BAQ.kz - Қазақстан жаңалықтары USD 345.68 BAQ.kz - Қазақстан жаңалықтары EUR 404.45 BAQ.kz - Қазақстан жаңалықтары RUB 5.48
استانا:

اسقار مامين قىزىلوردا وبلىسىنا ىس-ساپارمەن باردى

قر پرەمەر-مينيسترىنىڭ ٴبىرىنشى ورىنباسارى اسقار مامين قىزىلوردا وبلىسىنا ىس-ساپارمەن باردى. ساپار بارىسىندا اسقار مامين «روسكوسموس» كورپوراسياسىنىڭ باس ديرەكتورى دميتريي روگوزينمەن كەزدەستى جانە قىزىلوردا وبلىسىنىڭ تۋريزم سالاسىن دامىتۋعا ارنالعان جوبالارمەن تانىستى، دەپ حابارلايدى baq.kz اقپارات اگەنتتىگى.

«قامباش» تۋريستىك ايماعىندا قىزىلوردا وبلىسىندا، ونىڭ ىشىندە «بايقوڭىر» عارىش ايلاعىندا ٴتۋريزمىن دامىتۋعا باعىتتالعان جوبالاردىڭ تانىستىرىلىمى ٴوتتى. ەسكە سالا كەتەيىك، وبلىستا عارىشتىق ٴتۋريزمىن دامىتۋ ماقساتىندا «بايقوڭىر» تۋريستىك ايماعىن قالىپتاستىرۋعا بايلانىستى تۇجىرىمداما دايىندالدى.

بايقوڭىردا وتكەن دميتريي روگوزينمەن كەزدەسۋ بارىسىندا عارىش سالاسى مەن بايقوڭىر قالاسىن دامىتۋ ماسەلەلەرى تالقىلاندى.

قوس تاراپتىڭ بىرلەسكەن ارەكەتتەرىنىڭ ناتيجەسىندە عارىش ايلاعى مەن قالانىڭ الەۋمەتتىك-ەكونوميكالىق دامۋ ماسەلەلەرىن شەشۋدە ايتارلىقتاي مۇمكىندىك تۋدى.

ەستەرىڭىزگە سالا كەتەيىك، «بايتەرەك» بىرلەسكەن زىمىران كەشەنىن جۇزەگە اسىرۋ بويىنشا جۇمىس قارقىندى جۇرگىزىلۋدە، مەديسينا ماسەلەلەرى جانە بيزنەس-جوبالاردى جۇزەگە اسىرۋ مەن تورەتام جانە اقاي كەنتتەرىن دامىتۋ ٴۇشىن جەر تەلىمدەرىن جالدان شىعارۋ جونىندەگى كەلىسىمدەرگە وزگەرىس ەنگىزۋ تۋرالى حاتتامالارعا قول قويىلىپ، بايقوڭىر قالاسىن ۇزاق مەرزىمدى دامىتۋ باعدارلاماسى ازىرلەندى.

ايتا كەتەيىك، قالا اكىمشىلىگى «روسكوسموس» مەملەكەتتىك كورپوراسياسىنىڭ قولداۋىمەن قالا اۋماعىن اباتتاندىرۋ، جولداردى جوندەۋ، تۇرعىن ۇيلەردى گازداندىرۋ جۇمىستارىن باستادى.

ٴوز كەزەگىندە وبلىس اكىمدىگى ۇكىمەتتىڭ قولداۋىمەن 5 كوپ پاتەرلى ٴۇيدىڭ قۇرىلىسىن باستادى، سۋ قۇبىرى مەن كارىز جۇيەسىن كوممۋنالدىق مەنشىككە قابىلداپ، ولاردى قايتا جاڭعىرتۋدىڭ تەحنيكا-ەكونوميكالىق نەگىزدەمەلەرىن دايىنداپ، قازاقستاندىق مەكتەپتەر مەن اۋرۋحانانى گازداندىردى. ودان بولەك، وسىعان دەيىن بايقوڭىرداعى قازاق تىلىندە ٴبىلىم بەرەتىن 5 مەكتەپ قازاقستاندىق ٴبىلىم بەرۋ ستاندارتىنا كوشكەن بولاتىن.

كەزدەسۋ بارىسىندا قىزىلوردا وبلىسىنىڭ اكىمى قىرىمبەك كوشەربايەۆ «بايقوڭىر» كەشەنىندە قازاقستان مەن رەسەيدىڭ ىنتىماقتاستىعىن ودان ٴارى دامىتۋعا قاتىستى ٴبىرقاتار ۇسىنىستار ەنگىزدى.

«ينۆەستيسيالاردى تارتۋ، قالا ەكونوميكاسىن ٴارتاراپتاندىرۋ جانە بيزنەستى دامىتۋ ٴۇشىن قولايلى جاعداي جاساۋ ماقساتىندا «بايقوڭىر» كەشەنىنىڭ اۋماعىندا ەرەكشە ەكونوميكالىق ايماق قۇرۋ تۋرالى ارنايى ۇكىمەتارالىق كەلىسىمگە قول قويۋ قاجەت دەپ سانايمىز»، - دەدى قىرىمبەك كوشەربايەۆ.

سونىمەن قاتار، وبلىس اكىمى قازاقستان رەسپۋبليكاسى جانە روسكوسموس» مەملەكەتتىك كورپوراسياسى بيۋدجەتتەرى ەسەبىنەن بايقوڭىر قالاسىنىڭ دامۋىنا جىل سايىن بولىنەتىن قارجى كولەمىن ناقتىلاۋ جانە قر ازاماتتارىنىڭ بالالارىن ورىس تىلىندە قازاقستاندىق ٴبىلىم بەرۋ ستاندارتى بويىنشا وقىتۋ جانە تاربيەلەۋ ماسەلەلەرىن قاراستىرۋدى ۇسىندى.

ا.ۇ.مامين مەن د.و.روگوزين وبلىس باسشىلىعى ەنگىزگەن ۇسىنىستار بويىنشا تاراپتاردىڭ مۇددەلى ۆەدومستۆولارىنا تاپسىرمالار بەردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي