BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

اقمولادا ستۋدەنتتەرگە 11 جاتاقحانا سالىنادى

فوتو: ашық дереккөзден

ەلباسى نۇرسۇلتان نازاربايەۆتىڭ بەس الەۋمەتتىك باستاماسى بويىنشا اقمولا وبلىسىندا مەملەكەتتىك-جەكەمەنشىك ارىپتەستىك اياسىندا ستۋدەنتتەرگە 11 جاتاقحانا سالىنادى دەپ جوسپارلانىپ وتىر، دەپ حابارلايدى baq.kz ايماقتاعى ٴتiلشiسى.

مامانداردىڭ سوزىنشە، وبلىستا ستۋدەنتتەردى جاتاقحانامەن قامتۋ ماسەلەسى الداعى ەكى-ۇش جىلدىڭ ىشىندە تولىق شەشىلۋى ٴتيىس. سەبەبى وقۋ ورىندارى ەلباسى كوتەرگەن بەس باستامانىڭ اياسىندا مەملەكەتتىك-جەكەمەنشىك ارىپتەستىگى بويىنشا جاڭا جاتاقحانالار تۇرعىزباق. ٴقازىر سونىڭ جوباسى ازىرلەنىپ جاتىر.

«ٴقازىر ايماقتاعى ستۋدەنتتەردىڭ 80 پايىزى جاتاقحانامەن قامتىلعان. وبلىس بويىنشا 38 كوللەدجدە 24 جاتاقحانا بار. وندا 5 جارىم مىڭنان استام ستۋدەنت تۇرادى. جوعارى وقۋ ورىندارىنا جەتى جاتاقحانا قاجەت. ٴوڭىر باسشىسىنىڭ تاپسىرماسىمەن الداعى جىلدارى وبلىستا ستۋدەنتتەرگە 11 جاتاقحانا سالىنادى دەپ جوسپارلانعان»، - دەيدى وبلىستىق ىشكى ساياسات باسقارماسى باسشىسىنىڭ ورىنباسارى گۇلميرا كارىموۆا.

وڭىردە ستۋدەنتتەر كوپ شوعىرلانعان قالا – كوكشەتاۋ. مۇندا 4 جوعارى وقۋ ورنى مەن بىرنەشە ورتا ارناۋلى ٴبىلىم وشاقتارى بار. وبلىس ورتالىعىندا جاتاقحاناعا مۇقتاج ستۋدەنتتەردىڭ باسىم بولىگى – اۋىل جاستارى. ٴقازىر قالاداعى وقۋ ورىندارىندا باس-اياعى 7 جاتاقحانا عانا بار. بارلىق ستۋدەنتتى جاتاقحانامەن قامتۋ ٴۇشىن تاعى 8 عيمارات قاجەت.

ش.ٴۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ تاربيە ٴىسى جونىندەگى پرورەكتورى اماناي سەيىتقاسىموۆتىڭ ايتۋىنشا، وقۋ ورنىنداعى ٴۇش مىڭ ستۋدەنتتىڭ 1310-ى جاتاقحانادا تۇرادى.

«مەملەكەتتىك گرانتتى 54 مىڭعا قوسىمشا 20 مىڭ گرانت قوسۋ جاستارعا جاسالىپ وتىرعان زور مۇمكىندىك دەر ەدىك. ستۋدەنتتەرگە 75 مىڭ ورىندىق جاڭا جاتاقحانا سالۋدى جۇزەگە اسىرۋ، ٴاربىر ستۋدەنت جاستىڭ الاڭسىز جان-جاقتى ٴبىلىم الۋىنا جاعداي جاسايدى»، - دەيدى پرورەكتور.

اتالعان وقۋ ورنىنىڭ بەس بىردەي جاتاقحاناسى بولعانمەن، ٴالى 1 مىڭعا جۋىق ستۋدەنت پاتەر جالداپ ٴجۇر. سوندىقتان ولارعا جاڭا جاتاقحانالار كەرەك. ٴبىلىم جانە عىلىم مينيسترلىگىنە 500 ورىندىق 2 جاتاقحانا سالۋ بويىنشا ۇسىنىس جولدانعان.

«الداعى وقۋ جىلىندا مەديسينالىق فاكۋلتەتتىڭ اشىلۋىمەن جاتاقحاناعا مۇقتاج ستۋدەنتتەر 1 مىڭ ادامعا ارتۋى مۇمكىن. وقۋ ورنىنداعى 5700 ستۋدەنتتىڭ ٴ4500-ى اۋىلدان كەلگەن جاستار. سالىناتىن جاتاقحانالار زامان تالابىنا ساي، ستۋدەنتتەر ٴۇشىن بارىنشا قولايلى بولۋىنا باسا نازار اۋدارۋ قاجەت»، - دەيدى ا.سەيىتقاسىموۆ.

«نۇر وتان» پارتياسى اقمولا وبلىستىق فيليالى ٴتوراعاسىنىڭ ٴبىرىنشى ورىنباسارى عالىم بەكماعامبەتوۆتىڭ ايتۋىنشا، وقۋ ورىندارى ستۋدەنتتەردىڭ بارلىعىن جاتاقحانامەن قامتي المايدى. سول ٴۇشىن ٴار وقۋ ورنى ٴوزىنىڭ ىشكى ەرەجەسىنە قاراي ارەكەت ەتەدى.

«جاتاقحانامەن ٴبىرىنشى كەزەكتە الىس اۋىلدان كەلگەندەر، جەتىم بالالار، كوپبالالى وتباسىنان شىققان بالالار جانە مۇگەدەكتەر گرانتقا تۇسكەن ٴبىرىنشى كۋرس ستۋدەنتتەرىنە بەرىلەدى. ارينە، جەتسە بارىنە بەرىلەدى. جەتپەسە، ستۋدەنت باسپانا ماسەلەسىن ٴوزى شەشۋىنە تۋرا كەلەدى»،–دەيدى ع.بەكماعامبەتوۆ.

وبلىستىق ٴبىلىم باسقارماسىنىڭ مالىمەتىنشە، وبلىس ورتالىعىنداعى ج.مۋسين اتىنداعى جوعارى قازاق پەداگوگيكالىق كوللەدجى جاستارىنا ارنالعان 320 ورىندىق جاتاقحانا قۇرىلىسى قولعا الىنباقشى. جوعارى تەحنيكالىق كوللەدجى جالپى 600 ورىندى قامتيتىن 9 قاباتتى ەكى كورپۋستى جاتاقحانا سالۋدى جوسپارلاپتى. ال، ٴبىرجان سال اتىنداعى مۋزىكالىق جانە اقان سەرى اتىنداعى مادەنيەت كوللەدجدەرى 150 جانە 300 ورىندىق توعىز جانە بەس قاباتتى جاتاقحانالار تۇرعىزۋدى جوسپارلاۋدا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي