BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

الماتىدا الىپ ٴتيىن پايدا بولدى

فوتو: Автордікі

الماتىداعى «اتاكەنت» حالىقارالىق كورمە ورتالىعىنىڭ الدىندا الىپ ٴتيىننىڭ ٴمۇسىنى پايدا بولدى، دەپ حابارلايدى baq.kz ٴتىلشىسى.

«الماتى – جىلى قالا» جوباسى اياسىندا جۇزەگە اسىرىلىپ جاتقان بۇل جوبا funk كرەاتيۆتى اگەنتتىگى مەن الماتى اكىمدىگىنىڭ بىرلەسە اتقارعان جۇمىسى.

«ٴتيىننىڭ» اۆتورى بريتاندىق تانىمال قوعامدىق پابليك-ارت سۋرەتشى الەكس رينسلەر. جوبا باستاماشىلارىنىڭ پىكىرىنشە، الماتىلىق «ٴتيىن» قالانىڭ جاڭا كورىكتى جەرىنە اينالىپ، تۇرعىندار مەن تۋريستەر جينالاتىن ورىن بولادى.

«الماتى – جىلى قالا» جوباسى بۇل قالانى دەكوراتيۆتىك بەزەندىرۋگە ارنالعان funk كرەاتيۆ اگەنتتىگىنىڭ باستاماسى. باستامانىڭ نەگىزگى ماقساتى – قالا بيلىگىمەن الماتىنىڭ شىعارماشىلىق يندۋستريا وكىلدەرى اراسىندا بايلانىس ورناتۋ، سونىمەن قاتار قالانى كوركەيتە ٴتۇسۋ ٴۇشىن كرەاتيۆتى ورتانى تارتۋ»، - دەيدى ۇيىمداستىرۋشىلار.

الەكس رينسلەردىڭ الماتىداعى «ٴتيىن» ەكو-ارت-قۇرىلىمى بۇل پوستكەڭەستىك ەلدەرى اراسىنداعى العاشقى جۇمىسى. اۆتور بۇعان دەيىن وسىنداي مۇسىندەردى لوندون مەن شانحايدا ورناتقان. الماتىلىق ٴتيىننىڭ بيىكتىگى 13 مەتر، جوبا ۇيىمداستىرۋشىلارىنىڭ ايتۋىنشا بۇل الەمدەگى ەڭ بيىك ٴتيىن بولماق.

«بۇل ٴتيىن الماتىنىڭ قازىرگى ٴومىرىن بەينەلەيدى. ٴتيىن قالا كوشەلەرىڭىڭ ٴپروتوتيپى. ٴبىز سياقتى ولار دا قالا ومىرىنە بەيىمدەلگەن ٴارى ولار دا ٴبىز سياقتى ٴومىر ٴسۇرىپ، كوركەيۋ جولىندا رەسرۋستاردى قاجەت ەتەدى. بۇل جۇمىستا ايتايىن دەگەنىم، كورەرمەندەردى قالاعا باسقا قىرىنان قارايتىن ايرىقشا ورىنمەن تانىستىرعىم كەلدى»، - دەيدى جۇمىستىڭ اۆتورى الەكس رينسلەر.

اتالعان جوبانى ىسكە اسىرۋشىلار، الداعى ۋاقىتتا وسى مۇسىنگە قاتىستى ٴباسپاسوز ٴماسليحاتىن وتكىزىپ، بۇل يدەيا قايدان تۋىنداعانىن، نەگە ٴدال ٴتيىن الماتىنىڭ جاڭا كەيىپكەرى بولعانىن، قالا تۇرعىندارى مەن تيىندەردى نە بىرىكتىرەتىنىن جانە كوشەلەردە جاقىن ارادا تاعى دا قانداي ارت-قۇرىلىمدار قويىلاتىنى جايىندا ايتپاقشى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي