BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

الماتىدا قاي كوشە جوندەلەتىنىن قالا حالقى ٴوزى شەشەدى – اكىمدىك

فوتو: Алматы қаласы әкімдігі

اكىمدىك الماتىلىقتاردان قاي كوشەلەر مەن جول جيەكتەرىن جوندەۋدەن وتكىزۋ كەرەكتىگى تۋرالى ۇسىنىس جاساۋىن سۇراۋدا. بۇل تۋرالى قالا اكىمدىگىنىڭ رەسمي وكىلى تيمۋر بازاربايەۆ facebook-تاعى جەكە پاراقشاسىندا جازدى، دەپ حابارلايدى baq.kz اقپارات اگەنتتىگى.

« 2019 جىلى 150 شاقىرىمنان استان قالالىق جولدارداردى جوندەۋدەن وتكىزۋدى جوسپارلاپ وتىرمىز. ورتالىقتاندىرىلعان ساياسات ٴپرينسىپى بويىنشا ٴار اۋداننىڭ كوشەلەرىن ارالاپ كورەمىز. سونىمەن قاتار، الماتىنىڭ تومەنگى جاعىنادا باسىمدىق بەرەتىن بولامىز. جانە دە الماتىلىقتار ٴبىز سىزدەرگە ٴۇمىت ارتامىز! سىزدەردىڭ ويلارىڭىزشا قاي جەردەگى جول مەن جول جيەكتەرى جوندەۋدەن ٴوتۋى نەمەسە سالىنىۋى ٴتيىس؟ ۇسىنىستار اعىمداعى جىلدىڭ قىركۇيەك ايىنىڭ سوڭىنا دەيىن قابىلدانادى. ٴوز ۇسىنىستارىڭىزدى مىنا ەلەكتروندى پوشتاعا zhol.almaty@a-a.kz "جول جوندەلۋى ٴتيىس" نەمەسە "تروتۋار كەرەك" دەگەن جازبامەن جولداڭىزدار»، - دەيدى تيمۋر بازاربايەۆ .

اكىمدىكتىڭ مالىمەتى بويىنشا، سوڭعى ٴۇش جىلدا الماتىدا جالپى ۇزىندىعى 500 شاقىرىم بولاتىن 524 كوشە جوندەۋدەن ٴوتتى.

ونىڭ ىشىندە، 2016 جىلى اۆتوموبيل جولدارى جانە قوعامدىق كولىك باسقارماسىنىڭ جەلىسى بويىنشا 196 كوشەنىڭ 140 شاقىرىم جولى توسەلدى. اعىمداعى جوندەۋ جۇمىستارىمەن جەرگىلىكتى جولداردىڭ 80 پايىزى جانە بارلىق ماگيسترالدى جولدار قامتىلدى. جاياۋ جۇرگىنشىلەر ٴۇشىن ۇزاندىعى 30،5 شاقىرىم تروتۋار سالىندى.

ال، 2017 جىلى ورتاشا جوندەۋ جۇمىسىمەن ۇزىندىعى 147،1 شاقىرىم بولاتىن 170-تەن استام كوشە قامتىلدى. اعىمداعى جىلى ورتاشا جوندەۋ جۇمىستارى ۇزىندىعى 155 شاقىرىمنان اساتىن 157 كوشەدە جۇرگىزىلدى. بۇدان باسقا، ماقاتايەۆ، بايتۇرسىنوۆ پەن جاروكوۆ كوشەلەرى كەڭەيتىلىپ، ۇزىندىعى 15،7 شاقىرىمدى قۇرايتىن جاڭا اسفالت توسەلدى. جاياۋ جۇرگىنشىلەر ٴۇشىن 30 شاقىرىم تروتۋار سالىندى.

بۇگىندە اۆتوموبيل جولدارى جانە قوعامدىق كولىك باسقارماسىنىڭ جەلىسى بويىنشا 123 كوشەدە جوندەۋ جۇمىستارى اياقتالعان. 25 تامىزعا دەيىن ورتاشا جوندەۋ جۇمىستارى قالعان 35 كوشەدە سوڭىنا دەيىن جەتكىزىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي