BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

استانالىقتار سۋ تاسقىنىنان زارداپ شەككەن اياگوزدىكتەرگە كومەكتەسەدى

باستاماشى توپ ەلوردالىقتاردى سۋ تاسقىنىنان زارداپ شەككەن شقو-نىڭ اۋىل-ايماقتارىنا كومەك قولىن سوزۋعا شاقىرادى. كومەككە كيىم-كەشەك، ازىق-تۇلىك جانە قارجىلاي كومەك قابىلدانادى، دەپ حابارلايدى baq.kz اقپارات اگەنتتىگى elorda.info سايتىنا سىلتەمە جاساپ.

ايتا كەتەيىك، 10 ناۋرىز كۇنى قار سۋى مەن جاۋىن-شاشىن سالدارىنان شىعىس قازاقستان وبلىسىنىڭ اياگوز اۋدانىن سۋ باستى. رەسمي مالىمەتكە سۇيەنسەك، بۇگىندە اياگوز، ٴۇرجار، كۇرشىم، ۇلان، گلۋبوكوە، زايسان اۋداندارى سۋ قۇرساۋىندا قالىپ، تۇرعىندار ٴقاۋىپسىز جەرلەرگە كوشىرىلدى. وسىعان وراي، استانادا تۇراتىن شىعىسقازاقستاندىقتار باستاما كوتەرىپ، ٴۇي-جايلارى سۋ استىندا قالعان جەرلەستەرىنە كومەك جيناۋدا.

«بىزگە جەتكەن اقپاراتقا سايكەس، بۇگىنگە اياگوزدىڭ وزىندە 400-گە جۋىق ادام ٴقاۋىپسىز جەرگە كوشىرىلدى. ٴوزىم سول ەلدىڭ تۋماسىمىن. كەشەدەن بەرى ەل بولىپ كومەك جيناپ، قىزىل سۋدان زارداپ شەككەن اۋىلدارعا جونەلتۋدى ٴجون كوردىك. تەك جەرلەستەر عانا ەمەس، كەز كەلگەن ەلوردالىقتار قاتىسا الادى. اقشالاي كومەكپەن بىرگە ازاق-تۇلىك، كيىم-كەشەكتەر قابىلدانادى»، - دەدى ەلوردا ينفو تىلشىسىنە باستاماشىل توپتىڭ مۇشەسى مەدەت شامەنوۆ.

ونىڭ ايتۋىنشا، ٴقازىر جينالعان زاتتار مەن ازىق-تۇلىكتەردى ەلگە جەتكىزۋ ماسەلەسى شەشىلىپ جاتىر.

«بۇل باستامانى قولعا العانىمىزعا ٴبىر-اق كۇن بولدى. ٴقازىردىڭ وزىندە قالا تۇرعىندارى حابارلاسىپ، كومەكتى قالاي كورسەتسەك دەپ سۇراپ جاتىر. ازىرگە ارنايى ەسەپشوت جوق. اۋدارىلعان اقشانىڭ اشىقتىعىن قامتاماسىز ەتۋ ماقساتىندا شوت اشساق پا دەپ وتىرمىز. سونداي-اق، شقو-نىڭ اكىمدىگى كەلىسەمىز. جينالعان زاتتاردى ەلگە جەتكىزىپ بەرۋ ٴۇشىن كولىك جالدايمىز دەپ وتىرمىز»، - دەدى ول.

سۋ باسقان شىعىس قازاقستان وبلىسىنا كومەك كورسەتەمىن دەگەن استانالىقتار 8701 400 5026 ٴنومىرى بويىنشا مەدەت شامەنوۆكە حابارلاسا الادى.

قوسا كەتەلىك، وسى جاعدايعا بايلانىستى اياگوز اۋدانىنىڭ اكىمشىلىگى، اۋداندىق «نۇر وتان» پارتياسى جانە اۋداندىق ٴماسليحاتى ۇندەۋ جاريالاپ، زارداپ شەككەندەردىڭ وتباسىلارىنا قارجىلاي كومەك كورسەتۋ ماقساتىندا ارنايى ەسەپشوت اشىلعانىن حابارلادى.

«جۇمىس توبى قۇرىلىپ، ارنايى كوميسسيا قىزمەتىن باستاپ تا كەتتى. قانداي جاعداي بولسا دا قيىندىققا دۋشار بولعان ادامعا كومەك بەرۋ – ازاماتتىق پارىز دەپ ەسەپتەلەدى. سول سەبەپتى مۇمكىندىگىمىزشە وتانداستارىمىزدى جەلەپ-جەبەۋ ماقساتىندا تابيعاتتىڭ دۇلەي اپاتىنان زارداپ شەككەندەرگە ماتەريالدىق جانە مورالدىق كومەك بەرۋگە شاقىرامىز. سونداي-اق، باسقا دا وڭىرلەردىڭ قايىرىمدى اتىمتاي ازاماتتارى، كاسىپكەرلەر، ەلىمىزدىڭ تۇكپىر-تۇكپىرلەرىندە جۇرگەن اياگوزدىكتەر يگىلىكتى ىسكە ٴوز ۇلەستەرىڭىزدى قوسامىز دەسەڭىزدەر شەكسىز ريزاشىلىق بىلدىرەمىز. اپاتتى جاعدايعا تاپ بولعان جەرلەستەرىمىزدىڭ تاعدىرىنا بەي-جاي قاراماي قولدان كەلەر كومەك قولىن سوزادى دەگەن ۇمىتتەمىز. شوتتىڭ رەكۆيزيتتەرى:

وف “اياگوز بولاشاق”

بين 110740000641

بيك kzkokzkx

كبە 18

اعىمداعى ەسەپ شوت kz279260301178000004 kzt “كازكوممەرسبانك” اق بولىمشەسى»، - دەلىنگەن ۇندەۋدە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي