BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

باتىس قازاقستاندا كورىسۋ كۇنى اتالىپ ٴوتتى

فوتو: «Нұр Ғасыр» мешітінің баспасөз қызметі

بۇگىن اقتوبەدەگ اتا-بابامىزدان مۇرا بولىپ قالعان يگى عۇرىپ – كورىسۋ كۇنى اتالىپ ٴوتتى. سالەم مەن سىيلاستىقتى جايعان بۇل مەرەكە «نۇر عاسىر» وبلىستىق ورتالىق مەشىتىندە دە مەرەكەلەندى. قازاقتىڭ بەدەرلى شاپانى مەن ويۋلى تاقياسى، كامزول-كاجەكەيى مەن كيمەشەك-جاۋلىعى سەكىلدى ۇلتتىق كيىم ۇلگىسىندە كيىنگەن ۇلكەن-كىشى سالتاناتقا ەرەكشە ٴسان بەرە ٴتۇستى. قاريا مەن قارتىمىز، اعا مەن ٴىنى، اپا مەن اجەلەرىمىز اماندىق سۇراسىپ، قول بەرىپ، كورىستى. بىر-بىرىمەن ٴتوس قاعىستىرىپ، جاقسى تىلەكتەرىن ارنادى، دەپ حابارلايدى baq.kz اقپارات اگەنتتىگى.

مەشىتتىڭ نايب يمامى نۇرلىبەك كۇزەنبايەۆ اتالمىش كۇننىڭ ماڭىزى تۋرالى ايتىپ، ونىڭ ۇلكەنگە ٴبىرىنشى كەلىپ سالەم بەرۋ، ەسەن-ساۋلىعىن ٴبىلۋ سەكىلدى قازاقى تانىممەن دە، مۇسىلمانشىلىق تالىم-تاربيەمەن دە استاسىپ جاتقاندىعىن اتاپ ٴوتتى. مۇسىلماندار اراسىندا اللانىڭ ەسەندىگى مەن بەيبىتشىلىگىن جايۋدى وسيەت ەتكەن اللا ەلشىسىنىڭ ونەگەسى دە وسى اتاۋلى كۇننىڭ امالىمەن ورايلاس. جاماعاتتاعى جاسى ۇلكەن اقساقالدار دا باتا-تىلەكتەرىن ايتىپ، ەسكى عۇرىپتىڭ ۇمىتىلماي، ۇلتتىق مەرەكە ەسەبىندە ەلەنۋى – قازاقتىڭ قوناقجايلىعى مەن بىرلىگى جاراسقان ىنتىماعىن پاش ەتەتىندىگىن، اۋىزبىرشىلىگىن نىعايتا تۇسەتىندىگىن تىلگە تيەك ەتتى. بارلىعى باۋىرساقپەن شۇبات ٴىشىپ، ۇلتتىق دامنەن اۋىز ٴتيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي