BAQ.kz - Қазақстан жаңалықтары USD 367.3 BAQ.kz - Қазақстан жаңалықтары EUR 419.68 BAQ.kz - Қазақстан жаңалықтары RUB 5.58
استانا:

اقتوبەدە كوشى-قون قىزمەتىنىڭ ورتالىعى اشىلدى

اقتوبە، baq.kz. اقتوبە قالاسىندا «اقتوبە – ادالدىق الاڭى» جوباسى اياسىندا كوشى-قون قىزمەتتەرىنىڭ ورتالىعى اشىلدى. ەندى كوشى-قون ورتالىعى ارقىلى ەڭبەك ميگرانتتارىنا قاجەتتى مەملەكەتتىك قىزمەت تۇرلەرىن «ٴبىر تەرەزە» قاعيداتى بويىنشا الۋلارىنا مۇمكىندىك تۋىپ وتىر.

ورتالىقتىڭ باستى مىندەتى – كوشى-قون سالاسىنداعى قىزمەتتەردى الۋدى بارىنشا جەڭىلدەتۋ. بۇرىن ميگرانتتارعا ەڭبەك ەتۋگە بەرىلەتىن رۇقسات قۇجاتتارىن بەرۋ مەن ونى ۇزارتۋ ٴۇشىن 3 - 5 كۇندەي ۋاقىت كەتەتىن، ەندى بۇل پروسەس كوشى-قون ورتالىعى ارقىلى 2 ساعات ىشىندە جۇزەگە اسىرىلادى. تاعى ٴبىر تيىمدىلىگى، بۇرىن اتالمىش قىزمەت ٴتۇرىن الۋ ٴۇشىن ەڭبەك ميگرانتتارى مەديسينالىق قاراۋدان، داكتيلوسكوپيادان ٴوتۋدى، ساقتاندىرۋ پوليستەرىن راسىمدەۋ مەن جەكە سايكەستەندىرۋ نومىرلەرىن الۋدا ٴارتۇلى مەكەمەلەرگە جۇگىنەتىن، ٴقازىر بۇل قىزمەتتەردى دە ٴبىر عانا كوشى-قون ورتالىعى قابىرعاسىنان وتۋگە بولادى.

جالپى اقتوبە وبلىسىندا اعىمداعى جىلدىڭ 9 ايىنىڭ قورىتىندىسى بويىنشا جەرگىلىكتى اتقارۋشى ورگاندارمەن 4 510 627 مەملەكەتتىك قىزمەت كورسەتىلدى، ونىڭ ىشىندە 82% -ى ەلەكتروندى تۇردە كورسەتىلگەن، سونىمەن ەلباسىمىزدىڭ مەملەكەتتىك كورسەتىلەتىن قىزمەتتەردى 2019 جىلعا دەيىن 80% ەلەكتروندىق فورماتقا كوشىرۋ تۋرالى تاپسىرماسى اقتوبە وبلىسىندا ورىندالدى. مەملەكەتتىك كورسەتىلەتىن قىزمەتتەردى ەلەكتروندى تۇردە كورسەتۋ تۇرمىستىق سىبايلاس جەمقورلىقتى جويۋعا مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي