BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

ارحيمەد مۇحامبەتوۆ قوستاناي وبلىسىندا قانشا جۇمىسشىنىڭ جالاقىسى وسەتىنىن ايتتى

استانا، baq.kz ٴتىلشىسى. ورتالىق كوممۋنيكاسيالار قىزمەتىندە وتكەن ٴباسپاسوز كونفەرەنسياسىندا قوستاناي وبلىسىنىڭ اكىمى ارحيمەد مۇحامبەتوۆ مەملەكەت باسشىسىنىڭ ەڭبەكاقىنى كوتەرۋ جونىندەگى باستاماسىن كوپتەگەن كاسىپورىندار قولداعانىن ايتتى.

"ەڭبەكاقىنى ۇلعايتۋ بارلىق مەنشىك نىسانىنداعى كاسىپورىنداردىڭ 36 مىڭنان استام ادامىن قامتيدى. بۇدان باسقا، ەڭ تومەنگى جالاقىنى كوتەرۋمەن قاتار، 200-دەن استام ٴىرى بيزنەس نىساندارىندا 35 مىڭ جۇمىسكەردىڭ ەڭبەكاقىسىن كوتەرۋ كۇتىلەدى. سونداي-اق، پرەزيدەنتتىڭ ەكىنشى باستاماسىن ىسكە اسىرۋ بويىنشا وبلىستا 57،2 مىڭ ادامنىڭ سالىق جۇكتەمەسى ازايتىلادى"، - دەيدى ول.

سونىمەن قاتار، "رۋحاني جاڭعىرۋ" باعدارلاماسى شەڭبەرىندە قوستاناي وبلىسىنىڭ بيزنەسمەندەرى، مەسەناتتارى جانە تابىستى تۇرعىندارى سوماسى 4،2 ملرد. تەڭگەنىڭ 153 الەۋمەتتىك جوباسىن ىسكە اسىرىپ جاتىر. ناتيجەسىندە وبلىستىڭ ٴبىلىم بەرۋ ۇيىمدارى مەن مەكەمەلەرىندە 21 روبوتوتەحنيكا كابينەتى، 24 اقپاراتتىق تەحنولوگيالار كابينەتى اشىلدى، الەۋمەتتىك سالانىڭ 45 وبەكتىسى جوندەلدى جانە قايتا جاڭعىرتىلدى. 36 ەلدا مەكەن اباتتاندىرىلىپ، تۇرعىن ۇيلەر مەن مادەنيەت وبەكتىلەرى سالىندى جانە 14 سپورت جانە بالالار الاڭدارى اشىلدى

"جالپىعا بىردەي ەڭبەك قوعامى، پاتريوتيزم مەن ٴار تۇرعىننىڭ تۋعان ەلدىڭ دامۋىنا قوسقان ۇلەسى ٴوڭىردىڭ ويداعىداي دامۋىنىڭ كەپىلى"، - دەيدى وبلىس اكىمى ارحيمەد مۇحامبەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي