BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

الماتىدا كوشە جارىعى تولىق جاڭارتىلادى 

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا الماتى قالاسىنىڭ اكىمى باۋىرجان بايبەك مالىمدەدى.

«الماتىدا قازاقستانداعى ەڭ ۇلكەن تۇرعىن ٴۇي قورى شوعىرلانعان. 8 مىڭ كوپپەتارلى تۇرعىن ۇيگە 824 پاتەر يەلەرىنىڭ كووپەراتيۆتەرى قىزمەت كورسەتەدى. پيك قاراجاتىنا باقىلاۋ جاساۋ، شەشىمدەر قابىلداۋدا تۇرعىنداردىڭ ٴرولىن ارتتىرۋ ماقساتىندا ٴبىىز تۇرعىن ٴۇي قورىن ۇستاۋ بويىنشا ەرەجەلەر قابىلداندى. بۇگىنگى كۇنى پيك اكىمدىك پەن قوعامنىڭ تۇراقتى قاداعالاۋىندا. سوڭعى ٴۇش جىلدا ازاماتتاردىڭ شاعىمى بويىنشا 700 استام تەكسەرۋ جۇرگىزىلىپ، 400 استام ەسكەرتۋ بەرىلدى جانە 230 ايىپپۇل تاعايىندادى. مىسالى، وسى قىستىڭ وزىندە اۋلا مەن شاتىرلارداعى قاردى دۇرىس تازالاماعانى ٴۇشىن 88 پيك 4،3 ملن تەڭگەگە ايىپپۇل سالىندى»، - دەدى بايبەك.

قالا اكىمى الماتىدا كوشەدەگى ەنەرگيا ۇنەمدەيتىن جارىق قۇرالدارى تولىق مودەرنيزاسيالاناتىنىن ايتتى.

«قازىرگى ۋاقىتتىڭ وزىندە جارىق شامدارىنىڭ 30% جارىق ديودتى شامدارعا اۋىستىرىلدى. الداعى بەس جىلدا مەملەكەتتىك-جەكەمەنشىك ارىپتەستىك اياسىندا كوشە شامدارىنىڭ قالعان 70% جاڭارتىلادى»، - دەدى باۋىرجان بايبەك.

الماتى باسشىسى قالا تۇرعىندارى ٴۇشىن قولايسىزدىق تۋدىراتىن ٴتۇتىن ماسەلەسىنە دە توقتالدى.

«ٴتۇتىن پروبلەماسى الەمنىڭ بارلىق مەگاپوليستەرىندە بار. الماتى دا وسى تىزىمدە. بۇل ماسەلەنى شەشۋدە ٴبىز ۇزدىك الەمدىك تاجىريبەلەرگە سۇيەنەمىز. جىل سايىن جاسىل اعاشتار قورىن ارتتىرىپ، وزەندەر مەن سۋاتتاردى قالپىنا كەلتىرۋ جۇرگىزەمىز. قورشاعان ورتاعا تۇسەتىن قالدىق زاتتاردىڭ 70 پروسەنتى كولىكتەن بولىپ وتىرعانىن بارلىعىمىز بالەمىز.قازىرگى ۋاقىتتا قالادا 500 مىڭعا جۋىق اۆتوكولىك بار جانە قالا سىرتىنان تاعى 250 مىڭعا جۋىق اۆتوكولىك كەلىپ كىرۋدە. سول سەبەپتى، كەشەندى كولىك رەفورماسىن جۇرگىزۋ - ٴومىر قاجەت ەتىپ وتىرعان تالاپ»، - دەدى اكىم.

بۇعان دەيىن قالا باسشىسى «7-20-25» اياسىندا الماتىدا قانشا پاتەر نەسيەسى ماقۇلدانعانى تۋرالى جانە تاريفتەردىڭ ارزاندايتىنى تۋرالى ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي