BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

بايدىبەكتە كەزەك كۇتكەن 326 تۇرعىنعا جەر تەلىمى بەرىلدى

بايدىبەك اۋدانىنىڭ ورتالىعى شايان اۋىلىندا «نۇرلى جەر» باعدارلاماسى بويىنشا 55 گەكتار جەر تەلىمىنە ينجەنەرلىك-كوممۋنيكاسيالىق ينفراقۇرىلىمنىڭ قۇرىلىسى اياقتالدى. بۇگىن اۋدانعا ارنايى ٴباسپاسوز تۋرىمەن بارعان باق وكىلدەرى اۋدانداعى ٴبىرقاتار جۇمىستارمەن تانىستى، دەپ حابارلايدى ۆaq.kz اقپارات اگەنتتىگى.

اتالعان جەر تەلىمدەرى شايان اۋىلدىق وكرۋگىندە كەزەكتە تۇرعان 326 تۇرعىنعا بەرىلەدى. بۇل جەر تەلىمدەرىندە اۆتوجول، اياق جول توسەلىپ، سۋاعارلار مەن ەلەكتر باعانالارى جانە اۋىز سۋ جۇيەسى ورناتىلعان. ياعني، تۇرعىندارعا جاعداي جاسالعان. شايان اۋىلدىق وكرۋگىنىڭ اكىمىنىڭ ورىنباسارى ساكەن مىرزابەكوۆتىڭ ايتۋىنشا، ينفراقۇرىلىم رەسپۋبليكالىق بيۋدجەت ەسەبىنەن تارتىلعان. ٴۇي سالام دەيتىن تۇرعىندار ٴۇشىن كوممۋنالدىق ماسەلەلەر تولىق شەشىلگەن.

بايدىبەك اۋدانىنىندا جۇرتشىلىقتى تۇرعىن ۇيمەن قامتاماسىز ەتۋ بويىنشا ٴبىرقاتار جۇمىستار جۇرگىزىلىپ جاتىر. جۋىردا استانا قالاسىنىڭ 20 جىلدىعى مەرەيتويى قارساڭىندا 1 پاتەرلى 20 تۇرعىن ٴۇيدىڭ كىلتى سالتاناتتى تۇردە تابىس ەتىلىپ، 20 وتباسى قونىس تويىن تويلادى. اتاپ ايتقاندا، ۇيلەر جەتىم بالالار مەن اتا-اناسىنىڭ قامقورلىعىنسىز قالعان بالالارعا، الەۋمەتتىك جاعىنان قورعالاتىن تابىسى از ازاماتتارعا، مەملەكەتتىك قىزمەتشىلەر، وزگە دە بيۋدجەتتىك ۇيىمداردىڭ قىزمەتكەرلەرى مەن اسكەري قىزمەتشىلەرگە جانە اپاتتى جاعدايداعى ۇيلەر ساناتى بويىنشا تۇرعىن ٴۇي كەزەگىندە تۇرعان ازاماتتارعا بەرىلدى. ۇيلەردىڭ اۋلاسى قورشالعان، اۋىز سۋ تارتىلعان. باسپانالى بولعان تۇرعىنداردىڭ ٴبىرى، كوپبالالى اكە، بىلىكتى حيرۋرگ جامالبەك بەيسەنوۆ 10 جىل كەزەككە تۇرعان. ول ٴۇيدىڭ ساپالى ٴارى قولايلى سالىنعانىن ايتىپ، ريزاشىلىعىن ٴبىلدىردى.

قازىرگى تاڭدا بايدىبەك اۋدانى شايان اۋىلىنىڭ باتىس بولىگىندە ورنالاسقان جاڭا ۇيلەر ٴوز الدىنا ٴبىر شاعىناۋدان بولىپ قۇرىلىپ وتىر.

ودان بولەك، بايدىبەك اۋدانىنداعى 3 ەلدى مەكەندە جەكە مەردىگەرلەردىڭ ەسەبىنەن 2 قاباتتى 10 پاتەرلى قىزمەتتىك تۇرعىن ٴۇيدىڭ جانە اۋدان ورتالىعى شايان اۋىلىنان 2 قاباتتى 16 پاتەرلى 5 تۇرعىن ٴۇيدىڭ قۇرىلىسىنا جوبالىق-سمەتالىق قۇجاتتامالارى ازىرلەنىپ جاتىر.

بۇگىندە شايان اۋىلىندا جەكە ينۆەستورلار جالپى قۇنى 1،3 ملرد. تەڭگەگە جابىق تەننيس كورتى، ٴجۇزۋ باسسەينى، جانە سپورت الاڭشالارىنىڭ قۇرىلىسىن باستاپ كەتتى. قۇرىلىس نىساندارىن تۇركيالىق مەردىگەر كومپانيا سالىپ جاتىر. بۇل نىساندار بيىل پايدالانۋعا بەرىلمەك. تەننيس كورتى ساپالى توسەنىشپەن جابدىقتالعان. ال، جابىق باسسەيننىڭ ۇزىندىعى 25 مەتر بولسا، ەنى -- 11 مەتر. باسسەين اۆتوماتتى تازالاۋ جۇيەسىمەن جابدىقتالىپ جاتىر. نىساندار 1-2 اي كولەمىندە پايدالانۋعا بەرىلمەك. ەندى اۋداندا ۇلكەن تەننيس، ٴجۇزۋ سپورتى دامىماق. بۇگىندە اۋداندىق دەنە شىنىقتىرۋ جانە سپورت بولىمىنە قاراستى 1 سپورتتىق كەشەن، 5 بالالار مەن جاسوسپىرىمدەر سپورت مەكتەبى جۇمىس ىستەپ تۇر. بيىلدىڭ وزىندە اۋدانداعى سپورت مەكتەپتەرىندەگى 40-قا جۋىق سپورتشى وبلىستىق، رەسپۋبليكالىق جانە حالىقارالىق جارىستاردان جۇلدەمەن ورالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي