BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

بالانى كورپەمەن تۇنشىقتىرعان تاربيەشىنىڭ ارىپتەسى ونىڭ قانداي مامان بولعاندىعىن ايتتى

تامىز ايىنىڭ سوڭىندا تەمىرتاۋدا جەكەمەنشىك بالاباقشا تاربيەشىسىنىڭ جىلاعان بالانى كورپەمەن تۇنشىقتىرعان ۆيدەوسى الەۋمەتتىك جەلى ارقىلى تاراپ، قوعامدى ۇلكەن رەزونانس تۋدىرعان بولاتىن. قاتىگەز تاربيەشىنىڭ ەسىمى ٴۇمىت ەكەندىگى بەلگىلى بولدى. baq.kz اگەنتتىگىنىڭ ايماقتاعى ٴتىلشىسى

بالاباقشادا تاربيەشىسىمەن بىرگە جۇمىس ىستەگەن قالا تۇرعىنىن تاۋىپ، ٴۇمىتتىڭ قانداي مامان ەكەندىگىن سۇراپ بىلگەن ەدى.

«عالامتور ارقىلى تاراعان ۆيدەوداعى تاربيەشىنىڭ ٴبىر كەزدەرى قىزمەتتەس بولعان ٴۇمىت ەكەندىگىن بىردەن تانىدىم. وسىدان 2 جىل بۇرىن ۇمىتپەن مەملەكەتتىك بالاباقشادا شامامەن ٴبىر جىلداي بىرگە جۇمىس ىستەدىك. ٴبىرتوعا، كوپ سويلەمەيتىن ايەل بولاتىن. كەيىننەن مەن وتباسىلىق جاعدايىما بايلانىستى جۇمىستان شىعىپ كەتتىم. ٴۇمىت تە مەنەن كەيىن ول بالاباقشادان كەتكەن ەكەن»، - دەيدى تەمىرتاۋ تۇرعىنى اسىل قالدىبايەۆا.

ونىڭ ايتۋىنشا، ٴۇمىت مەملەكەتتىك مەكتەپكە دەيىنگى ٴبىلىم بەرۋ مەكەمەسىندە بالا كۇتۋشىسى بولىپ جۇمىس ىستەگەن، ياعني بالالاردىڭ تاربيەسىمەن ەمەس، ولاردىڭ كۇتىمىمەن اينالىسقان.

«ونىڭ جەكەمەنشىك بالالار باقشاسىندا تاربيەشى قىزمەتىن اتقارعانىن ەستىگەندە تاڭداندىم. سەبەبى، مەنىڭ بىلۋىمشە ونىڭ تاربيەشى بولۋى ٴۇشىن ارنايى ٴبىلىمى جوق بولاتىن»، - دەيدى ا.قالدىبايەۆا.

ەسكە سالايىق، تەمىرتاۋداعى «دوميك» جەكەمەنشىك بالاباقشاسىندا تاربيەشى جىلاعان بالانى كورپەمەن تۇنشىقتىرىپ، ۋاتپاق بولعان. ونىڭ بۇل ٴىسىن بالا كۇتۋشىسى تاسپاعا ٴتۇسىرىپ الىپ، الەۋمەتتىك جەلىگە جۇكتەگەن. اتالعان وقيعاعا بايلانىستى وبلىستىق ٴىىد قىلمىستىق ٴىس قوزعاعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي