BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

اقتوبەدە ورامالىن شەشپەگەن 72 وقۋشى كەلەسى سىنىپقا كوشىرىلمەۋى مۇمكىن

فوتو: leggo.it

اقتوبەدە 88 مەكتەپتە مەكتەپ فورماسىن ساقتاماي وتىرعان 340 وقۋشى انىقتالدى. جىل باسىندا جۇرگىزىلگەن مونيتورينگ قورىتىندىسى وسىنداي. وڭىردە ورامال تاققان 32 وقۋشى قىزدى اتا-انالارى وزگە ايماقتارعا كوشىرىپ اكەتكەن. بۇل تۋرالى بۇگىن اقتوبە وبلىستىق ٴبىلىم جانە ٴدىن ىستەرى باسقارمالارىنىڭ باسشىلارى مالىمدەدى، دەپ حابارلايدى baq.kz ايماقتىق ٴتىلشىسى.

اقتوبەدە باستارىنان ورامالىن شەشپەي، مەكتەپ فورماسىن ساقتاماي وتىرعان وقۋشىلاردىڭ اتا-انالارى جازالانا باستادى. 18 اتا-اناعا 5 اەك كولەمىندە ايىپپۇل سالىنعان. ولاردىڭ بەسەۋى ٴقازىر 12 مىڭ تەڭگە كولەمىندە ايىپپۇلدارىن وتەپ، بالالارىن مەكتەپكە قايتا جىبەردى.

«18 اتا-اناعا قاتىستى 5 اەك كولەمىندە ايىپپۇل سالىندى. شالقار، قارعالى، قوبدا، العا، حرومتاۋ اۋداندارىنداعى مەكتەپ وقۋشىلارىن ساباققا جىبەرمەگەن اتا-انالاردىڭ ٴىسى قولعا الىندى. ٴقازىر 5 اتا-انا ٴوز ەركىمەن بيۋدجەتكە بەكىتىلگەن ايىپپۇلدى تولەدى. وسىدان كەيىن 5 وقۋشى مەكتەپكە قايتارىلدى. وقۋشىعا جاۋاپتى اتا-انا سالىنعان ايىپپۇلدى 30 كۇن ىشىندە تولەۋى شارت. بۇل تۋرالى بارلىعى حاباردار. ەگەر مۇنداي اكىمشىلىك قۇقىق بۇزۋشىلىق تاعى قايتالانسا، ٴىس سوتقا كەتەدى. جوعارىدا ايتىلعان 18 ماتەريالدان وزگە تاعى 3 ماتەريال كەلىپ ٴتۇستى. مەكتەپ باسشىلىعى اتا-انالاردىڭ ۇستىنەن شاعىم ٴتۇسىرىپ جاتىر»، - دەدى اقتوبە وبلىستىق ٴبىلىم سالاسىنداعى باقىلاۋ دەپارتامەنتى باسشىسىنىڭ مىندەتىن اتقارۋشى جانات مۇحامبەتالينا.

اقتوبەدە جىل باسىندا مونيتورينگ قورىتىندىسى بويىنشا مەكتەپ فورماسىن ساقتاماعان 340 وقۋشى انىقتالعان ەدى. ٴقازىر تالاپتار مەن ٴتۇسىندىرۋ جۇمىستارىنىڭ ناتيجەسىندە ورامال تاققان وقۋشىلارسانى 72-گە ازايعان. 268 قىز بالا مەكتەپكە قايتا باردى.

«قر ٴبىلىم جانە عىلىم ٴمينيسترىنىڭ 14 قاڭتار 2016 جىلعى №26 بۇيرىعى نەگىزىندە مەكتەپ فورماسىن ساقتاۋ بارلىق اتا-انالارعا بىردەي تالاپ ەتىلدى. بۇل بويىنشا جۇمىستار جاسالىپ جاتىر. ٴار ازاماتتىڭ ٴوز پىكىرىن بىلدىرۋگە قۇقىعى بار، دەگەنمەن 1 قاڭتار 2018 جىلى وبلىس بويىنشا مەكتەپ فورماسىن 340 وقۋشى ساقتاماعان بولاتىن. 13 ناۋرىزدا سونىڭ ٴ268-ى قايتادان مەكتەپ فورماسىن ساقتاپ، ٴوز پارتالارىندا وتىر. قالعان بالالارمەن ٴقازىر جۇمىس جاسالۋدا. سۇراقتار كوپ. زاڭ بۇزىلىپ تۇرعان جوق. تەك بۇيرىقتى سول بالالارعا جاۋاپتى اتا-انا ورىنداۋعا مىندەتتى. ال، ول ورىندالماي وتىر» ، - دەيدى وبلىستىق ٴبىلىم باسقارماسىنىڭ باسشىسى ٴلاززات ورازبايەۆا.

ورامالىن شەشپەگەن 32 وقۋشىنى اتا-اناسى وزگە وڭىرلەرگە الىپ كەتكەن ەدى، ونىڭ 10-ى الماتى قالاسىندا. قالعاندارى وڭتۇستىك قازاقستان وبلىسىنىداعى مەكتەپتەرگە اۋىسقان. بارلىعى دا بيىلعى 1 قاڭتاردا مەكتەپ فورماسىن ساقتاماعان وقۋشىلار. ماماندار ەكى توقسان بويى ساباققا بارماعان قىز بالالاردىڭ ماسەلەسى تۋرالى مينيسترلىككە حات جولداعان.

«قاشىقتىقتان وقىتۋ ەلدەگى مەكتەپ تالاپتارىنا قايشى. ال مەكتەپكە كەلمەي وتىرعان 72 بالانىڭ اراسىندا ەكى توقسان بويى ساباققا بارماعاندار بار. بۇل جونىندە ٴبىز قر ٴبىلىم جانە عىلىم مينيسترلىگىنە بىرنەشە رەت حات جولدادىق. ٴقازىر جاۋابىن كۇتىپ وتىرمىز. بۇل وقۋشىلاردىڭ سىنىپ جەتەكشىلەرى ولارعا تەلەفون ارقىلى كومەكتەسىپ جاتىر، ٴبىراق بالالار مەكتەپكە كەلمەگەندىكتەن، تولىق ٴبىلىم بەرۋ ستاندارتىن قابىلداماعاندىقتان، ەكى توقسان بويى كوشىرىلمەي وتىر. ەگەر ەكى توقسان بويى ٴبىلىم الماسا، ودان ٴارى زاڭ بويىنشا سىنىپتان سىنىپقا كوشىرىلمەيدى»، - دەدى ٴلاززات ورازبايەۆا.

ايتا كەتەيىك، بالالارى مەكتەپكە كىرە الماي وتىرعان اتا-انالار ەلباسى نۇرسۇلتان نازاربايەۆتىڭ، پرەمەر-مينيستردى باقىتجان ساعىنتايەۆتىڭ اتىنا ۇندەۋ جازىپ، تاراتقان ەدى. جاۋاپتى ماماندار بۇعان قاتىستى پىكىر ٴبىلدىردى.

«ەلباسىمىزدىڭ اتىنا جەرگىلىكتى ازاماتتار «اقتوبە وبلىسىندا مۇسىلماندار قىسىمشىلىققا ۇشىراپ جاتىر» دەگەن ۇندەۋ تاراتىلعان ەدى. ٴبىزدىڭ ٴدىن ىستەرى باسقارماسى – مەملەكەتتىك مەكەمە. بىزگە ارىز ەكى كۇن بۇرىن عانا ٴتۇستى. ۇندەۋ جازعان ادامداردىڭ بىرنەشەۋىمەن اڭگىمەلەسىپ، ٴتۇسىندىرۋ جۇمىستارىن جۇرگىزدىك. ارنايى ارىز بىزگە بۇعان دەيىن تۇسپەدى»، - دەدى وبلىستىق ٴدىن ىستەرى باسقارماسىنىڭ باسشىسى جولداس قالماعامبەتوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي