BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

اياگوزدە زارداپ شەككەندەرگە دانيال احمەتوۆ ٴبىر ايلىق ەڭبەكاقىسىن اۋداردى

فوتو: total.kz

شىعىس قازاقستان وبلىسىنداعى اياگوز اۋدانىندا 189 ٴۇيدى توپان سۋ الىپ، ونىڭ ٴ8-ى قۇلاعان. قازىرگى ۋاقىتتا سۋدىڭ ارىنى باسىلىپ تۇرعىندار ۇيلەرىنە ورالدى. تابيعي اپات سالدارىنان زارداپ شەككەندەرگە كومەك رەتىندە وبلىستىق پارىز قورىنان 50 ملن تەڭگە اۋدارىلدى. بۇل تۋرالى وبلىستىق اكىمدىكتە وتكەن ٴباسپاسوز ماسليحاتىندا ايماق باسشىسى دانيال احمەتوۆ مالىمدەدى، دەپ حابارلايدى baq.kz اقپارات اگەنتتىگى.

شىعىس قازاقستاندا اۋا –رايىنىڭ كۇرت جىلۋى جانە تولاسسىز جاۋعان جاۋىن-شاشىننان 229 ٴۇيدى سۋ باستى. ەڭ كوپ زارداپ شەككەن ٴوڭىر اياگوز اۋدانى بولىپ وتىر.

«ەڭ قيىن جاعداي اياگوزدە بولعان. ٴبىز بۇل ماسەلەنى شەشە الدىق. ٴقاۋىپسىز جەرگە كوشىرىلگەن تۇرعىنداردىڭ كوپشىلىگى ٴوز ۇيلەرىنە ورالدى. ٴقازىر 73 ادام مەكتەپ-ينتەرناتتا جاتىر. ولارعا جەر-جەردەن گۋمانيتارلىق كومەك كەلۋدە. اۋداندا زارداپ شەككەندەرگە كومەك بەرۋ ماقساتىندا «اياگوز-بولاشاق» قورى جۇمىس ىستەپ تۇر. بۇگىن تاڭەرتەڭ سول قوردىڭ ەسەپ شوتىنا ٴوزىمنىڭ ٴبىر ايلىق ەڭبەكاقىمدى اۋداردىم»،-دەدى دانيال احمەتوۆ.

ال، وبلىستىق «پارىز» قورىنان 50 ملن تەڭگە جىبەرىلگەن. ايماقتىڭ ٴدىن وكىلدەرى دە العاشقىلاردىڭ ٴبىرى بولىپ، جىلۋ جيناۋعا كىرىسكەنىن ايتا كەتۋ كەرەك. وبلىستىق مەشىتتىڭ ۇيىتقى بولۋىمەن «شىعىس اسارى» اكسياسى ۇيىمداستىرىلعان. اكسيا اياسىندا وبلىستىڭ كەز-كەلگەن تۇرعىنى العاشقى قاجەتتىلىك زاتتارى مەن ازىق-تۇلىكتى مەشىتتەردە اشىلعان پۋنكتەرگە وتكىزە الادى.

سونداي-اق، «نۇر وتان» پارتياسى مەن «جاس وتان» جاستار قاناتى گۋمانيتارلىق كومەك قابىلداۋ پۋنكتەرىن اشقان. ال قوعامدىق بەلسەندىلەر مەن كاسىپوداق وكىلدەرى رەسپۋبليكا كولەمىندە «تاسقىن-2018» اكسياسىن قولعا الىپ، 10 تونناعا جۋىق گۋمانيتارلىق كومەك جيناعان.

ايماق باسشىسى، تابيعات اپاتى سالدارىنان باسپاناسىنان ايىرىلعان ەشبىر وتباسى دالادا قالمايتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي