BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

اتىراۋدا قيعاش پەن جايىق وزەندەرىنىڭ ٴتۇبىن تەرەڭدەتۋ جۇمىستارى اۋقىمدى تۇردە جۇرگىزىلۋدە

سوڭعى رەت اتالعان وزەندەردە تەرەڭدەتۋ جۇمىستارى وتكەن عاسىردىڭ 80 جىلدارى جۇرگىزىلگەن بولاتىن، دەپ xابارلايدى baq.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

وتكەن 40 جىل ىشىندە سۋ توعاندارىنداعى سۋ اپاتتى جاعدايعا دەيىن تومەندەگەنىمەن قويماي، جايىق وزەنى شامادان تىس لاستاندى. كەيبىر تەلىمدەردە سۋ دەڭگەيى نەبارى 40-50 سم. وسىعان وراي، قازىرگى تاڭدا ٴتۇپ تەرەڭدەتۋ جۇمىستارىن «پاۆلودار وزەن پورتى» اق جۇرگىزۋدە.

«1 تامىزدان بەرى ٴبىز شارون تارماعىندا 3 كم تەرەڭدىكتە، تەڭىزدە مىڭ مەترگە دەيىن قازۋ جۇمىستارىن جۇرگىزدىك. سونداي-اق، ەكسكاۆاتورلار ارقىلى وزەندەردى كوپ قوقىستاردان تازارتتىق. قيعاشتا ٴبىز 480 مىڭ تەكشە مەتر جەردى قازۋىمىز كەرەك، وسى جوسپاردى جىلدىڭ اياعىنا دەيىن ورىندايمىز»، - دەيدى «پاۆلودار وزەن پورتى» اق ٴتوراعاسىنىڭ ورىنباسارى ماقسات ٴسادۋاقاسوۆ.

ايتا كەتۋ كەرەك، بۇل جۇمىستار ەكوجۇيەگە زيان كەلتىرمەيدى، كەرىسىنشە، تۇبىندەگى شوگىندىلەر وسىمدىكتەردىڭ وسۋىنە ىقپال ەتەدى جانە بالىقتىڭ وسۋىنە وڭ اسەرىن تيگىزەدى.

«قازىرگى ۋاقىتتا قۇرىلعىلارمەن سۋدىڭ 3-3.20 مەتر تەرەڭدىگىن قازۋدامىز. بالتيكالىق جۇيە بويىنشا ارنانىڭ ەنى 40 مەتر بولسا، سونىڭ 25 مەترى وسى 2،5-3 مەتر تەرەڭدىك كولەمىندە بولۋى شارت. قازۋ جۇمىستارىنان كەيىن توپىراق نەمەسە باسقا دا قالدىقتار اسەرىنەن تەرەڭدىك جويىلماۋ ٴۇشىن 20-30 سم تەرەڭىرەك قازىپ جاتىرمىز»، - دەيدى تەلىم باسشىسى ديدار اليپوۆ.

جايىق جانە قيعاش وزەندەرىنىڭ ٴتۇبىن تەرەڭدەتۋ بويىنشا ٴىس-شارالاردىڭ باستى ماقساتى – بالىق جۇرەتىن ارنالاردا بالىقتىڭ جويىلىپ بارا جاتقان باعالى تۇقىمدارىنىڭ ٴوسىمىن ۇلعايتۋ، بالىقتاردىڭ ۋىلدىرىق شاشۋعا ەركىن ٴوتۋىن قامتاماسىز ەتۋ. بۇل جۇمىستار وزەن ورتاسىنىڭ بيولوگيالىق الۋان تۇرلىلىگى ٴۇشىن قولايلى جاعدايلار جاساۋ، سونداي-اق مەليوراسيا جانە وزەن ارنالارىن تەرەڭدەتۋگە باعىتتالعان.

شورتانباي اۋىلدىق وكرۋگى ارداگەرلەر كەڭەسىنىڭ ٴتوراعاسى ساياسات زۇلقارنايەۆتىڭ ايتۋىنشا، اتالعان جۇمىستار باستالعان كەزدە تۇرعىندار تاراپىنان: "قازىپ جاتىرعان جەردەگى سۋدىڭ قالدىقتارى مال جايىلاتىن جەرلەرگە كەسىرىن تيگىزبەي مە؟" دەگەن ساۋالدار تۋعان. ولار وزەننىڭ سۋىن اۋىل شارۋاشىلىق ماقساتتارىندا پايدالانادى، اتاپ ايتقاندا، مالدى سۋارادى جانە جەم دايىندايدى.

«بۇل بالىق جۇرەتىن وزەك. 126 شاقىرىمدى ٴوزىنىڭ ۋاقىتىندا تازالاي السا العا قاراي ەلدى-مەكەنىمىزدە، اۋدانىمىزدا بالىق ٴونىمى كوبەيەدى دەگەن ويدامىز. بۇل جۇمىستار قازىرگى كەزدە بالىق وسۋگە كەدەرگى كەلتىرمەيدى. كەرىسىنشە، تۇرعىندار اتىنان جىلدار بويى كەدەرگى بولعان ماسەلەنى شەشۋگە كومەكتەسىپ جاتىرعان وبلىس باسشىلىعىنا العىس ايتامىز.تەك جۇمىستار اياقتالعاننان كەيىن اۋماقتىڭ تازالىعىن تەكسەرىپ، قاداعالاپ وتىراتىن ٴبىر مەكەمە قۇرىلسا دەيمىز»، - دەپ حالىق سۇرانىسىن ٴبىلدىردى ارداگەر ساياسات زۇلقارنايەۆ.

ايتا كەتەيىك، جايىق جانە قيعاش وزەندەرىنىڭ ٴتۇبىن تەرەڭدەتۋ بويىنشا ٴىس-شارالار 2017-2020 جىلدار ارالىعىندا ٴتورت جىلعا سوزىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي