BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

الماتى وبلىسىنىڭ ۇزدىك جۋرناليستەرى ماراپاتتالدى

تالدىقورعان، baq.kz7 تالدىقورعانداعى ب. ريموۆا اتىنداعى دراما تەاترىنىڭ جاڭا عيماراتىندا جۋرناليستەر اراسىنداعى ٴداستۇرلى «سامعاۋ» بايقاۋىنىڭ جەڭىمپازدارى ماراپاتتالدى. جۇلدەگەر جۋرناليستەر سىيلىقتارىن وبلىس اكىمى اماندىق باتالوۆتىڭ قولىنان الدى.

جۋرناليستەردى قۇتتىقتاعان وبلىس اكىمى اماندىق باتالوۆ وبلىستاعى مەملەكەتتىك ساياساتتىڭ جۇزەگە اسىرىلۋ بارىسىن ناسيحاتتاۋعا زور ۇلەس قوسىپ جۇرگەن جۋرناليستەرگە ريزاشىلىعىن جەتكىزدى.

"ٴبىز تاۋەلسىزدىك مەرەكەسى قارساڭىندا ٴداستۇر بويىنشا جۋرناليستەر اراسىنداعى «سامعاۋ» بايقاۋى جەڭىمپازدارىن ماراپاتتاعالى وتىرمىز. جۋرناليستەر قاۋىمى – جاڭالىققا جانى جاقىن، جاقسى ىستەردىڭ جارشىسى، قوعام ٴومىرىنىڭ بارومەترى. حالىق پەن بيلىك اراسىنداعى التىن كوپىر دەسەك تە، ارتىق ايتقاندىق ەمەس. جاقىندا عانا جاريا بولعان پرەزيدەنتىمىزدىڭ « ۇلى دالانىڭ جەتى قىرى» ماقالاسى دا باسپاسوزدە جاريالانىپ، سىزدەر ارقىلى ناسيحاتتالىپ جاتىر. الداعى ۋاقىتتا اۋقىمدى ىستەردى اتقارۋدا – بۇل ماقالانىڭ بىزگە – باعدار بولارى ٴسوزسىز. سىزدەر ەل يگىلىگى جولىندا، سونىڭ ىشىندە اقپارات سالاسىندا ابىرويمەن قىزمەت اتقارىپ كەلەسىزدەر. سول ٴۇشىن سىزدەرگە ۇلكەن العىسىمدى بىلدىرەمىن!" – دەدى ٴوز قۇتتىقتاۋىندا ا. باتالوۆ.

وبلىس اكىمى وڭىردەگى باق ۇجىمدارى مەن جەكەلەگەن جۋرناليستەردىڭ جىل بويى جەتكەن جەتىستىكتەرىن اتاپ ٴوتتى. ماسەلەن، وبلىستىق «جەتىسۋ» گازەتى «ۇركەر» ۇلتتىق بايقاۋىندا «وڭىرلىك ۇزدىك باسىلىم» اتالىمى بويىنشا جەڭىمپاز بولسا، «جەتىسۋ» تەلەارناسى «تۇمار» تەلەۆيزيالىق بايقاۋىنىڭ «ۇزدىك وڭىرلىك تەلەارنا» اتالىمىن جەڭىپ العان. ال جۋرناليستيكامەن قاتار ادەبيەتكە ۇلەس قوسىپ جۇرگەن قالامگەرلەر – «تالدىقورعان» گازەتىنىڭ ٴتىلشىسى ايدىن كالىمحان مەن «جەتىسۋ» تەلەارناسىنىڭ ٴبولىم رەداكتورى ەسبولات ايدابوسىن «التىن قالام» تاۋەلسىز ادەبي جۇلدەسىنىڭ يەگەرى بولدى. بۇدان وزگە دە اۋىز تولتىرىپ ايتارلىق ناتيجەلەر جەتەرلىك.

بۇدان ٴارى ٴسوزىن ساباقتاعان وبلىس اكىمى اماندىق باتالوۆ:

"ٴبىز ٴوز تاراپىمىزدان سىزدەردىڭ جۇمىس ىستەۋلەرىڭىزگە قولايلى جاعداي جاساۋعا، جۋرناليستەر ٴۇيىنىڭ ماتەريالدىق-تەحنيكالىق بازاسىن نىعايتۋعا، تۇرعىن ٴۇي جانە باسقا دا تۇرمىستىق قاجەتتىلىكتەردى شەشۋگە قولداۋ كورسەتەتىن بولامىز. بارشاڭىزدى الدا كەلە جاتقان تاۋەلسىزدىك كۇنىمەن قۇتتىقتايمىن! وبلىس تۇرعىندارىنىڭ يگىلىگى ٴۇشىن بىرلەسە ەڭبەك ەتىپ، ورتاق مۇددەگە جۇمىس ىستەيتىنىمىزگە سەنىم بىلدىرەمىن. سىزدەرگە مىقتى دەنساۋلىق، ەڭبەكتەرىڭىزگە تابىس، وتباسىلارىڭىزعا بەرەكە تىلەيمىن!" – دەي كەلە ماراپاتتاۋ راسىمىنە كوشتى.

«حابار 24» تەلەارناسىنىڭ مەنشىكتى ٴتىلشىسى گۇلنار جانتاسوۆا «ۇزدىك تەلەجۋرناليست» اتانسا، وسى نوميناسيادا «جەتىسۋ» تەلەارناسىنىڭ رەداكتورلارى جازيرا يسايەۆا مەن نازگۇل ايازبايەۆا دا جەڭىمپاز دەپ تانىلدى.

سول سياقتى الماتى وبلىسى تۋرالى جازعان ماتەريالدارى ٴۇشىن «ۇزدىك رەسپۋبليكالىق ٴتىلشى» اتالىمىندا «التىن وردا» سايتىنان سەرىك مالەەۆ، «قازاقپارات» اقپارات اگەنتتىگىنەن سامال قابىشەۆا جانە «ەگەمەن قازاقستان» گازەتىنىڭ مەنشىكتى ٴتىلشىسى قالماحانبەت مۇحامەتقالي ماراپاتتالدى.

سونىمەن قاتار «ۇزدىك جۋرناليست» «ۇزدىك فوتوسۋرەتشى»، «ۇزدىك وپەراتور»، «ۇزدىك ٴتىلشى»، «باسپا باسىلىمىنىڭ ۇزدىك ديزاينى، ينفوگرافيكا»، «ۇزدىك بەينەكليپ وڭدەۋشى»، «ۇزدىك وبلىستىق vlog نەمەسە ۇزدىك بلوگەر»، «ۇزدىك جەلىلىك باسىلىم»، «وبلىستىق جۋرناليستيكا سالاسىنا قوسقان ۇلەسى ٴۇشىن نەمەسە ارداگەر جۋرناليست» اتالىمى بويىنشا دا جەڭىمپازدار انىقتالىپ، جۇلدەگەرلەردىڭ بارلىعىنا 100-500 مىڭ تەڭگە ارالىعىندا اقشالاي سىيلىق سەرتيفيكاتى بەرىلدى.

اتاپ وتسەك، بايقاۋعا رەسپۋبليكالىق، وبلىستىق، اۋداندىق جانە قالالىق باق قىزمەتكەرلەرىنەن، شتاتتان تىس تىلشىلەردەن 143 ماتەريال كەلىپ تۇسكەن. جۇمىستار پرەزيدەنت تاپسىرمالارىنىڭ ورىندالۋى، «7-20-25»، «نۇرلى جول»، «بولاشاققا باعدار: رۋحاني جاڭعىرۋ»، «اقپاراتتىق قازاقستان» جانە ت.ب. مەملەكەتتىك باعدارلامالاردىڭ جۇزەگە اسىرىلۋى باعىتتارى بويىنشا ساراپتالىپ، جالپى سانى 11 نوميناسيا بويىنشا جەڭىمپازدار انىقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي