BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

اتىراۋدا اقوردانىڭ كوشىرمەسى پايدا بولدى

فوتو: Атырау қаласындағы Назарбаев Зияткерлік мектебі

اتىراۋ قالاسىنداعى نازاربايەۆ زياتكەرلىك مەكتەبىنىڭ وقۋشىلارى استانانىڭ 20 جىلدىعىنا وراي ەلوردانىڭ بەلگىلى عيماراتتارىنىڭ كوشىرمەسىن جاسادى، دەپ حابارلايدى baq.kz اقپارات اگەنتتىگى.

ارحيتەكتۋرالىق نىسانداردى وقۋشىلار «ەل جۇرەگى - استانا» مەرەكەلىك ونكۇندىگى اياسىندا جاساعان. بارلىق ماكەتتەردى جاساۋ ٴۇشىن بىرنەشە كەلى پوليۆينيل حلوريد قالقانى (پۆح) جانە كادىمگى جەلىم پايدالانىلعان. ونعا جۋىق ماكەتتەر اراسىندا ايگىلى بايتەرەك، حان شاتىر، كولىك جانە كوممۋنيكاسيالار مينيسترلىگىنىڭ عيماراتى، «سەۆەرنوە سيانيە» كوپ قاباتتى تۇرعىن ٴۇي كەشەنى، حالىق اراسىندا پيراميدا اتالىپ كەتكەن بەيبىتشىلىك جانە كەلىسىم سارايى مەن اقوردا رەزيدەنسياسى دا بار.

«وقۋشىلار بۇل ماكەتتەردى ونەر ساباعىندا دايىندادى. الدىمەن ٴار نىساننىڭ سىزباسىن جاساپ الدىق. سودان سوڭ كەرەك ماتەريالداردىڭ كولەمىن انىقتادىق. توپتىق جۇمىستىڭ ناتيجەسىندە وسىنداي بۇيىمدار شىعادى»، - دەدى ونەر ٴپانىنىڭ ٴمۇعالىمى دانيار ولجاعاليەۆ.

ۇستازدىڭ ايتۋىنشا ەڭبەك ساباعىندا جاسالعان بۇل تۋىندىلار بالالاردى تەك قولونەرگە ماشىقتاندىرىپ قانا قويماي ولاردىڭ ماتەماتيكاداعى جانە بەينەلەۋ پاندەرىندە العان ٴبىلىمىن تاجىريبەدە پىسىقتاۋعا مۇمكىندىك بەرەدى. قول ماتوريكاسىنا جاعىمدى اسەر ەتەتىن بۇل جۇمىس ٴتۇرى بالانىڭ قيالىنا ەرىك بەرىپ، وقۋشى مەن ۇستازدىڭ اراسىندا ەركىن قارىم-قاتىناستىڭ ورناۋىنا سەپتىگىن تيگىزەدى.

وقۋشىلاردىڭ قولىنان شىققان ساۋلەتتى نىسانداردىڭ اراسىندا كوزدى ەلەڭ ەتكىزەتىنى – ەلباسىنىڭ اقوردا رەزيدەنسياسى. مۇنى وقۋشىلار شامامەن ون كۇندە اياقتاعان. ٴبىرى اقوردانىڭ قابىرعاسىن تۇرعىزسا، ەندى ٴبىرى عيمارتتىڭ تەرەزەلەرىن ۇقىپتىلىقپەن ورناتقان. كوشىرمەنىڭ ٴتۇپنۇسقاعا ۇقساۋى ٴۇشىن بالالار ٴتۇرلى ٴتۇستى بوياۋلار مەن 12 ۆولتتىق ديود شامدارىن پايدالانعان. اقوردانىڭ سالماعى 5 كەلى. ۇزىندىعى 1،5 مەتر، ال ەنى 1 مەترگە جۋىقتايدى.

«مەن ٴۇشىن بۇل عيماراتتى جاساۋدا ەشقانداي قيىندىق تۋعان جوق. بىزدەر اۋەلى توپقا بولىنگەن سوڭ اركىم عيماراتتىڭ بەلگىلى بولىكتەرىن دايىنداۋعا جاۋاپتى بولدى. اقوردانىڭ قۇرلىسىن بارلىعىمىز بىرگە اياقتادىق. ناتيجەسى مەنىڭ كوڭىلىمنەن شىقتى»، - دەدى ماكەتتى قۇراستىرعان دانا قۋانىشەۆا.

استانانىڭ 20 جىلدىعىنا وراي ۇيىمداستىرىلعان بۇل ارت-گالەرەيا كورمە رەتىندە جىل اياعىنا دەيىن جۇمىس ىستەيدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي