BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

الماتىدا ۇزىندىعى 18 مەتر اۆتوبۋستار جۇرەتىن جاڭا باعىت اشىلادى 

جۇمىس ساپارى كەزىندە الماتى اكىمى قالانىڭ كولىك ينفراقۇرىلىمىن رەكونسترۋكسيالاۋ قارقىنىن تەكسەرىپ، قالاعا جاڭادان جەتكىزىلگەن اۆتوبۋستاردى كوردى، دەپ حابارلايدى baq.kz اقپارات اگەنتتىگى اكىمدىكتىڭ ٴباسپاسوز قىزمەتىنە سىلتەمە جاساپ.

قازىرگى كەزدە brt جەلىسى بويىنشا 28 تۇعىرنامادا 68 بەكەتتى پاۆيلوندار جاساقتالىپ، تروتۋارلار مەن ۆەلوجولدار اباتتاندىرىلۋدا. ايدىڭ سوڭىنا دەيىن مۇستافين جانە سۇلەيمەنوۆ كوشەلەرىنە جارىق بەرەتىن 115 تورشەردى مونتاجداۋ اياقتالادى.

brt اۆتوبۋس جەلىسىندە 17 باعىت بويىنشا 300-دەن استام كولىك بىرلىگى جۇرەتىن بولادى. جولاۋشىلار كولىگى جانە اۆتوموبيل جولدارى باسقارماسىنىڭ اقپاراتى بويىنشا، جىل اياعىنا دەيىن 18 مەترلى اۆتوبۋستار جۇرەتىن قوسىمشا باعىت اشۋ جوسپارلانعان.

«جۇرگىزىلگەن ساراپتاما 12 قىركۇيەكتە brt جەلىسىن ىسكە قوسۋ ارقاسىندا جولاۋشىلار اعىنى ٴبىر كۇندە 100 مىڭنان 142 مىڭ ادامعا، ياعني وتكەن جىلدىڭ وسى كەزەڭىمەن سالىستىرعاندا 40 پايىزعا ارتاتىنىن كورسەتتى. «اتاكەنتتەن» قازاق ۇلتتىق ۋنيۆەرسيتەتىنە اۆتوبۋس 2،5 مينۋتتا جەتەدى ەكەن، ال بۇرىن 10 مينۋتقا سوزىلاتىن»، - دەدى باسقارماداعىلار.

تيميريازەۆ كوشەسىنىڭ كەيبىر قيىلىستارىنداعى باعدارشامدار نىساندارىندا جاياۋ جۇرگىنشىلەر ٴۇشىن جەكە فازالار قاراستىرىلادى. جول كولىك وقيعاسىنىڭ الدىن الۋ ٴۇشىن ٴىىد بىرگە ۆيدەوتىركەۋدىڭ اۆتوماتتى جەلىسى ورناتىلاتىن 10 توراپتىق نۇكتە بەلگىلەندى.

جۇمىس ساپارى بارىسىندا شاھار باسشىسى جەكە اۆتوپارك العان yutong ماركالى جاڭا اۆتوبۋستاردى كوردى.

ەسكى جىلجىمالى كولىككە تۇرعىندار تاراپىنان كوپ شاعىم تۇسەتىن، ەندى №128 باعىت بويىنشا تومەن ەدەندى ۇزىندىعى 12 مەترلى 17 كولىك بىرلىگى جولاۋشىلاردى تاسىمالدايدى. بۇلاردان وزگە، قاراشادا تاسىمالداۋشى №72 باعىتتاعى جىلجىمالى قۇرام تولىقتاي جاڭارادى.

جالپى، جىل اياعىنا دەيىن جاڭا قوعامدىق كولىكتىڭ ۇلەسىن 80% دەيىن جەتكىزۋ جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي