BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

استانادا ٴۇش كۇندە كولىكتى ماس كۇيىندە جۇرگىزگەن 35 ادام ۇستالدى

فوتو: Patrul.kz

استانا قالاسىندا 11-14 مامىر ارالىعىندا «ماس جۇرگىزۋشى» جەدەل-پروفيلاكتيكالىق ٴىس-شاراسى ٴوتتى. رەيد بارىسىندا كولىك قۇرالىن ماس كۇيدە جۇرگىزگەن 35 ازامات انىقتالدى، دەپ حابارلايدى baq.kz اقپارات اگەنتتىگى.

ٴۇش كۇندىك جەدەل-پروفيلاكتيكالىق ٴىس-شارانى وتكىزۋ بارىسىندا ٴتارتىپ ساقشىلارى 600-دەن استام قۇقىق بۇزۋشىلىقتى انىقتادى، ونىڭ ىشىندە كولىك قۇرالىن ماس كۇيدە جۇرگىزگەن 35 ازامات انىقتالىپ، ٴىس ماتەريالدارى استانا قالاسىنىڭ مامانداندىرىلعان اۋدانارالىق اكىمشىلىك سوتىنا جىبەرىلدى.

سونىمەن قاتار، جىل باسىنان بەرى كولىك قۇرالىن ماس كۇيدە جۇرگىزگەن 500-دەن استام ازامات انىقتالدى جانە اتالعان زاڭدى بۇزعان ازاماتتار قر اقبتك 608-بابىنا سايكەس ٴۇش نەمەسە التى جىل مەرزىمگە كولىك قۇرالىن جۇرگىزۋ قۇقىعىنان ايىرىلادى.

«جول-كولىك وقيعالارىنا سايكەس ساراپتاما بويىنشا كوپتەپ تارالاتىن كولىك جۇرگىزۋشىلەرى جاياۋ جۇرگىنشىلەر وتپەلىن كەسىپ ٴوتۋ ەرەجەلەرىن بۇزۋى. كوبىنە وسىنداي قۇقىق بۇزۋشىلار قابانباي باتىر داڭعىلىنداعى №10 ۇيگە قاراما-قارسى بەكەتىندە كەزدەسەدى. كەلەسى ٴاۆاريالىق-قاۋىپتى ۋچاسكەسى - سارايشىق م-1 كوپىرى. وسى ۋچاسكەدە قاراما-قارسى جول قوزعالىس جولاعىنا شىعۋ بارىسىندا جىلدامدىق رەجيمىن بۇزۋ بولىپ تابىلادى. بۇدان ٴارى بوگەنباي باتىر جانە جەڭىس داڭعىلدارىنىڭ قيىلىسى، وسى جولداردا جول قيىلىستارىنان ٴوتۋ ەرەجەلەرىن بۇزىپ، جول-كولىك وقيعالارىنىڭ بولۋ سەبەپتەرى كوپتەپ كەزدەسەدى. ول جول قيىلىسىنىڭ كەپتەلۋىمەن بايلانىستى بولادى»، - دەلىنگەن استانا قالاسى ٴىىد حابارلاماسىندا.

سونىمەن قاتار، «سەرگەك» فوتو-ۆيدەوفيكساسيا جۇيەسى جول–كولىك وقيعالارىن تومەندەتۋگە كوپتەپ كومەگىن تيگىزدى. سونداي-اق، جۇرگىزۋشىلەر اراسىندا كولىك ٴتارتىبىن ساقتاۋ جوعارىلادى. اعىمداعى جىلدىڭ باسىنان بەرى 4 اي ىشىندە قازا تاپقانداردىڭ سانى 10 پايىزعا تومەندەدى. زارداپ شەككەندەردىڭ سانى 13 پايىزعا تومەندەدى. سونداي-اق، جكو كوپتەن تارالعان تۇرلەرى - جولدارداعى قاقتىعىس 11 پايىزعا، جاياۋ جۇرگىنشىنى قاعىپ كەتۋ بويىنشا 3 پايىزعا تومەندەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي