BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

اقتوبە وبلىسىندا الەۋمەتتىك نىساندار وتىنمەن تولىقتاي قامتاماسىز ەتىلدى

فوتو: aktobegazeti.kz

وبلىس اكىمى بەردىبەك ساپاربايەۆتىڭ توراعالىعىمەن وتكەن جيىندا جىلىتۋ ماۋسىمىنا دايىندىق جۇمىستارىنىڭ وزەكتى ماسەلەلەرى قارالدى، دەپ حابارلايدى baq.kz اقپارات اگەنتتىگى aktobegazeti.kz سايتىنا سىلتەمە جاساپ.

وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى داستان امانوۆ بايانداعانداي، دايىندىق جۇمىستارى اياسىندا بيىل وبلىس بويىنشا 586 قازاندىق، 238،9 شاقىرىمدىق جىلۋ جەلىلەرى، 482،3 شاقىرىمدىق سۋمەن جابدىقتاۋ جانە سۋ تارتۋ جەلىلەرى، 272،9 شاقىرىمدىق ەلەكترمەن جابدىقتاۋ جەلىلەرى، 1 590 الەۋمەتتىك مەكەمەلەر مەن 2،5 مىڭنان اسا كوپپاتەرلى تۇرعىن ۇيلەر جوندەلگەن.

«وتىن قورىنا كەلەر بولساق، بارلىق الەۋمەتتىك عيماراتتاردىڭ اۆتونومدى قازاندىقتارى كومىرمەن تولىقتاي قامتاماسىز ەتىلدى. وبلىس حالقىنىڭ كومىرگە دەگەن قاجەتتىلىگى 40 880 توننانى قۇرايدى. بۇگىندە وسى كولەمنىڭ ۇشتەن ٴبىرى ٴىس جۇزىندە جەتكىزىلدى»، - دەپ مالىمدەدى داستان امانوۆ.

سونداي-اق كوممۋنالدى كاسىپورىنداردىڭ باسشىلارى مەن اۋدان اكىمدەرى دە بەينەبايلانىس ارقىلى قىسقا دايىندىقتارى تۋرالى باياندادى.

بەردىبەك ساپاربايەۆ كومىر جەتكىزۋدى بارىنشا جىلدامداتىپ، قاتتى وتىننىڭ كەم دەگەندە ايلىق قورىن قامتاماسىز ەتۋدى تاپسىردى.

«15 قازانعا قاراي بارلىق عيماراتتار مەن قىزمەت كورسەتۋ ورىندارى جىلۋ بەرۋگە تولىقتاي دايىن بولۋلارى كەرەك. سونداي-اق، وسىندا وتىرعان مونوپوليست كومپانيالاردىڭ وكىلدەرىنە ايتارىم: ەلباسىنىڭ تاپسىرماسى بار – وزدەرىنىڭ ينۆەستيسيالىق مىندەتتەمەلەرىن تاريفكە قوساتىنداردان سۇرانىس قاتتى بولادى. ٴوز مىندەتتەرىڭىزگە الدىڭىزدار ما – تۇتىنۋشىلاردىڭ موينىنا ارتپاي، وزدەرىڭىز ورىنداڭىزدار»، - دەپ اتاپ ٴوتتى وبلىس اكىمى.

جالپى، وبلىستا جىلىتۋ ماۋسىمىنا دايىندىق جۇمىستارى قالىپتى جاعدايدا وتۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي