BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

اقتوبەلىك جاستار كەلەر جىلدان ٴۇمىتتى

فوتو: Автор

اقتوبە جاستارى «جاستار جىلىنىڭ» تىڭ يدەيالار مەن جاڭا وزگەرىستەرگە تولى بولاتىنىنا سەنىمدى. پرەزيدەنت نۇرسۇلتان نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىنا اقتوبە وبلىستىق جاستار ساياساتى باسقارماسىنىڭ باسشىسى نۇرلان كۇنتۋوۆ پىكىرىن ٴبىلدىرىپ، الداعى جوسپارلارىمەن ٴبولىستى، دەپ حابارلايدى baq.kz ايماقتاعى ٴتىلشىسى.

اقتوبە وبلىسىندا جاستار ساياساتى باسقارماسى شىلدەدە قايتا قۇرىلدى. ٴوڭىر جاستارىمەن بىرگە ٴقازىر ۇلكەن جۇمىستار اتقارىلۋدا. جاعداي دا جاسالىپ جاتىر. بيىل وبلىس اكىمى بەردىبەك ساپاربايەۆ 100 تۇلەككە گرانت تاعايىندادى. ۇبت-دا ۇزدىك شىعىپ، الايدا، مەمەلكەتتىك گرانتقا تۇسە الماعان اقتوبەلىك تۇلەكتەر ينجەنەر، دارىگەر، it-تەحنولوگيا ماماندىقتارىن الىپ شىعادى.

«بارلىق جاستاردى 2019 جىلدىڭ «جاستار جىلى» دەپ جاريالانۋىمەن قۇتتىقتايمىن. قازىرگى جاستار – ەرتەڭگى ەل بولاشاعى عوي. مەملەكەت باسشىسىنىڭ تاراپىنان ەل بولاشاعىنا دەگەن ۇلكەن سەنىم جانە قۇرمەت دەپ بىلەمىز. وڭىرىمىزدە 208 مىڭ استام 14 پەن 29 جاس ارالىعىنداعى ازامات بار. وبلىس بويىنشا بارلىق اۋداندار مەن وبلىس ورتالىعىندا جاستار رەسۋرستىق ورتالىعى جۇمىس جاسايدى. «جاستار جىلىندا» بەكىتىلگەن بيۋدجەتىمىزگە ساي جۇمىس اتقارامىز. الەۋمەتتىك تاپسىرمالار بەكىتىلدى. ەلگە، جەرگە، مەملەكەتكە دەگەن پاتريوتتىق سەزىمدى قالىپتاستىرۋ، جاس كاسىپكەرلەردى قولداۋ، ەرىكتىلەر قوزعالىسىن دامىتۋعا ارنالعان جوسپارلار جاسالدى»، - دەدى نۇرلان كۇنتۋوۆ.

2019 جىلى اقتوبە قالاسىنىڭ 150 جىلدىعى اتاپ وتىلەدى. وسىعان وراي، شىعارماشىل جاستار ٴۇشىن «مەنىڭ كوشەم، مەنىڭ قالام، مەنىڭ ەلىم» اتتى سايىس وتەدى. شاھارىنا، ٴوڭىرى مەن ەلىنە دەگەن ماحابباتىن جەتكىزگىسى كەلەتىن جاستار ٴۇشىن ۇلكەن مۇمكىندىك. اقتوبە وبلىسىندا 20-عا جۋىق ەرىكتىلەر ۇيىمى بار. مىڭنان استام ازامات مۇشە.

«ەرىكتىلەر قىزمەتى ۇلكەن جۇرەكتى، وزگە جانعا دەگەن سۇيىسپەشىلىكتى تالاپ ەتەدى. ەرىكتى جاستارىمىزدى قولداۋ ٴۇشىن الداعى جىلى «اقتوبە – پوزيتيۆ لايف» فورۋمىن وتكىزەمىز. رەسپۋبليكاداعى ەرىكتىلەردىڭ باسىن قوسۋجى جوسپارلاپ وتىرمىز. جۋىردا الماتىدا وتكەن تمد ەلدەرىنىڭ بەلسەندى جاستارى قاتىسقان شارادا وبلىس دەلەگاسياسى، «ۇلتتىق ۆولونتەرلىق جۇيە» دەپ اتالاتىن قوعامدىق ۇيىمدار قاۋىمداستىعىمەن جانە «ليگا ۆولونتەروۆ» رەسپۋبليكالىق ۇيىم باسشىلىعى اراسىندا كەلىسسوزدەر جاسالدى. «ليۆا ۆولونتەروۆ» رەسپۋبليكالىق ۇيىمىنىڭ فيليالى العاشقىلاردىڭ ٴبىرى بولىپ اقتوبەدە اشىلادى. اۋىل جاستارىمەن جۇمىس بيىل باستالدى. الدا «قۇقىقتىق، ٴدىني ساۋاتتىلىق – ىشكى تۇراقتىلىقتىڭ كەپىلى» اتتى شارا وتكىزەمىز. تانىمال، وڭىرگە ەڭبەگى سىڭگەن، ٴتۇرلى سالادا جەتىستىككە جەتكەن تۇلعالارمەن كەزدەسۋلەر بولادى»، - دەدى وبلىستىق جاستار ساياساتى باسقارماسىنىڭ باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي