BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

باياناۋىل اۋدانىندا تاۋ-شاڭعى بازاسى ىسكە قوسىلدى

فوتو: Валерий Бугаев

استانا، baq.kz. پاۆلودار وبلىسىنداعى باياناۋىل اۋدانىندا تاۋ-شاڭعى بازاسىن اشۋعا دايىندىق جۇرۋدە. تۋريستەردى مىرزاشوقى تاۋىنا كوتەرەتىن ارقان جولى دايىن. وبلىستىق اكىمدىكتىڭ ٴباسپاسوز قىزمەتىنىڭ مالىمەتىنشە، الداعى ۋاقىتتا قالىڭ قار تۇسكەن سوڭ، باياناۋىلدىقتار قىسقى تۋريستىك ماۋسىمدى اشاتىن بولادى.

بۇگىنگى تاڭدا مىرزاشوقى تاۋىنداعى ارقان جولى تولىق ىسكە قوسىلىپ، تۋريستەردى قابىلداۋعا دايىن. باياناۋىل اۋدانىنا جۇمىس ساپارىمەن كەلگەن ايماق باسشىسى بولات باقاۋوۆ نىساندى ارالاپ كوردى.

«ەگەر، بۇرىن تۋريستەر باياناۋىلعا تەك جازعى ۋاقىتتا كەلەتىن بولسا، ەندىگى جەردە قىسقى دەمالىسقا كەلۋشىلەردىڭ سانى دا ارتاتىن بولادى. قازىرگى كەزدە باياناۋىلعا اكەلەتىن جولدىڭ جوندەۋ جۇمىستارى اياقتالۋعا جاقىن. الداعى كەزدە تۋريستەر تاۋ-شاڭعى بازاسىنا الدەقايدا جىلدام جەتەتىن بولادى»، - دەيدى ٴوڭىر باسشىسى.

نىساننىڭ باس وپەراتورى مەدەت جەتپىسبايەۆتىڭ ايتۋىنشا، ارقان جولى تاۋدىڭ باسىنا ٴبىر ساعاتتىڭ ىشىندە 600 ادامدى كوتەرە الادى.

«ارقان جولىنىڭ ۇزىندىعى 960 مەتردى قۇرايدى، ونىڭ بويىنا ەكى ورىندىق 63 وتىرعىشتار ورنالاسقان. بەرىلگەن جىلدامدىق بويىنشا ارقان جولىنداعى ساپاردىڭ ۇزاقتىعى 11 مينۋتتان 24 مينۋتقا دەيىن سوزىلۋى مۇمكىن. قاۋىپسىزدىكتى قامتاماسىز ەتۋ ٴۇشىن جولدىڭ شەتىندە جەلدىڭ جىلدامدىعىن باقىلايتىن ارنايى بەلگىلەر ورناتىلعان. ەگەر، جەلدىڭ جىلدامدىعى سەكۋندىنا 25 مەتردى قۇرايتىن بولسا، جوعارىعا كوتەرىلۋ توقتاتىلادى. سونىمەن بىرگە، ارقان جولىنىڭ رەزەرۆتىك قۋات كۇشى رەتىندە ديزەل گەنەراتورى قاراستىرىلعان»، - دەيدى مەدەت جەتپىسبايەۆ.

ارقان جولىنان بولەك قۇرىلىسشىلار قوسالقى ٴۇي-جايلاردى دا سالىپ ٴبىتىردى. سونىمەن بىرگە، تۋريستىك بازاعا كەلۋشىلەر ٴۇشىن ارنايى سپورت جابدىقتارى دا ساتىپ الىنعان.

باياناۋىلداعى جاڭا بازا كۇنىنە بەس مىڭعا دەيىن ادام قابىلداۋعا قاۋقارلى. تۋريستىك نىساندا جەرگىلىكتى تۇرعىندار ٴۇشىن ونداعان جۇمىس ورىندارى اشىلادى دەپ كۇتىلىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي