىنا كەلتىرۋ جۇمىستارىن اتقارۋدا. ال قالادا قۇرىلعان ەرىكتىلەر قىزىل سۋ شايىپ وتكەن اۋماقتاردى تازالاۋ جۇمىسىن جۇرگىزۋدە.

بۇدان بولەك دانيال احمەتوۆ ٴۇرجار، كۇرشىم، جارما سياقتى جوعارى ٴقاۋىپ تونگەن اۋداندار اۋماعىنداعى جاعدايدىڭ ٴجىتى نازارعا الىنعانىن، ارنايى تىكۇشاقپەن باقىلاۋ باستالعانىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي