BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

الەمدەگى ۇزدىك «پاۆلودار» ەكونوميكالىق ايماعىندا 30 ٴتۇرلى ٴونىم شىعارىلادى

فوتو: Автор

پاۆلودار، baq.kz ٴتىلشىسى. «پاۆلودار» ارنايى ەكونوميكالىق ايماعى «fdi magazine» بريتاندىق باسىلىمنىڭ رەيتينگىسىندە دۇنيەجۇزىنىڭ ۇزدىك ەكونوميكالىق ايماقتاردىڭ ٴبىرى بولىپ تانىلدى. بۇگىندە قولايلى بيزنەس ورتادا سەگىز جوبا جۇزەگە اسىرىلىپ، 30-دان استام تاۋار ٴتۇرى شىعارىلادى.

«fdi magazine» جۋرنالى ٴتۇرلى ەكونوميكالىق سەكتورداعى ينۆەستيسيالىق قىزمەتكە شولۋ جاساپ، دۇنيە جۇزىندەگى ەكونوميكالىق زونالار بويىنشا ٴوز رەيتينگىسىن جاسايدى. جۋرنال - تانىمال «financial times» حالىقارالىق باسىلىمىنىڭ ٴبىر بولىگى. جەرگىلىكتى ەكونوميكالىق زونا شەتەلدىك باسىلىمنىڭ نۇسقاسى بويىنشا «best recourse and raw materials»، ياعني «ۇزدىك رەسۋرستار جانە شيكىزات» اتالىمىنا يە بولدى.

«قىسقا مەرزىم ىشىندە اۋقىمدى جۇمىس اتقارىلدى. بۇل جۇمىستى وسى جىلدىڭ كوكتەمىندە باستادىق. ەل باسىنىڭ جولداۋىنا سايكەس تىكەلەي شەتەلدىك ينۆەستيسيالاردى تارتۋ بەلسەندىلىگىن ارتتىرۋ ماقساتىندا «پاۆلودار» ارنايى ەكونوميكالىق ايماعىن حالىقارالىق دەڭگەيگە شىعارۋدى كوزدەدىك. ازىرگە بارلىق ەكونمويكالىق كورسەتكىشتەردى ٴوسىرىپ، قارقىندى دامىپ كەلە جاتىرمىز»، - دەيدى ارنايى ەكونمويكالىق ايماقتىڭ باسقارما ٴتوراعاسى ايبەك تۇرسىنعاليەۆ.

ايماقتا 1 تەڭگەلىك بيۋدجەتتىك قاراجاتقا 14 تەڭگە جەكە ينۆەستيسيالار تارتىلدى. بۇگىنگى تاڭدا جالپى سومماسى 50،4 ملرد. تەڭگەنى قۇرايتىن سەگىز جوبا جۇزەگە اسىرىلدى. سونىمەن قاتار، جوبالىق پورتفەلدە 80 ملرد. تەڭگە بولاتىن 2020 جىلعا دەيىن ىسكە اسىرىلاتىن 15 جاڭا جوبا بار، ونىڭ ۇشەۋى وسى جىلى ىسكە قوسىلادى.

بيىل سالىنعان ينۆەستيسيا كولەمى 10 ملرد. تەڭگەنى قۇراپ، جالپى ينۆەستيسيا كولەمى 60 ملرد. تەڭگەدەن استى. ونىڭ ىشىندە 15 ملرد. تەڭگە - تىكەلەي شەتەلدىك قاراجات.

«ٴوندىرىس كولەمى 30% -عا ٴوستى، بيىل ٴبىز 20 ملرد. تەڭگەنىڭ ٴونىمى شىعارىلادى. قازىرگى ۋاقىتتا ايماقتا ٴونىمنىڭ 30 ٴتۇرى شىعارىلىپ، ونداعان مەملەكەتكە ەكسپورتتالادى. پاۆلودار ارنايى ەكونوميكالىق ايماقتىڭ شيكىزاتتىق الەۋەتى زور. اليۋمينيي كلاستەرىن دامىتۋ ٴۇشىن بىزدە قوسپالى اليۋمينيي شيكىزاتى بار. بۇل – «gissenhaus» جوباسى. حيميالىق كلاستەردى دامىتۋ ٴۇشىن حلور، كاۋستيكالىق سودا، تۇز قىشقىلى شيكىزاتتارى بار. سول سياقتى، مۇناي-حيميا ونەركاسىبىن دامىتۋ ٴۇشىن تۋرا قاسىمىزدا مۇناي وڭدەۋ زاۋىتى ورنالاسقان. قازاقستانداعى ارنايى زونالاردىڭ بارلىعىندا بىردەي ارنايى قۇقىقتىق مۇمكىندىكتەر بار»، - دەيدى ايبەك تۇرسىنعاليەۆ.

بيىل ايماقتى دامىتۋدىڭ جاڭا ستراتەگياسى ازىرلەندى. اتاپ ايتقاندا، ۇزدىك 100 الەۋەتتى ينۆەستورلار ٴتىزىمى دايىندالىپ، 10-نان استام مەموراندۋمعا قول قويىلدى. 150-دەن استام ينۆەستورمەن كەزدەسۋ وتكىزىلىپ، ەۋروپادا وكىلدىكتەر پايدا بولدى. سونىمەن قاتار، دۇنيەجۇزىلىك ارنايى ەكونوميكالىق ايماقتار ۇيىمىنىڭ مۇشەسى اتاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي