BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

الماتىدا 1400 اۋلاعا جارىق ديودتى شامدار ورناتىلعان

الماتى اكىمى باۋىرجان بايبەك جۇمىس ساپارى كەزىندە قالانىڭ جارىق كوزدەرىنىڭ جۇيەسىن جاڭارتۋ جانە مەگاپوليستىڭ ماڭىزدى تاريحي نىساندارىن جارىقپەن ارحيتەكتۋرالىق نۇرلاندىرۋ جۇمىستارىن تەسەردى، دەپ حابارلايدى baq.kz اقپارات اگەنتتىگى اكىمدىكتىڭ ٴباسپاسوز قىزمەتىنە سىلتەمە جاساپ.

بيىلعى جىلى قايتا جاڭارعان اباي، ابىلاي حان جانە نازاربايەۆ داڭعىلدارىندا جارىقديودتى 700-تەن استام جارىق باعانالارى اۋىستىرىلدى، بۇل شامدار ەنەرگيانىڭ جۇمسالۋىن 30%-عا قىسقارتادى ٴارى ۇزاق مەرزىمدى.
الىنعان ەسكى باعاندار بۇرىن ەشقانداي جارىق كوزدەرى بولماعان الاتاۋ اۋدانىنىڭ 15 كوشەسىنە ورناتىلادى. ٴقازىردىڭ وزىندە 195 باعان اقساي جانە وتەمىس كوشەلەرىنە جەتكىزىلگەن.
جالپى جىل اياعىنا دەيىن الماتىدا 24 مىڭنان استام جارىق كوزدەرى نەمەسە ولاردىڭ 31،5%-ى ەنەرگيا جيناقتاۋشى جانە جارىق ديودتى شامدارعا اۋىستىرىلادى. تاعى دا 266 كم جارىق كوزىن مودەرنيزاسيالاۋدىڭ جوبالىق-سمەتالىق قۇجاتتارى جاسالۋدا.
بۇلاردان وزگە، قايتا جاڭارعان 1400 اۋلالارعا جاڭا جارىق كوزدەرى ورناتىلعان.
تاريحي ماڭىزى بار نىسانداردى كەشكە قاراي جارىقپەن ارحيتەكتۋرالىق نۇرلاندىرۋ جۇمىسى ودان ٴارى جالعاسۋدا. تاياۋدا عانا «قازاقستان» قوناق ٴۇيى مەن ورتالىق دەمالىس جانە مادەنيەت ساياباعىنىڭ كىرە بەرىسى ەرەكشە نۇرعا بولەندى.
الماتىدا عيماراتتاردى، نىسانداردى، لاندشافتاردى ٴبىرىڭعاي ارحيتەكتۋرالىق ستيلدە نۇرلاندىرۋ اياسىندا سوڭعى ەكى جىلدا 130 نىسان كەشكە قاراي ەرەكشە كەلبەتكە يە بولدى.
ولاردىڭ اراسىندا رەسپۋبليكا سارايى، تاۋەلسىزدىك مونۋمەنتى، كوكتوبە تەلەمۇناراسى، اباي اتىنداعى ماتوب، اۋەزوۆ جانە لەرمونتوۆ اتىنداعى تەاترلار، قاستەەۆ اتىنداعى جانە ىقىلاس اتىنداعى مۋزەيلەر، ورتالىق مەشىت، سۆياتو-ۆوزنەسەنسكيي كافەدرالدى سوبورى بار. بارلىق جوبالار بيۋدجەتتەن تىس قارجىلار ەسەبىنەن جۇزەگە اسۋدا.
ايتا كەتەرلىگى، مەملەكەت باسشىسى جولداۋىنىڭ ماڭىزدى باعىتىنىڭ ٴبىرى ۋربانيزاسيا ماسەلەسىن شەشۋ مەن قالالاردى ودان ٴارى دامىتۋ بولىپ تابىلادى.
سونداي-اق، قالا كەڭىستىگىن جاقسارتۋ اياسىندا مەگاپوليستىڭ تارحي ورتالىعىنىڭ ۇشتەن ەكىسى جاڭاردى، 524 كوشە مەن 1400 ەسكى اۋلالار قايتا جاسالدى. 300 كم ارىق، 800 كم استام ينجەنەرلىك جۇيە رەكونسترۋكسيالاندى. قالانىڭ بارلىق جەر استى جولدارى كۇردەلى جوندەۋلەردەن ٴوتتى.
كوشەدەگى بارلىق جارىق كوزدەرىنىڭ ۇشتەن ٴبىرى ديودتى جانە ەنەرگيانى ساقتايتىن شامدارعا اۋىستىرىلدى. جىل اياعىنا دەيىن جاڭا قوعامدىق كولىكتىڭ ۇلەسى 80%-عا جەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي