BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

اقتوبەدە مەنينگوكوكك جۇقتىرعان 9 ايلىق ٴسابيدىڭ جاعدايى قالاي

قوعامدىق دەنساۋلىق كوميتەتىنىڭ اقتوبە وبلىسى بويىنشا دەپارتامەنتىنىڭ باسشىسى نۇرسۇلۋ بەركىمبايەۆا مەنينگوكوكك ينفەكسياسىن جۇقتىرعان 9 ايلىق بالانىڭ جاعدايى تۋرالى ايتتى، دەپ حابارلايدى baq.kz اقپارات اگەنتتىگى.

ونىڭ ايتۋىنشا، ٴسابي وبلىستىق كلينيكالىق جۇقپالى اۋرۋلار اۋرۋحاناسىنىڭ جانساقتاۋ بولىمشەسىنە جرۆي دەگەن كۇدىكپەن جاتقىزىلعان

«بالاداعى «مەنينگوكوكتىق جۇقپا» دياگنوزى زەرتحانالىق تۇردە راستالدى. ناۋقاس ەمدەلۋ كۋرسىنان وتۋدە. ٴسابيدىڭ جاعدايى تۇراقتى، جاقسارعانى بايقالادى. ونىمەن ارالاسقان تۋىستارى تەكسەرىلدى، تەكسەرۋ ناتيجەلەرى تەرىس. وعان مەديسينالىق باقىلاۋ ورناتىلدى. بارلىق قاجەتتى ەپيدەمياعا قارسى ٴىس-شارالار تولىق كولەمدە جۇرگىزىلدى»، - دەدى نۇرسۇلۋ بەركىمبايەۆا.

وڭىردە جىل باسىنان بەرى مەنينگوكوكتىق جۇقپامەن اۋىرۋدىڭ ٴۇش وقيعاسى تىركەلىنگەنىن اتاپ وتكىمىز كەلەدى.

«بارلىق وقيعالار ەمدەلىندى. ناۋقاستاردىڭ مەديسينالىق ۇيىمدارعا ۋاقىتىلى جولىعۋىنىڭ ارقاسىندا بارلىق جاعدايلار دا جاقسى اياقتالدى. وسى ادامدارمەن بايلانىستا بولعان 180 ادام تەكسەرىلدى. تەكسەرۋ ناتيجەلەرى بويىنشا تاسىمالداۋشىلار تىركەلگەن جوق. مەنينگوكوكتىق جۇقپانىڭ تىركەلىنگەن ٴۇش وقيعاسىنىڭ 2-ەۋى زەرتحانالىق تۇردە راستالدى، 1-ەۋىنە دياگنوز كلينيكالىق مالىمەتتەر نەگىزىندە قويىلدى. قايعىلى اياقتالعان مەنينگوكوكتىق جۇقپا وقيعالارى تىركەلىنگەن جوق. قازىرگى كەزدە احۋال تۇراقتى»، - دەپ ٴسوزىن تولىقتىردى نۇرسۇلۋ بەركىمبايەۆا

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي