BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

الماتى وبلىسىندا قانت قىزىلشاسىنىڭ فرانسۋزدىق جانە نەمىس تۇقىمى ساتىپ الىندى

شارۋالاردان قابىلدانعان قانت قىزىلشاسىن وڭدەۋ اياقتالا سالىسىمەن، بيىلعى جىلدىڭ 8 قاڭتارىندا باستالعان جاڭعىرتۋ جۇمىستارى اقسۋ قانت زاۋىتىندا ٴالى دە جالعاسىپ جاتىر. بيىل جاڭعىرتۋدىڭ ٴبىرىنشى كەزەڭىندە زاۋىتتا تەحنولوگيالىق قۇرال-جابدىقتار جاڭارتىلادى. اتاپ ايتقاندا، جاڭا سەنتريفۋگالار، ۆاكۋۋمدىق اپپاراتتار، فيلترلەر جانە باسقا دا قاجەتتى جابدىقتار قويىلادى. جالپى 3 جىلعا بەلگىلەنگەن كاسىپورىندى جاڭعىرتۋ جۇمىسىنا 12 ملرد تەڭگە ينۆەستيسيا باعىتتالماق، دەپ حابارلايدى baq.kz اقپارات اگەنتتىگى.

الماتى وبلىسىنىڭ ٴباسپاسوز قىزمەتى اقسۋ قانت زاۋىتىنىڭ وندىرىستىك قۋاتى 12 مىڭ توننانى قۇرايتىنىن مالىمدەيدى. وتكەن جىلى قازان ايىندا ىسكە قوسىلعان زاۋىتتا وسى ماۋسىمدا 67 797 توننا قانت قىزىلشاسى وڭدەلىپ، 4 مىڭ توننا قانت الىنعان.

اقسۋ قانت زاۋىتىنىڭ ديرەكتورى مۇرات تولەگەنوۆتىڭ ايتۋىنشا، بيىل جاڭعىرتۋدىڭ ٴبىرىنشى كەزەڭىنەن كەيىن 140 مىڭ توننا ٴتاتتى ٴتۇبىر وڭدەۋگە مۇمكىندىك تۋماق. زاۋىتتا جومدى سىعىپ، قاپتايتىن تەحنولوگيالىق جەلىنىڭ ورناتىلىپ، ىسكە قوسىلاتىنى وسى جىلدىڭ باستى جاڭالىعى بولماق.

«ٴبىز جومدى سىعىپ، قاپتايتىن يتاليالىق قۇرال-جابدىق ساتىپ الىپ جاتىرمىز. ەگەر بۇرىن جوم 4 ايدان ارتىق ساقتالمايتىن بولسا، اتالمىش تەحنولوگيالىق جەلىنى ساتىپ العاننان كەيىن بۇل پايدالى مال ازىعى ٴبىر جىلعا دەيىن ساقتالىنادى. ٴقازىر اقسۋ، سارقان، الاكول اۋداندارىندا ٴبىزدىڭ دايىن ونىمدەرىمىزدى ساتىپ الۋعا نيەت ٴبىلدىرىپ وتىرعان ٴسۇت تاۋارلى فەرمالار، شارۋا قوجالىقتارى بار. تاۋار وتكىزۋ نارىعىن ودان ٴارى كەڭەيتۋ دە ويىمىزدا. سونىمەن قاتار، زاۋىتتا بيىل سالماعى 25 پەن 50 كەلىلىك قانتتاردى قاپتايتىن 3 زاماناۋي جەلى ىسكە قوسىلادى. سونداي-اق، قۇرال-جابدىقتاردى جاڭعىرتۋ مەن جاڭاسىن ورناتۋ جۇمىستارى دا ٴجۇرىپ جاتىر. اتاپ ايتقاندا 5 سەنتريفۋگا، ۆاكۋۋمدىق اپپارات، فيلترلەر، شىرىندار جيىنتىعى جانە ت.ب. ولارعا باسقارۋدىڭ اۆتوماتتى جۇيەسىن ەنگىزەمىز. بۇل زاۋىتتىڭ بارلىق جۇمىستارى تۋرالى اقپاراتتاردى كومپيۋتەر ەكرانىنا جولداپ وتىرۋعا، ادامي فاكتوردى بولدىرماۋعا مۇمكىندىك جاسايدى»، - دەدى م. تولەگەنوۆ.

ونىڭ ايتۋىنشا، ٴقازىر زاۋىتتا 190 ادام ەڭبەك ەتەدى، كوكتەمگى-جازعى ماۋسىمدا 250-280 ادام، ال ماۋسىمىنا 600 ادام جۇمىس ىستەيدى. وبلىستىڭ قانت قىزىلشاسىن ٴوسىرۋدى بۇدان ٴارى دامىتۋ جوسپارلارىن ايتا كەلە وبلىس اكىمىنىڭ ورىنباسارى سەرىكجان بەسكەمپىروۆ ٴوڭىردىڭ كوكتەمگى ەگىسكە دايىن ەكەنىن اتاپ ٴوتتى.

«قانت قىزىلشاسىنىڭ فرانسۋزدىق جانە نەمىس تۇقىمى ساتىپ الىنىپ، ساراپتامادان وتكىزىلۋدە. 1 ساۋىردەن باستاپ بۇل تۇقىمدار شارۋالارعا بەرىلە باستايدى. سول سياقتى بيىلعى جىلى سولياركا جەڭىلدىكپەن بەرىلەدى. بيىلعى جىلى وڭىردە قانت قىزىلشاسىنىڭ القابىن 12 مىڭ گەكتارعا جەتكىزۋدى جوسپارلاپ وتىرمىز. اقسۋ قانت زاۋىتىنىڭ بۇدان كەيىنگى جۇمىسىنا كەلەتىن بولساق، بيىلعى جىلى قىركۇيەكتە قانت قىزىلشاسىن قابىلداۋدى باستاپ، جاڭعىرتۋ جۇمىستارى اياقتالاتىن قازان ايىنان وڭدەۋ ىسىنە كىرىسەدى»، - دەدى س. بەسكەمپىروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي