BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

اقتوبەدە تاعى ٴبىر مەكتەپ وقۋشىسى كوز جۇمدى

فوتو: ашық дереккөзден

اقتوبە، baq.kz ٴتىلشىسى. اقتوبەدە جەدەل جاردەم قىزمەتى جەتكەنشە مەكتەپ وقۋشىسى كوز جۇمدى. دارىگەرلەر شاقىرتۋ تۇسكەن ساتتەن 49 مينۋتقا كەشىككەن. «نۇر اقتوبە» اۋدانىنىڭ 7 جاستاعى تۇرعىنىنىڭ دەنە قىزۋى كوتەرىلىپ، ەسىنەن تانىپ قالعان. وقيعاعا قاتىستى بۇگىن وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى سۆەتلانا ەسەنامانوۆا وقيعاعا قاتىستى تۇسىنىك بەردى.

وقيعا وبلىس ورتالىعىنداعى «نۇر اقتوبە» اۋدانىندا بولدى. 7 جاستاعى قىز بالانىڭ دەنە قىزۋى كوتەرىلىپ، سۋدوروگى ۇستاعان. بولعان ٴجاي تۋرالى تۇسىرىلگەن بەينەجازبا الەۋمەتتىك جەلىگە تاراپ كەتكەن ەدى. 7 جاستاعى قىز وتباسىندا بەسىنشى بالا.

«سوڭعى كەزدە بالا تۇيىقتالىپ كەتتى. بالانى مەديسينالىق تەكسەرۋدەن وتكىزدىم. قىزىم ٴىنجى جانكينا 7 جاستا ەدى. كۇندىزگى ساعات 1-2-لەر شاماسىندا دەنە قىزۋى كوتەرىلدى. باسۋ اۋىرعاندىعىن ايتتى. مەن كۇندىزگى ساعات 14:56-دا (جەرگىلىكتى ۋاقىتپەن) جەدەل جاردەم قىزمەتىنە حابارلاستىم. كەيىن بىرنەشە رەت قايتا حابارلاستىم. دارىگەرلەر كەلگەندە ەشقانداي كومەك كورسەتپەدى. كەرىسىنشە، ماعان ايقايلاي باستادى. اياق-قولى قۇرىسۋ جاعدايى العاش بولعاندا مۇنداي بولۋى مۇمكىن ەمەس، بۇرىن اۋىرعان عوي دەدى. پوليسياعا ارىز جازدىم. جەدەل جاردەم قىزمەتىنە نەشەدەن باستاپ حابارلاسقانىم، قاشان جانە قالاي كەلگەنى مەندە جازۋلى. كورشىلەر دە راستايدى»،-دەدى ٴىنجۋدىڭ اناسى دينارا بايماعامبەتوۆا.

وقيعاعا قاتىستى بۇگىن اقتوبە وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى سۆەتلانا ەسەنامانوۆا تۇسىنىك بەردى. دارىگەرلەردىڭ الدىن الا انىقتاۋى بويىنشا، قىز بالا ٴتىلىن جۇتىپ، اۋانىڭ جەتپەۋىنەن كوز جۇمعان.

«ٴبىز كەش بىلدىك. ەستىگەننەن كەيىن شۇعىل تۇردە كوميسسيا قۇرىلدى. القاپتىق، مەكتەپتەگى دارىگەرلەرىمەن سويلەسىپ، بالانىڭ بۇعان دەيىنگى مەديسينالىق قۇجاتتارىن قارادىق. اتا-اناسىمەن سويلەستىك. جەدەل جاردەم قىزمەتى وقيعا ورنىنا كەش جەتكەن. شاقىرتۋ تۇسكەننەن كەيىن 49 مينۋتتا بارعان. دارىگەرلەردىڭ كەش جەتۋىنىڭ 2 فاكتورى بولدى. ٴبىرىنشى، ادامي فاكتور. ياعني، شاقىرتۋ تۇسكەننەن كيەىن ديسپەچەر دارىگەرلەرگە «بالانىڭ دەنە قىزۋىنىڭ جوعارى» ەكەندىگىن ەسكەرتپەگەن. شاقىرتۋلار بىرنەشە ساناتقا بولىنەدى. ال، ديسپەچەر «جوعارى تەمپەراتۋرا بولعاندىعىن» ەسكەرتپەگەندىكتەن شاقىرتۋدىڭ ٴ4-شى كاتەگورياسىنا اۋىسىپ كەتكەن. ال، ەكىنشى فاكتور – مەكەنجايدىڭ دۇرىس كورسەتىلمەگەندىگى. شاقىرتۋدا «نۇر سيتي-4» شاعىن اۋدان دەپ كورسەتىلگەن. سوندىقتان جەدەل جاردەم كولىگى سول مەكەنجايعا كەتكەن. تەك مەكەنجايىن قايتادان ناقتىلاعاننان كەيىن عانا شاقىرتۋ ورنىنا جەتكەن. وسىعان وراي، جەدەل جاردەم قىزمەتىنىڭ ەتيكا جانە دەونتولوگيا ەرەجەسىن بۇزعاندىعىن انىقتادى»،-دەدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى سۆەتلانا ەسەنامانوۆا.

جەدەل جاردەم بريگاداسى تاراپىنان ەتيكا جانە دەونتولوگيا بۇزىلعاندىقتان قر دەنساۋلىق ساقتاۋ مينيسترلىگى جانىنان تاۋەلسىز كوميسسيا قۇرىلدى. دارىگەر مەن ديسپەچەر تەرگەۋ اياقتالعانشا جۇمىستان شەتتەتىلگەن.

«جەدەل جاردەم بريگاداسى دارىگەرىنىڭ سوزىنشە، ولار بارعاندا بالانىڭ تىرناقتارى كوگەرىپ، باسى سول جاققا بۇرىلعان كۇيى جاتقان. سەبەبى، ۇيىندە تۋىستارى كومەك كورسەتكىلەرى كەلگەن. اناسىنىڭ سوزىنشە، جانىنداعىلار بالانىڭ ٴتىلىن اعاش قاسىقپەن ۇستاپ قالعىلارى كەلگەن. وكىنىشكە وراي، الدىن الا بولجام انىقتالعانداي بالادا سۋدوروگ ۇستاماسى بولعان. اناسى ايتتى جەدەل جاردەم قىزمەتى كەلگەنگە دەيىنگى 20 مينۋتتا قىزدىڭ تىنىسى توقتاعان. ٴولىمنىڭ بارلىق بەلگىلەرى بولعان. سوندىقتان دارىگەرلەر كەلگەندە شۇعىل مەديسينالىق كومەك كورسەتىلمەدى»،-دەدى سۆەتلانا ەسەنامانوۆا.

قىزىنان ايىرىلعان دينارا بايماعامبەتوۆا 8 بالالى. 2011 جىلى ىنجۋدەن ۇلكەن قىزى دا اۋىرىپ، كوز جۇمعان. وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى سۆەتلانا ەسەنامانوۆا كەز-كەلگەن ادام العاشقى مەديسينالىق كومەك كورسەتە ٴبىلۋ كەرەك دەپ وتىر. سونداي-اق، دەنە قىزۋى كوتەرىلىپ، جەدەل جاردەم بريگاداسى كەشىككەن جاعدايدا، جاقىن جەردەگى اۋرۋحاناعا بالانى اپارۋ كەرەكتىگىن دە ەسكەرتتى. اۋرۋحاناداعىلار ناۋقاستى قابىلداۋعا مىندەتتى.

فوتو; اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي