BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

اتىراۋ وبلىسىندا اداسىپ كەتكەن اڭشى تابىلدى

2018 جىلعى 5 قازاندا ساعات 16:00 شاماسىندا 5 ادام اتىراۋ وبلىسىنىڭ جىلىوي اۋدانىنا كتك-ك تراسساسىنان 153 كم قاشىقتىقتا ورنالاسقان «وحوتنيچي ۋگوديا» بازاسىنا اڭ اۋلاۋ ٴۇشىن بارعان. 6 قازاندا اڭشىلار تاڭەرتەڭگى ۋاقىتتا ارنايى تەحنيكامەن اڭ اۋلاۋعا شىققان. اڭ اۋلاپ جۇرگەن كەزدەرىندە ولار ابايسىزدا كانالگا باتىپ، امان-ەسەن شىعادى، الايدا تەحنيكالارى كانالعا باتقان كۇيى قالىپ قويادى. ٴبارى لاگەرگە دەيىن جاياۋ جۇرەدى. جارتى جولدا بەسەۋى بەس جاققا تارتىپ، ٴار ٴتۇرلى باعىتپەن جول ٴجۇرىپ، بىر-بىرىنەن اداسىپ قالعان، دەپ حابارلايدى baq.kz اقپارات اگەنتتىگى.

لاگەرگە ٴبىر اڭشى (ازامات ك.ا. 1962 گ/ر) كەلمەي قالادى.

دوستارى ىسقىرىپ، اۋاعا مىلتىقپەن وق اتقان، ٴبىراق تىنىشتىقتان باسقا ەشقانداي جاۋاپ ەستي الماعان. تاڭ اتقانشا كۇتەدى. ول مەكەندە بايلانىس مۇلدەم جوق، اڭشىلار نە بولسا دا قالاعا جەتىپ الۋدى ٴجون سانايدى. قالاعا جەتكەن بويدا قۇتقارۋشىلاردىڭ كومەگىنە جۇگىنەدى.

قر ٴىىم تجك «باتىس وڭىرلىك اەروۇتقىر جەدەل قۇتقارۋ جاساعى» مەملەكەتتىك مەكەمەسىنىڭ قۇتقارۋشىلارىنا قوڭىراۋ 2018 جىلعى 8 قازاندا ساعات 05:30 شاماسىندا تۇسەدى. قۇتقارۋشىلار مۋرزاگاليەۆ ازامات، دۋيسەنگاليەۆ باۋىرجان، سارسەنگاليەۆ تۋرار جانە قۇتقارۋشى-يت گروم جەدەل تۇردە ىزدەستىرۋ-قۇتقارۋ جۇمىستارىنا شىعادى.

اڭشىنى ترەكول ارنايى اۆتوكولىگىمەن ىزدەستىرەدى. قۇتقارۋشىلار 100 شاقىرىمداي جۇرەدى. اڭ اۋلاۋشىنى 11:20 دا تاۋىپ الادى. ونىڭ جاعدايى جاقسى بولعاندىقتان، مەديسينالىق كومەك قاجەت بولمادى.

«بازاعا (لاگەرگە) كەلە جاتقان جولدا مەن قالعان دوستارىمنان قالىپ قويدىم. ەكى تاۋلىكتەي قامىستاردىڭ ورتاسىندا جۇرۋگە تۋرا كەلدى. 8 قازاندا مەنى قر ٴىىم تجك «باتىس وڭىرلىك اەروۇتقىر جەدەل قۇتقارۋ جاساعىنىڭ» قۇتقارۋشىلارى قۇتقارىپ الدى. قۇتقارۋشىلارعا العىسىم شەكسىز»، - دەپ العىسىن ٴبىلدىردى ەكى كۇن بويى اداسىپ جۇرگەن ازامات.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي