BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

بىتپەس داۋ: سولتۇستىكتە ٴبىرىنىڭ ەگىنىن ەكىنشىسى ورىپ العان ديقاندار سوتتاسىپ جاتىر

فوتو: Автор

سولتۇستىك قازاقستان وبلىسىنىڭ اقجار اۋدانىندا ٴبىرىنىڭ سەپكەن ەگىنىن ەكىنشى شارۋاشىلىق ورىپ العان. ەكى ۇجىم باسشىلارىنىڭ اراسىنداعى بىتپەس داۋ سوتقا جەتتى، دەپ حابارلايدى baq.kz ايماقتاعى ٴتىلشىسى.

كوكتەمدە «بەكزات - 1» ٴجشس-نىڭ ديرەكتورى مارات شاپەنوۆ «تەلمان-سەۆەر» سەتىكتەستىگىنىڭ القابىنا بىرلەسكەن قىزمەت تۋرالى كەلىسىم-شارت نەگىزىندە، ەگىن ەككەن. ول كەزدە ديقان كەپىلدە تۇعان جەردىڭ ساتىلىپ كەتەتىنىن بىلمەسە كەرەك. اتالعان مۇلىك تامىز ايىندا ەلەكتروندىق ساۋدا ارقىلى «بولات» شارۋا قوجالىعىنىڭ يەلىگىنە وتەدى. جەردىڭ جاڭا قوجايىنى ەش ويلانباستان بىتىك شىققان ەگىندى ورىپ العان.

«تەلمان-سەۆەر» ٴجشس-نىڭ مۇشەلەرى ونىڭ قۇرامىنان شىعىپ، ٴوز جەر تەلىمدەرىن «بەكزات - 1» شارۋاشىلىعىنا تاپسىرادى. اتالعان شارۋاشىلىق 6 اي ىشىندە ادىلەت ورگاندارىندا مۇلىكتى تىركەۋگە ٴتيىس ەدى. الايدا، جەر تەلىمى كەپىلدە تۇرعاندىقتان، ونى جۇزەگە اسىرۋ مۇمكىن بولماعان. جەكە سوت ورىنداۋشىسى 10-شى شىلدە كۇنى جەردى ەلەكتروندىق ساۋداعا شىعارىپ جىبەرگەن. ونى ەستىگەن «بەكزات-1» سەرىكتەستىگى سوت ورگاندارىنا شاعىمدانعان. ٴىس ٴالى قارالىپ جاتىر»، - دەيدى سقو اقجار اۋداندىق جەر قاتىناستارى ٴبولىمىنىڭ جەتەكشىسى بولات تورەجانوۆ.

القاپتى ساتىپ العان «بولات» شارۋا قوجالىعى 2 مىڭ تونناعا جاقىن استىقتى جيناپ العان. بۇل «بەكزات - 1» شارۋاشىلىعىنىڭ سەپكەن ەگىنىنىڭ تەڭ جارتىسى. جەرگىلىكتى تۇرعىندار وراق كەزىندە القاپتارعا جاقىنداۋ مۇمكىن بولماعاندىعىن ايتادى. ولاردىڭ سوزىنە قاراعاندا بارلىق جەرگە جەكە كۇزەت قىزمەتىنىڭ باستان-اياق قارۋلانعان ماماندارى قويىلعان.

«ٴ17-شى قىركۇيەك كۇنى كۇزىتشىلەر القاپتاردىڭ بارلىعىن قورشاۋعا الدى. جەكە كۇزەت فيرماسىن جالداعان. 1000 گەكتار القاپتىڭ استىعىن ورىپ العان. ساتىپ الۋ-ساتۋ كەلىسىمشارتى جاسالعانىمەن، جەردى ولار راسىمدەگەن جوق. قابىلداپ-بەرۋ اكتىسى ادىلەت ورگاندارىندا تىركەلمەگەن. سوندىقتان، ولاردىڭ كەلىسىم-شارتىنىڭ زاڭدى كۇشى جوق. ولار سالىقتى دا تولەگەن جوق. ماڭداي تەرمەن تاپقان نان تىستەگەننىڭ اۋزىندا كەتپەسە ەكەن دەيمىن. اۋداندىق سوت اۋكسيون پروتوكولىنىڭ زاڭدى كۇشى جوق ەكەندىگى تۋرالى شەشىم شىعاردى. قارسى تاراپ مۇنىمەن كەلىسپەي وتىر. ٴوز قۇقىعىمدى قورعاۋ ٴۇشىن بارلىق قۇزىرەتتى مەكەمەلەرگە بارامىن»، - دەيدى «بەكزات -1» جشس ديرەكتورى مارات شاپەنوۆ.

سۇحبات بەرۋدەن باس تارتقان «بولات» شارۋا قوجالىعىنىڭ باسشىلىعى ٴوز ارەكەتىندە زاڭسىزدىق جوق ەكەنىن ايتتى. ٴىستىڭ-اق قاراسىن انىقتاۋ ماقساتىندا قىلمىستىق ٴىس قوزعالىپ، تەرگەۋ امالدارى جۇرگىزىلۋدە.

«بۇگىنگى كۇنى اقجار اۋداندىق ىشكى ىستەر بولىمىندە قر قىلمىستىق كودەكسى بويىنشا ٴىس قوزعالدى. تەرگەۋ امالدارى ٴجۇرىپ جاتىر. شىنى كەرەك، ماسەلەدە داۋلى سۇراقتار كوپ. كىمدىكى دۇرىس، كىمدىكى بۇرس ەكەندىگى سوتتا بەلگىلى بولادى»، - دەيدى سقو اقجار اۋداندىق ىشكى ىستەر ٴبولىمىنىڭ باستىعى مۇرات نۇراحمەتوۆ.

جەر داۋى اۋىل تۇرعىندارىن دا اينالىپ وتكەن جوق. جەر ۇلەستەرىنىڭ يەلەرى ٴتيىستى اقىنى كىمنەن تالاپ ەتەتىنىن بىلمەي دال.

«جەرسىز قالدىق. ۇلەسىمىز ساتىلىپ كەتتى. قاراپايىم حالىق نە ىستەۋى كەرەك؟ قايدا بارارىمىزدى دا بىلمەيمىز. بۇل جاعدايدان ٴبىرىنشى كەزەكتە اۋىل تۇرعىندارى جاپا شەگىپ وتىر. قىس جاقىنداپ قالدى. نە جەم-شوپ، نە سابان بەرىلگەن جوق»، - دەيدى ماعجان كارىموۆ.

مال وسىرۋمەن جان ساقتاپ وتىرعان اۋىل تۇرعىندارى، ٴتورت تۇلىك قىستا ازىقسىز قالا ما دەپ الاڭداۋلى. ەكى اي بويى جالعاسىپ كەلە جاتقان داۋدىڭ قاشان جانە قالاي اياقتالارى ازىرگە بەيمالىم.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي