BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

اقمولادا 200-دەن اسا اسكەرگە شاقىرىلۋشى ىزدەۋدە ٴجۇر

كوكشەتاۋ، baq.kz ٴتىلشىسى. اقمولادا 200-دەن اسا اسكەرگە شاقىرىلۋشى ىزدەۋدە ٴجۇر. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگ بارىسىندا ايتىلدى.

اقمولا وبلىسىنىڭ قورعانىس ىستەرى دەپارتامەنتىنىڭ باستىعى رۋسلان قاسىموۆتىڭ ايتۋىنشا، بيىلعى جىلدىڭ قىركۇيەك ايىنان باستاپ ايماقتا 18 بەن 27 جاس ارالىعىنداعى جاستاردى كۇزگى اسكەرگە شاقىرتۋ ناۋقانى جۇرگىزىلۋدە.

22-24 قازان ارالىعىندا 200-دەن اسا بوزبالا اسكەرگە شاقىرتىلعان. جەرگىلىكتى اسكەري باسقارۋ ورگاندارىنىڭ ەسەبىندە 28 مىڭنان اسا ادام تىركەلگەن. ونىڭ 4 مىڭنان استامى اسكەري بورىشىن وتەۋى ٴتيىس.

«وكىنىشكە وراي، وتان الدىنداعى پارىزىن وتەۋدەن جالتاراتىندار دا بار. اسكەري كوميسسياعا كەلمەيتىندەر كوپ. بۇگىنگى كۇنى 233 ادام ىزدەۋدە ٴجۇر. ٴتۇرلى سەبەپتەرمەن وبلىس اۋماعىنان شىعىپ كەتىپ نەمەسە ٴبىر اۋداننان ەكىنشى اۋدانعا كوشكەندە ۆوەنكوماتقا ەسكەرتپەيتىندەر كوپ. مۇنداي تۇلعالاردىڭ ٴتىزىمى جەرگىلىكتى پوليسيا قىزمەتىنە جىبەرىلەدى»، – دەيدى رۋسلان قاسىموۆ.

ونىڭ ايتۋىنشا، باقىلاۋ كوميسسياسىنىڭ قۇرامىنداعى قورعانىس دەپارتامەنتى ماماندارىنان بولەك شاقىرىلعان مەملەكەتتىك قىزمەتكەرلەر وبلىستىق كوميسسيا جۇمىسىنىڭ ٴادىل ٴوتۋىن قاداعالايدى.

«وتان قورعاۋشىلار جوعارى ادامگەرشىلىك پرينسيپتەرگە باعىنۋى، ال قارۋلى كۇشتەر جەمقورلىقتان ادا بولۋى ٴتيىس. سوندىقتان دا كوميسسيا جۇمىسىنىڭ بارىنشا اشىق بولۋى ماڭىزدى. وسى ورايدا مەملەكەتتىك قىزمەت ىستەرى جونىندەگى دەپارتامەنتپەن تىعىز بايلانىس ورناتىلعان. ارنايى مونيتورينگتىك توپ مۇشەلەرى مەديسينالىق جانە اسكەري كوميسسيانىڭ قوعامدىق باقىلاۋشى رەتىندە قاتىسادى. بۇل جۇمىس وبلىس اۋداندارىندا دا قولعا الىنعان. قارۋلى كۇشتەردە قۇقىق بۇزۋشىلىق پەن قىلمىستىڭ الدىن الۋعا ارنالعان «اسكەردە قىلمىسقا جول جوق!»، «اسكەرگە شاقىرۋ – سىبايلاس جەمقورلىققا قارسى» اكسيالارى وتۋدە، – دەپ ٴتۇسىندىردى ر.قاسىموۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي