BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

الماتى دارىگەرلەرى ينسۋلت العان ناۋقاستىڭ تۋىستارىن ىزدەستىرۋدە 

فوتو: КТК

الماتىدا دارىگەرلەر ون كۇننەن بەرى ٴاتى-جونى بەلگىسىز ناۋقاستىڭ تۋىستارىن ىزدەستىرىپ جاتىر. ەر ادام اسا اۋىر حالدە ينسۋلتپەن اۋرۋحاناعا جەتكىزىلگەن. قالاداعى مەشىتتەردىڭ ٴبىرىنىڭ ماڭىندا ەس-تۇسسىز جاتقان ونى تۇرعىندار تاۋىپ العان، دەپ حابارلايدى baq.kz اگەنتتىگى كتك ارناسىنا سىلتەمە جاساپ.

ەر ادام اۋرۋحاناعا 2 قىركۇيەك كۇنى جەتكىزىلگەن. دارىگەرلەر بىردەن ينسۋلت ەكەنىن انىقتاعان. ناۋقاس قوزعالا دا، سويلەي دە الماعان. ول تەك ٴبىر اپتا وتكەن سوڭ عانا ازداپ ەس جيناعان.

ٴقازىر ول سول قولىن ازەر كوتەرەدى جانە تۇسىنىكسىز سوزدەر ايتۋعا عانا شاماسى كەلىپ تۇر. ٴوزى تۋرالى قانداي دا ٴبىر مالىمەت بەرۋگە قاۋقارسىز. دارىگەرلەر ٴوز بەتىنشە قانداي دا ٴبىر اقپارات الۋعا تالپىنعانىمەن، ەش ناتيجە جوق. ونىڭ وزىمەن بىرگە قۇجاتتارى دا، تەلەفونى دا بولماعان.

ەر ادامنىڭ جاسى 45 شاماسىندا. اۋرۋحاناداعىلار ونىڭ جانۇياسى بار، سەبەبى، قاڭعىباسقا ۇقسامايدى دەپ سانايدى. ولار تۋىستارىنان ٴبىر حابار بەرۋدى سۇرايدى.

«تەكسەرۋ كەزىندە ونىڭ گەمورراگيالىق ينسۋلت العانى بەلگىلى بولدى. بۇل باس ميىنا قان كەتۋ. ٴقازىر ونىڭ جاعدايى ٴبىرقالىپتى. العاشقى كۇننەن باستاپ قارقىندى تەراپيا باستالدى. ەمدەۋ ناتيجەسىندە احۋالى جاقسارىپ، قان قىسىمى تۇراقتادى. الايدا، ٴبىرقاتار وزگەرىس بار»، - دەدى №7 قالالىق كلينيكالىق اۋرۋحانانىڭ نەۆروپوتولوگ دارىگەرى عالىمجان كارىموۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي