BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

الماتىدا نوسەردەن كەيىن كوشەلەر مەن اۋلالاردى سۋ باستى

فوتو: ашық дереккөзден

الماتىدا 12-14 مامىر ارالىعىندا جاڭبىردىڭ كەسىرىنەن 24 جەرگىلىكتى سۋ باسۋ جاعدايى تىركەلدى، بۇل تۋرالى الماتى قالاسى توتەنشا جاعداي دەپارتامەنتى (تجد) باستىعىنىڭ ورىنباسارى ەرلان الىبەكوۆ ٴباسپاسوز كونفەرەنسياسىندا مالىمدەدى، دەپ حابارلايدى baq.kz اقپارات اگەنتتىگى.

«الماتىدا 12-14 مامىر ارالىعىندا جاڭبىردىڭ كەسىرىنەن 24 جەرگىلىكتى سۋ باسۋ جاعدايى تىركەلدى. سونىمەن، جەكە تۇرعىن ۇيلەردى سۋ باسۋ بويىنشا 5 وقيعا، كوپقاباتتى تۇرعىن ۇيلەردىڭ جەرتولەسىن سۋ باسۋ – 2 وقيعا، جەكە ۇيلەردىڭ اۋلاسىن سۋ باسۋ – 8 وقيعا، قالا كوشەلەرىن سۋ باسۋ – 9 وقيعا تىركەلدى. ٴبىزدىڭ قىزمەتتەر بارلىق وقيعالار بويىنشا جاعدايدى قالپىنا كەلتىردى، عيماراتتار مەن قۇرىلىستىڭ بۇزىلۋ فاكتىسى تىركەلگەن جوق»، - دەدى ە. الىبەكوۆ.

ونىڭ ايتۋىنشا، سۋ باسۋعا نوسەرلەتىپ جاۋعان جاڭبىردان باسقا، 15 جاعدايدا ارىق جەلىلەرىنىڭ قوسقىسقا تولى بولۋى سەبەپ بولعان. 9 جاعدايدا ارىق جەلىسى جاڭبىر سۋىنىڭ كولەمىن ەڭسەرە الماعان، قالانىڭ تومەنگى بولىگىندە سۋ ارىق ارناسىنان شىعىپ كەتكەن.

«سۋ باسۋ جاعدايىنىڭ سالدارىن جويۋعا تجد جەكە قۇرامىنىڭ 70 ادامى، قۇتقارۋ قىزمەتى، اكىمدىكتەر، 6 دانا تەحنيكا، 7 موتوپومپا، 1 لايسورعىش تارتىلدى»، - دەدى ە. الىبەكوۆ.

تجد مالىمەتى بويىنشا، 12 مامىردا الماتىدا 12 مم، 13 مامىردا – 11 مم، 14 مامىردا تۇسكە دەيىن – 12 مم، جىل باسىنان بەرى – 76 مم جاڭبىر جاۋدى.

«قازگيدرومەتتىڭ بولجامى بويىنشا 15-16 مامىر جاۋىن شاشىنسىز بولادى، الايدا 17-18 مامىردا جاڭبىر جاۋادى. مامىر ايىندا جاۋاتىن جاڭبىر كولەمى قالىپتى 106 مم مەجەدەن كوپ بولادى دەپ كۇتىلۋدە»، - دەپ تۇيىندەدى ە. الىبەكوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي