BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

بقو-دا پروكۋراتۋرانىڭ ارالاسۋىمەن كوممۋنالدىق تولەمدەر ارزانداتىلدى

بقو، baq.kz. باتىس قازاقستان وبلىسى پروكۋراتۋراسىنىڭ تەكسەرىسى ناتيجەسىندە كوممۋنالدىق قىزمەتتىڭ، اتاپ ايتقاندا ەلەكترقۋاتى مەن جىلۋمەن قامتاماسىز ەتۋ ٴتاريفى تومەندەتىلدى.

مىسالعا، «باتىس قازاقستان ەلەكتر تاراتۋ جەلىسى كومپانياسى» اق-نىڭ قىزمەتىندە وتكەن جىلى 71،9 ملن تەڭگەگە تاريف سمەتاسىنىڭ ورىندالماۋ فاكتىلەرى انىقتالدى.

وسىلايشا، وسى سومانى وتەۋ ٴۇشىن، بۇرىن ەلەكترقۋاتىنىڭ قۇنى 5،47 تەڭگە بولسا، 2018 جىلدىڭ 1 تامىزىمەن 31 جەلتوقسانى ارالىعىندا 1 كيلوۆات ٴۇشىن 5،37 تەڭگەگە ارزاندادى. سونىمەن قاتار، 2019 جىلدىڭ 1 قاڭتارىنان باستاپ باعانىڭ 5،01 تەڭگەگە ارزانداۋى جوسپارلاندى.

«جايىقجىلۋ قۋاتى» اق-مەن جۇرگىزىلەتىن جىلۋمەن قامتاماسىز ەتۋ ٴتاريفى 78،28 تەڭگەگە تومەندەدى.

مونوپوليست مىندەتتى تولەمگە جاتاتىن 49،2 ملن. تەڭگەنى شىعىنداماي، ونى جىلۋ قۋاتىنىڭ باعاسىنا قوسقان.

سوندىقتان تۇتىنۋشىلارعا اتالعان سومانى قايتارۋ ماقساتىندا 1 گكال ٴۇشىن تاريف 5289،77 تەڭگەدەن 5211،49 تەڭگەگە تومەندەپ، ول 2019 جىلعى 31 تامىزعا دەيىن بولادى.

تەكسەرىستىڭ ناتيجەلەرى «اقسايجىلۋقۋات» مكك-مەن بەكىتىلگەن اقساي قالاسىنىڭ تۇرعىندارى ٴۇشىن جىلۋ قۋاتىن پايدالانۋ قۇنىن 5452،95 تەڭگەدەن 5335،97 تەڭگەگە تومەندەتتى.

بۇل جەردە «اقسايجىلۋقۋات» كاسىپورنى تاريفكە جەكە ۇيىمنىڭ 11،3 ملن. تەڭگەگە ەسەپتەگىش قۇرىلعىلاردى قوندىرۋ قىزمەتىن قوسقان. الايدا ٴدال وسى جۇمىستى وزدەرى جاساي الادى.

ارتىق سوما 1 گكال ٴۇشىن ٴتاريفتى 116،98 تەڭگەگە تومەندەتۋ ارقىلى تۇرعىندارعا قايتارىلاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي