BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

اتىراۋلىقتار شىعىس قازاقستان وبلىسىندا سۋ تاسقىنىنان زارداپ شەككەندەرگە كومەك كورسەتەدى

اتىراۋلىقتار شىعىس قازاقستان وبلىسىندا سۋ تاسقىنىنان زارداپ شەككەندەرگە گۋمانيتارلىق كومەك جيناپ جاتىر، دەپ حابارلايدى baq.kz اقپارات اگەنتتىگى.

«وبلىستىق جاستار ساياساتى ماسەلەلەرى جونىندەگى باسقارمانىڭ باستاماسىمەن شقو-دا سۋ دەڭگەيىنىڭ كوتەرىلۋىنەن زارداپ شەككەندەرگە گۋمانيتارلىق كومەك جينايتىن شتاب اشىلدى. ايماقتاعى مەملەكەتتىك قىزمەتشىلەر دە باستاماعا ٴۇن قوسىپ، زارداپ شەككەندەرگە قارجىلاي كومەك اۋدارۋعا نيەت ٴبىلدىرىپ وتىر»، - دەپ ٴمالىم ەتتى اتىراۋ وبلىسى اكىمىنىڭ ٴباسپاسوز قىزمەتى.

وبلىستىق جاستار ساياساتى ماسەلەلەرى جونىندەگى باسقارما باسشىسى روللان قۇسپاننىڭ ايتۋىنشا، دۇيسەنبى، 12 ناۋرىز كۇنى شىعىس قازاقستان وبلىسىندا سۋ تاسقىنىنان زارداپ شەككەندەرگە گۋمانيتارلىق كومەك جيناۋ ٴۇشىن جاستار رەسۋرستىق ورتالىعى بازاسىندا شتاب اشىلعان.

«بۇل باستامانى بارلىق جاستار ۇيىمدارى قىزۋ قولدادى. گۋمانيتارلىق كومەك 19 ناۋرىزعا دەيىن جينالادى. سودان كەيىن شىعىس قازاقستان وبلىسىنا جونەلتەمىز. ٴبىزدىڭ ەرىكتىلەرىمىز دە سۋ تاسقىنى بولعان جەرلەرگە بارىپ، قولدارىنان كەلەتىن كومەكتەرىن كورسەتۋگە نيەتتى»، - دەيدى روللان قۇسپان.

سونداي-اق، اتىراۋ وبلىسى اكىمى اپپاراتى مەن باسقارمالار سۋ تاسقىنىنان زارداپ شەككەندەرگە قارجىلاي كومەك جيناپ جاتىر. مەملەكەتتىك قىزمەتشىلەردىڭ ٴبىر كۇندىك ەڭبەكاقىلارى ارنايى ەسەپشوت اشىلعاننان كەيىن سۋ تاسقىنىنان زارداپ شەككەندەردىڭ ەسەپشوتتارىنا اۋدارىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي