BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

الماتىعا تاۋلىگىنە 600 مىڭ تەكشە مەتر سۋ بەرىلەدى

الماتى، baq.kz. ورتاشا ەسەپپەن قالاعا تاۋلىك سايىن 600 مىڭ تەكشە مەتر سۋ بەرىلەدى. بۇل تۋرالى «الماتى سۋ حولدينگى» مكق ديرەكتورىنىڭ ورىنباسارى، باس ينجەنەر نۇريددين جاربولوۆ الماتى قالاسى وڭىرلىك كوممۋنيكاسيالار قىزمەتى الاڭىندا ايتتى.

ونىڭ ايتۋىنشا، قالاعا بەرىلەتىن سۋدىڭ 2/3 بولىگى 350-دەن استام جەر استى ۇڭعىمالارىنان وندىرىلەدى، اۋىز سۋدىڭ بارلىق كولەمىنىڭ 1/3 بولىگى ارنايى سۋ دايىنداۋ ستانسيالارىندا تازالاۋ مەن زارارسىزداندىرۋدىڭ تولىق سيكلىنان وتەتىن تاۋ وزەندەرىنەن كەلەدى.

سونىمەن قاتار ول، سۋمەن جابدىقتاۋ جانە سۋ بۇرۋ قىزمەتتەرىنە تاريفتەر 2014 جىلعى قاڭتاردان باستاپ ەنگىزىلگەنىن جانە قازىرگى ۋاقىتقا دەيىن وزگەرىسسىز قالىپ وتىرعانىن جەتكىزدى.

«2017 جىلى كاسىپورىننىڭ ينۆەستيسيالىق باعدارلاماسى 2،4 ملرد تەڭگە سوماسىنا تولىق كولەمدە ورىندالدى، 2018 جىلعا ينۆەستيسيالار 2،7 ملرد تەڭگەنى قۇرايدى، ورىندالۋى 100%» - دەيدى ول.

سونداي-اق ول، قىزمەت كورسەتۋدىڭ سەنىمدىلىگى مەن ۇزدىكسىزدىگىن قامتاماسىز ەتۋ ٴۇشىن، شىعىندار مەن اپاتتاردى ازايتۋ ٴۇشىن جىل سايىن سۋ قۇبىرى مەن كارىز جەلىلەرىن قايتا جاڭارتۋ جۇرگىزىلەتىندىگىن جانە جەلىلەردە بەكىتكىش-رەتتەگىش ارماتۋراسى اۋىستىرىلىپ وتىراتىندىعىن ايتتى.

«سيفرلىق سۋ ارناسى» باعدارلاماسى اياسىندا 2019-2020 جىلدارى سۋ ٴوندىرۋ مەن سۋ دايىنداۋ پروسەسىنەن باستاپ تۇتىنۋشىعا سۋ بەرىلگەنگە دەيىن، سارقىندى سۋلاردى بۇرۋ مەن تازارتۋعا دەيىن بارلىق وندىرىستىك تىزبەكتى تولىعىمەن اۆتوماتتاندىرۋ جوسپارلانۋدا. بۇل جوبالاردى ىسكە اسىرۋ ەلەكتر تۇتىنۋدى تومەندەتۋگە، اپاتتىق بريگادالار قىزمەتتەرىنىڭ جەدەل بولۋىنا، جابدىقتاردىڭ توزۋ دەڭگەيىن قىسقارتۋعا جانە تۇتىنۋشىلارعا قىزمەت كورسەتۋدى جاقسارتۋعا مۇمكىندىك بەرەدى»، -دەيدى ن. جاربولوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي