BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

اقتوبەدە تۇرمىستىق زورلىق كورگەن ايەلدەر تۇرمەدەن شىققاندارمەن ٴبىر عيماراتتا تۇرىپ جاتىر

فوتو: Автордікі

اقتوبەدە تۇرمىستىق زورلىق-زومبىلىق كورگەن ايەلدەرگە ارناپ وڭىردە اشىلعان ارنايى بولىمدە 8 ايەل تۇرىپ جاتىر. 4 بالا بار. جولداسىنان، بالالارىنان ٴجابىر كورىپ، قالاعا پانا ىزدەپ كەلگەن نازىك جاندىلاردىڭ دەنى - اۋدانداردان، دەپ حابارلايدى baq.kz ايماقتاعى ٴتىلشىسى.

تۇرمىستىق زورلىق-زومبىلىق كورگەن ايەلدەرگە ارنالعان ٴبولىم جۇمىسىن جىل باسىندا باستاعان. الايدا، مۇندا وتكەن جىلدىڭ سوڭىنان بەرى تۇرىپ جاتقاندار بار. كۇيەۋىنىڭ جۇدىرىعىنان قاشىپ، بالالارى باس تارتقان ايەلدەر وسى جەردەن پانا تاپقان. جاس شامالارى ٴارتۇرلى. كەيبىر كەلىنشەكتىڭ ەتەگىنەن ۇستاعان 2-3 بالاسى بار. "اۋىر تۇرمىستىق جاعدايداعى تۇلعالاردى قايتا الەۋمەتتەندىرۋگە ارنالعان ورتالىقتىڭ" ٴبىر بۇرىشىندا ٴقازىر 8 ايەل تۇرىپ جاتىر.

«بۇعان دەيىن اقتوبەدە مۇنداي ورتالىقتى جەكە كاسىپكەر اشقان بولاتىن. مەملەكەتتىك مەكەمە رەتىندە ٴبىزدىڭ ورتالىق اشىلدى. رەسپۋبليكالىق بيۋدجەتتەن 20 ميلليون تەڭگە قارجى ٴبولىندى. 20 ورىنعا ارنالعان. بالالى ايەلدەر تۇرىپ جاتىر. ٴبىر قيىنى بالالار وينايتىن جەر جوق. وزگە وڭىرلەردە مۇنداي ورتالىق بولەك عيماراتتا ورنالاسقان. سوندىقتان، بالالاردى ساياباققا، ارنايى بالالار الاڭىنا ويناۋعا اپارىپ تۇرادى. ورتالىقتاعى ايەلدەردىڭ اراسىندا كۇيەۋى سوققىعا جىققاندار، بالالارىنان تاياق جەگەندەر، باسپاناسىنان ايىرىلعاندار، بالالارى باس تارتقاندار بار»، - دەدى اۋىر تۇرمىستىق جاعدايداعى تۇلعالاردى قايتا الەۋمەتتەندىرۋگە ارنالعان ورتالىق ديرەكتورى سابىرعالي داۋلەتوۆ.

جولداسىنان، بالالارىنان ٴجابىر كورگەن نازىك جاندىلاردىڭ دەنى - اۋدانداردان. اقتوبەنىڭ العا اۋدانىنان قالاعا قاشىپ كەلگەن گۇلسىم جيەنبايەۆا وسىندا تۇرىپ جاتىر. 39 جاستا. ويىل اۋدانىنىڭ تۋماسى 61 جاستاعى العالىق ازاماتقا تۇرمىسقا شىققان. 3، 6، 17 جاستاعى بالالارى بار. ۇلكەنى ٴقازىر وزىمەن بىرگە. قالعان ەكەۋىن ۋاقىتشا ينتەرناتقا ورنالاستىرعان. دەمالىس كۇندەرى قاسىنا الىپ كەلەدى. جولداسى 5 جىل بويى ۇزدىكسىز ساباپ كەلگەن. «جۇكتى كەزىمدە دە ايامادى» دەپ وتىر. بار تىلەگى ۋاقىتشا بولسا دا باسپانا تاۋىپ، بالالارىمەن بىرگە تۇرۋ. باسپاناسى بولماسا بالالارىن كۇيەۋى تارتىپ الا ما دەپ قورقادى.

«ەشكىمىم جوق. اتا-انام بولسا بۇلاي اركىمنىڭ كوڭىلىنە قاراپ، كەز-كەلگەن جاننان ٴسوز ەستىپ جۇرمەس ەدىم. كۇيەۋىم 5 جىل بويى ۇرىپ كەلدى. پىشاقتان دا قالدىم. ەكى رەت قىلعىندىرىپ، ارەڭ قۇتىلىپ شىقتىم. بالالارىمدى قىستى كۇنى دالاعا لاقتىرىپ تاستايتىن. ۇلكەن ۇلىممەن ارەڭ قۇتىلاتىنبىز. بيلىكتەن كومەك سۇرايمىن. ۋاقىتشا بولسا دا بالالارىممەن بىرگە تۇراتىن پاتەر تاۋىپ بەرسە. ٴۇش بالامنىڭ باسىن قوسىپ وتىرعىم كەلەدى»، - دەدى گۇلسىم جيەنبايەۆا.

ورتالىقتا 2 جاتىن بولمەسى بار. ازىرگە ارنايى اسحانا قاراستىرىلماعان. بالالار ٴۇشىن ويىن بولمەسى دە جوق. مۇندا كەلىنشەكتەر جارتى جىلعا دەيىن تۇرا الادى. زورلىق-زومبىلىق قۇرباندارىمەن پسيحولوگ جۇمىس جاسايدى. زاڭگەرلەر قۇجاتتارىن جاساۋعا كومەكتەسەدى.

ورتالىق ديرەكتورى سابىرعالي داۋلەتوۆ «بولاشاقتا بارلىق جاعداي جاسالادى» دەپ وتىر. الايدا، مۇنداعىلار ٴقازىر تۇراقتى مەكەنى جوق قاڭعىباستارمەن ٴبىر عيماراتتا تۇرىپ جاتىر. ەسىكتەرى بولەك بولسا دا قورقىنىش كوپ.

«عيمارات ەكى بولىككە بولىنگەن. ارعى جاق بولىگىندە تۇراقتى مەكەنى جوق تۇلعالار تۇرادى. ارالارىندا تۇرمەدەن شىققاندار دا بار. قاڭعىباستار تۇرادى. ٴبىزدىڭ بولىمشەگە ورنالاسقىسى كەلەتىن ايەلدەر كوپ. ٴبىراق قورقادى كەلۋگە»، - دەدى سابىرعالي داۋلەتوۆ.

اۋىر تۇرمىستىق جاعدايداعى تۇلعالاردى قايتا الەۋمەتتەندىرۋگە ارنالعان ورتالىعىندا تۇراقتى مەكەنى جوق 41 ادام تۇرادى. شالقار، تەمىر، مۇعالجار اۋداندارىنىڭ تۋمالارى. بارلىعى - قازاق ۇلتىنان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي