BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

باتىس قازاقستاندا دەپۋتاتتار ارنايى مامانداندىرىلعان حقكو-نىڭ جۇمىسىمەن تانىستى

بۇگىن ٴماجىلىس دەپۋتاتتارى ەۆگەنيي كوزلوۆ، گلەب ششەگەلسكيي، سەرگەي سيمونوۆ جانە سنەجاننا يماشەۆا باتىس قازاقستان وبلىسىنا بارىپ، مامانداندىرىلعان حالىققا قىزمەت كورسەتۋ ورتالىعىنىڭ جۇمىسىمەن تانىستى، دەپ حابارلايدى baq.kz اقپارات اگەنتتىگى.

اعىمداعى جىلدىڭ 31 مامىرىندا اشىلعان حقكو كۇنىنە شامامەن 500-600 تۇرعىنعا قىزمەت كورسەتىپ، ايىنا 8 مىڭعا جۋىق وتىنىشتەردى قابىلدايدى.

وسى رەتتە، ٴماجىلىس دەپۋتاتى سنەجاننا يماشەۆا ورتالىقتىڭ جۇمىسىنا جوعارى باعاسىن بەرىپ:

«پارلامەنتتىڭ كەزەكتى سەسسياسىنىڭ قورىتىندىلارى بويىنشا بىزدەر تۇرعىندارمەن پارلامەنت جۇمىسىمەن جانە دە مەملەكەت باسشىسىنىڭ باستامالارىنىڭ قالايشا جۇزەگە اسىرىلىپ جاتقاندىعىن جەتكىزۋ ماقساتىندا كەزدەسۋلەر وتكىزۋدەمىز. وسى جۇمىس اياسىندا بۇگىن مامانداندىرىلعان حالىققا قىزمەت كورسەتۋ ورتالىعىن ارالاپ شىقتىق. اتالمىش ورتالىقتىڭ جۇمىسى كوڭىلدەن شىقتى. بۇل قازاقستاندا ەڭ جاڭا ٴارى حالىققا قىزمەت كورسەتۋ ورتالىقتاردىڭ ۇزدىگى دەپ ايتۋعا بولادى. ٴىشى وتە كەڭ، حالىققا بارلىق جاعداي جاسالعان، قىزمەت كورسەتۋدىڭ بارلىق تۇرلەرى بار، سونىڭ ىشىندە، ەلەكتروندىق قىزمەت بارلىق جەردە كورسەتىلىپ ستاندارتتارعا ساي جۇمىس ىستەۋدە»، – دەدى.

دەپۋتاتتار كەزدەسۋ بارىسىندا پارلامەنتتىڭ زاڭ شىعارۋشىلىق جۇمىسىمەن جانە مەملەكەت باسشىسىنىڭ الەۋمەتتىك باستامالارىنىڭ جۇزەگە اسىرىلۋ بارىسى تۋرالى ايتىپ، ارنايى مامانداندىرىلعان حالىققا قىزمەت كورسەتۋ ورتالىعىنا وڭ باعاسىن بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي