BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

زاعيپ: الەمنىڭ جارىعىن اڭساعان جاننىڭ ٴبىرىمىن...

فوتو: Ибраш Әли

قىزىلوردا وبلىسى، ايتەكە بي كەنتىنىڭ تۇرعىنى سەرىكبول شايحوۆ سەگىز جاسىنا دەيىن جالعاننىڭ جارىعىن كورىپ، باقىتتى بالالىق شاقتىڭ بال ٴدامىن تاتقان. ەكىنىڭ ٴبىرى اۋىراتىن تۇماۋ – ويىن بالاسىنىڭ قوس جانارىنان ايىرىلىپ قالۋىنا سەبەپشى بولاتىنىن پەداگوگ اناسى دا، دارىگەر اكەسى دە سەزبەگەن. كەيىپكەرىمىز باس كوزىنەن ايىرىلعانمەن، كوڭىل كوزىنەن ايىرىلماعان ەكەن. وعان وردا بۇزار جاستان اسقان جىگىتتىڭ ولەڭ جازۋ، ٴان ايتۋ جانە سازگەرلىك قاسيەتى دالەل. ول قازىرگى ۋاقىتتا اياۋلى جار، ۇلگىلى اكە. baq.kz ايماقتىق ٴتىلشىسى تاعدىرلى كەيىپكەردىڭ جان سىرىن تىڭداپ قايتتى.

جانارىڭىزدان ايىرىلىپ قالعان سول ٴبىر كۇندى ەسكە الۋ ٴسىز ٴۇشىن قانشالىقتى اۋىر؟

«جالپى، مەن تاعدىرىما ريزا اداممىن. ماعان ون ەكى مۇشەسى ساۋ ادامدار سىرتتاي اياپ قاراۋى مۇمكىن، ٴبىراق مەن جاراتۋشىنىڭ وسى سىناعىنا شۇكىرلىك ەتىپ، سابىرلىق قىلام. سونداي جاعدايدا عانا مەنىڭ جۇرەگىمە تىنىشتىق ورناپ، ەرەكشە اسەرگە بولەنەمىن. قۇداي ٴىسىنىڭ جامانى جوق. مەنى بۇدان دا وتكەن جاماندىقتان ساقتاۋ ٴۇشىن وسىنداي كۇيگە ٴتۇسىردى مە ەكەن دەپ تە ويلايمىن. ەكى كوزى كورگەنىمەن، دۇنيەنىڭ بىلىعىنا باتىپ، جۇرەگىنىڭ ايناسىن لاستاعاندار از با ومىردە؟..»

مەنىڭ كوزىم – ساۋساقتارىم

بويىڭىزداعى ٴان ايتۋ، ولەڭ جازۋ، سازگەرلىك سياقتى ەكىنىڭ بىرىندە بولا بەرمەيتىن قابىلەتتەر قايدان دارىعان دەپ ويلايسىز؟

«اكەم – سەرجان شايحوۆ بىلىكتى دارىگەر-تەراپەۆت بولدى. انام – تۇرسىن مۋسينا اعىلشىن تىلىنەن ساباق بەرگەن ۇلاعاتتى ۇستاز، ون بالاعا جارىق دۇنيە سىيلاعان «التىن القا» يەگەرى. بويىمداعى قاي قاسيەت بولماسىن انامنىڭ اق سۇتىمەن، اكەمنىڭ بەرگەن تاربيەسىمەن دارىدى دەپ ويلايمىن. اكەم مارقۇم بايان، دومبىرا، ماندولينا اسپاپتارىندا شەبەر ويناۋشى ەدى. انگە اۋەستىگىم اكەمنەن دارىعان بولار. مەن بايان اسپابىنىڭ قىر-سىرىنا قانىعىپ ٴوستىم. ونى ەرىنبەي-جالىقپاي كوكەيىمە قۇيىپ، ساناما، ساۋساعىمنىڭ ۇشىنا سىنالاپ ٴسىڭىرىپ بەرگەن قورقىت اتا اتىنداعى اۋەز مەكتەبىنىڭ ۇستازى ورازالى قونىسبەككە ايتار العىسىم شەكسىز».

قاراڭعىلىق قۇشاعىنداعى ادام ٴۇشىن جارىق دۇنيەنىڭ ٴبىر بولشەگى ەكەنىن سەزۋ قانشالىقتى قيىن؟ ٴوزىڭىزدى قورشاعان ورتاعا قالاي بەيىمدەلدىڭىز؟

«مەنىڭ ەكى كوزىمنىڭ ورنىنا قولىم مەن ساۋساقتارىم قىزمەت ەتەدى. ساۋساقتىڭ ۇشى، ٴتوزىمنىڭ كۇشىمەن اق پەن قارانى، ىستىق پەن سۋىقتى، ٴقاۋىپ پەن قاتەردى اجىراتامىن».

الەمنىڭ جارىعىن اڭساعان جاننىڭ جىرى بۇل...

اندەرىڭىزگە كوبىنەسە قانداي تاقىرىپتى ارقاۋ ەتەسىز؟

«وسى ۋاقىتقا دەيىن جيىرماعا جۋىق ٴان شىعاردىم. ولەڭدەرىمە الەمنىڭ جارىعىن اڭساعان، تابيعات قۇبىلىسىن كوزبەن كورۋدى كوكسەگەن، ٴومىر سۇرۋگە قۇشتار، اتا-اناسىنا ايتار العىسى زور ادامنىڭ ويى، ياعني ٴوزىمنىڭ جان تەبىرەنىسىم ارقاۋ بولىپ كەلەدى».

ومىرلىك جارىڭىزدى جولىقتىرىپ، نەكە قيعان كەزدە ٴوزىڭىز عانا ەمەس، ٴسىز ٴۇشىن تىلەۋلەس جانداردىڭ قۋانىشىندا شەك جوق بولعان شىعار؟

«بۇل كۇندى مەنىڭ انام ەرەكشە كۇتتى، الايدا قۋانىشتى كۇندى كورۋ ماڭدايىنا جازىلماپتى. انام دۇنيەدەن وزىپ كەتتى... مەن ۇيلەنەتىن كۇنى اكەم اۋرۋحانادا جاتقان. كەنجە بالاسىنىڭ ۇيلەنەتىنى تۋرالى ٴسۇيىنشى حاباردى ەستىگەنمەن، ول دا اۋرۋحانا قابىرعاسىندا كوز جۇمدى... مۇنى دا تاعدىر ٴىسى دەپ سانايمىن جانە مويىنسۇنام. ادال جارىم، باتىس قازاقستان وبلىسىنىڭ تۋماسى دانا ساپيوللاقىزىمەن تاعدىرىم توعىسقان كۇندى ومىرىمدەگى ەڭ شۋاقتى كۇندەردىڭ ٴبىرى دەپ سانايمىن. جاقىندا نارەستەلى بولدىق. ايارۋ ەسىمدى قىزىمىز بار».

سەرىكبولدىڭ جارى ٴىى توپ مۇگەدەگى بولعاندىقتان، ٴسابيدى دۇنيەگە كەسار تىلىگى ارقىلى الىپ كەلگەن. ەڭ باستىسى – ٴسابيدىڭ دەنساۋلىق جاعدايى جاقسى.

كۇن شۋاعىن بارىمىزگە بىردەي شاشادى...

ٴتوزىمىڭىز تاۋسىلىپ، تاعدىرعا ناليتىن كەزدەرىڭىز قانشالىقتى ٴجيى بولادى؟

«جۇرەگىندە شۇكىرشىلى جوق ەشتەڭەگە ريزا ەمەس بولىپ جۇرەدى. مەن وسىنداي تاعدىر سىناعى ٴۇشىن ەشكىمگە رەنجىپ، ەشكىمدى كىنالامايمىن. «مەنىڭ باقىتتى بولۋىما اناۋ جەتپەيدى، مىناۋ جەتپەيدى»، «مەنىڭ باقىتسىز بولۋىما سول ادام كىنالى» دەپ سەبەپ ىزدەپ جۇرەتىن ادامداردى ٴتۇسىنۋ مەن ٴۇشىن قيىن. مەن ونداي ادامدارعا «ەستيتىن قۇلاعىڭ بار ما – بار، ويىڭدى جەتكىزەتىن ٴتىلىڭ بار ما – بار، كورەتىن كوزىڭ بار ما – بار، ۇستايتىن قولىڭ بار ما – بار، جۇرەتىن اياعىڭ بار ما – بار، ەندەشە، سەن شىنىمەن باقىتتى ادامسىڭ!» دەپ ايتامىن. جىلۋىن سىيلايتىن كۇن دە، ساۋلەسىن شاشاتىن اي دا بارىمىزگە ورتاق. ودان ارتىق بىزگە نە كەرەك؟!.»

بۇگىنگى تاڭدا سەرىكبول قازالى اۋداندىق «قازاق سوقىرلار قوعامى» قوعامدىق بىرلەستىگىنىڭ مۇشەسى. ول ۇيىم وكىلدەرىمەن بىرلەسىپ، مادەني ٴىس-شارالار وتكىزۋگە استالىسادى. اتى اتالعان قوعامدىق بىرلەستىكتىڭ ٴتوراعاسى ٴالىمجان قياس سەرىكبول اتاۋلى كۇندەردە قانداي شارا وتسە دە ٴبىرىنشى بولىپ كومەك قولىن سوزىپ، مادەني شارانىڭ كوركىن قىزدىراتىنىن ايتتى.

«سەرىكبول جيىرما جىلدان استام ۋاقىت بويى تاعدىر تاۋقىمەتىن كوتەرىپ، جىگەرىن قۇم قىلماعان جىگىت. ونىڭ رۋحى مىقتى، سوندىقتان اينالاسىنداعى ادامداردى دا جىگەرلەندىرەدى»، - دەيدى ول.

ٴبىزدىڭ انىقتاما

قازالى اۋدانىندا قايىرىمدى كىسىلەردىڭ قولداۋىمەن سەرىكبول شايحوۆتىڭ 2007 جىلى «ٴانىمسىڭ، ارۋ دۇنيە»، 2009 جىلى «قۋانىشىم – نۇرلى ساۋلە»، 2010 جىلى «ىزدەيدى اققۋ سىڭارىن» اتتى شىعارماشىلىق كەشتەرى وتكىزىلگەن. 2010 جىلى وتكەن شىعارماشىلىق كەشىندە اۋدان اكىمى ايتباي كوشەربايدىڭ قولىنان ٴۇش بولمەلى پاتەر كىلتىن العان. اۋداندىق، وبلىستىق، رەسپۋبليكالىق مۇمكىندىگى شەكتەۋلى جاندار اراسىنداعى ونەر بايقاۋلارىنىڭ جەڭىمپازى اتانىپ، «جاس كومپوزيتور» اتاعىنا يە بولدى.

فوتوسۋرەتتەر مەن بەينەجازبا اۆتوردىكى

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي