BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

الماتىدا اۆتوكولىكتەردى جالعا بەرەتىن ەرەكشە سەرۆيس اشىلدى 

الماتى، baq.kz، الماتىدا «smart city» جوباسى اياسىندا يتالياندىق ينۆەستيسيا ەسەبىنەن ەلىمىزدەگى ەڭ ٴىرى «anytime» كارشەرينگ-سەرۆيسى اشىلدى. بۇل تۋرالى قالا اكىمدىگىنىڭ ٴباسپاسوز قىزمەتى ٴمالىم ەتتى.

جۇمىس ساپارى كەزىندە مەگاپوليس اكىمى باۋىرجان بايبەك ٴاۆتوموبيلدى مينۋت سايىن جالعا الۋعا بولاتىن جاڭا جوبانىڭ جۇيەسىمەن تانىستى.

«ميكرو كاپيتال» حالىقارالىق حولدينگىنىڭ پرەزيدەنتى تراني ۆينچەنسو ٴوزىنىڭ سوزىندە بۇل جوبانىڭ جاڭا تەحنولوگيانى ۇتىمدى پايدالانۋدىڭ جارقىن ۇلگىسى ەكەنىن، سونىڭ ارقاسىندا قالا تۇرعىندارى ۋاقىتتارى مەن قارجىلارىن ۇنەمدەيتىنىن ٴارى مەگاپوليستىڭ جول- كولىك ينفراقۇرىلىمىندا جۇكتەمەنى تومەندەتەتىنىن اتاپ ٴوتتى.

«ٴبىز الماتىدا جاياۋ جۇرگىنشى ينفراقۇرىلىمىنڭ جاڭارعانىن، كولىك رەفورماسىنىڭ جۇزەگە اسقانىن، بيزنەستى دامىتۋ ٴۇشىن بارلىق جاعدايلاردىڭ جاسالىپ جاتقانىن، قالا تۇرعىندارىنىڭ تۇرمىس دەڭگەيىنىڭ ارتا تۇسكەنىن كورۋدەمىز. ٴبىزدىڭ ٴموبيلدى قوسىمشامىز ارقىلى بوس تۇرعان اۆتوموبيلگە اقى تولەپ، الماتىلىق اگلومەراسيا اۋماعىندا كولىكتى ٴتيىمدى پايدالانۋعا بولادى. سەرۆيس كليەنتتەرى كولىككە ماي قۇيمايدى، جۋمايدى، تۇراققا اقشا تولەمەيدى، بەلگىلى ٴبىر جەرگە قالدىرىپ كەتە المايدى»، - دەيدى تراني ۆينچەنسو.

مىسالى، جالعا العان كولىكپەن تەك قالا ىشىندە عانا ەمەس، نەگىزگى تۋريستىك دەستيناسيالارعا، مەدەۋگە، ٴۇاو، ٴتىپتى قاپشاعايعا دەيىن بارۋعا بولادى. كولىكتە اۆتوماتى قوسىلعىش، ارتقى كورىنىستىك كامەرا، ناۆيگاتور جانە كليمات رەتتەۋشى بار.

قازىرگى كەزدە جوباعا 4 ميلليون ەۆرو ينۆەستيسيا جۇمسالعان، «volkswagen polو» ماركالى 100 اۆتوكولىك دايىن تۇر ٴارى جاڭا جۇمىس ورىندارى اشىلادى.

«الماتىدا ورتاشا جالاقىسى 300 مىڭ تەڭگە بولاتىن 50 جەرگىلىكتى مامان جۇمىسقا تارتىلدى. جاس ٴارى وتە دارىندى، «بولاشاق» باعدارلاماسىنىڭ تۇلەگى، كەزىندە «uber» كومپانياسىندا ىستەگەن مۇحيت سەيداحمەتوۆتى ەرەكشە اتاپ وتكىم كەلەدى. ول مەنىڭ ورىنباسارىم، بارلىق وڭىرلەردەگى بيزنەستىڭ دامۋىنا جاۋاپ بەرەدى. الماتىدا قالانى ترانسفورماسيالاۋ اياسىندا جاياۋ جۇرگىنشى جانە ۆەلوسيپەد ينفراقۇرىلىمى جاسالعاندىقتان كومپانيا كەلەسى جىلدان باستاپ ەلەكترلى ساموكاتتار سەرۆيسىن اشۋدى قاراستىراتىن بولادى»، - دەدى حالىقارالىق «ميكرو كاپيتال» حولدينگىنىڭ پرەزيدەنتى.

ايتا كەتەرلىگى، جاقىندا الماتى كولىك جۇيەسىن كەشەندى رەفورمالاعانى ٴۇشىن اقىلدى قالالاردىڭ ەۋروپالىق فورۋمىنىڭ جوعارى ماراپاتىنا يە بولدى.كونكۋرس كوميتەتى الماتىنىڭ كولىك رەفورماسىن جۇيەلى جۇرگىزگەنىن، قوعامدىق كولىكتەگى تابىستىڭ اشىقتىعىنا سيفرلىق تەحنولوگيانى ۇتىمدى پايدالانعانىن، كىرىستى كولەڭكەلى اينالىمنان شىعارعانىن، جاياۋ جۇرگىنشى جانە قوعامدىق كەڭىستىكتى مودەرنيزاسيالاۋ ناتيجەسىندە ەكولوگيانى جاقسارتۋعا باسىمدىق بەرگەنىن جانە باسقا نەگىزگى كريتەرييلەردى جۇزەگە اسىرعانىن اتاپ ٴوتتى.

جىل اياعىنا دەيىن قوعامدىق كولىكتىڭ ۇلەسىن 80%-عا دەيىن جەتكىزۋ جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي