BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

اقمولادا 100-گە جۋىق جەتىم بالا اسىراپ الىندى

اقمولا، baq.kz ٴتىلشىسى. اقمولا وبلىسىندا «انا ٴۇيى» قوعامدىق قورى جانىنان قۇرىلعان "جانۇيا" بالا اسىراپ الۋعا قولداۋ كورسەتۋ ورتالىعى جەتىم بالالار سانىن ازايتۋعا سەپتىگىن تيگىزۋدە. سوڭعى ەكى جىل ىشىندە وبلىس اۋماعىندا 100-گە جۋىق جەتىم بالا اسىراپ الىندى.

2016 جىلدان بەرى جۇمىس ىستەپ كەلە جاتقان ورتالىقتىڭ باستى ماقساتى – بالا اسىراپ الۋعا نيەتتەنگەن اتا-انالارعا پسيحولوگيالىق جانە زاڭدى كومەك كورسەتۋ. وسىلايشا بالالار ۇيلەرىندەگى جەتىمدەردىڭ تولىق وتباسىندا تاربيەلەنۋىنە كۇش سالۋ.

«ەڭ باستىسى، تاستاندىلار ازايىپ، جەتىمدەر ٴۇيى دە قىسقاردى. بالا اسىراپ الۋشىلار قاتارى ارتىپ كەلەدى. سوڭعى ەكى جىلدا وبلىستا 100-دەن اسا بالا اسىراپ الىندى. وڭىردەگى ەسىل بالالار ٴۇيىنىڭ جابىلۋىنا ٴوز ۇلەسىمىزدى قوسا بىلدىك دەپ ويلايمىن»، – دەيدى ورتالىق مامانى دينارا داۋلەتكىزى.

ماماندار ەكىنىڭ ٴبىرى تاۋەكەل ەتە بەرمەيتىن يگى ىسكە جۇرەك قالاۋىمەن، جان جىلۋىمەن ون ويلانىپ، ٴجۇز تولعانىپ بارعان دۇرىس دەپ ەسەپتەيدى.

«كوپ اتا-انالار بالا پسيحولوگياسىن جاقسى بىلەم دەپ ويلايدى. ٴبىراق جەتىمدەر باسقا بالالاردان مۇلدەم بولەك. ولار دا اقىلدى، مەيىرىمدى، بالا سياقتى قيالدايدى. ٴبىراق جەتىمدەر ٴۇيى – قوعامنان وقشاۋ ورتا. مۇنداعى باللاردىڭ ومىرگە بەيىمدەلۋى قيىن. وتباسىنا جاڭا ادامدى قابىلداۋ وڭاي نارسە ەمەس. وعان دايىندىق كەرەك. وسى رەتتە ٴبىزدىڭ پسيحولوگتار اتا-اناعا دا، بالاعا دا كومەك كورسەتەدى»، – دەيدى ورتالىق پسيحولوگى سەرگەي كوماروۆ.

ورتالىقتا ەكى اي ىشىندە 14 ساباق وتكىزىلەدى. بالا اسىراپ الۋشىلارعا ارنايى كۋرستان ٴوتۋ مىندەتتەلگەن.

«ساباعىمىزعا دامىعان ەلدەر تاجىيبەسىن قولدانامىز. باعدارلاما اعىلشىن-گوللاندىق بولعانىمەن، ٴوز قالاۋىمىزعا وزگەرتتىك. توپتىق ساباقتاردىڭ تيىمدىلىگى مول. كەلۋشىلەر بىر-بىرلەرىمەن ارالاسىپ، ومىرگە دەگەن كوزقاراستارى وزگەرىپ جاتادى. ورتالىق سەنىمدىلىكتى نىعايتىپ، ٴوز مۇمكىندىگىڭدى باعالاۋعا مۇمكىندىك بەرەدى»، – دەيدى مامان دينارا داۋلەتقىزى.

مامانداردىڭ ايتۋىنشا، وبلىس اۋماعىندا بالا اسىراپ الۋعا نيەتتى جانداردىڭ قاتارى كوپ. تەك ولاردى الاڭداتاتىنى، قامقورلىعىنا العان بالانى دۇرىس قاراي الامىن با، بولماسا ول ٴبىزدىڭ وتباسىمىزعا ۇيرەنىپ كەتە مە دەگەن ماسەلەلەر ەكەن.

«پەرزەنت ٴسۇيۋ باقىتىنا قول جەتكىزگىسى كەلگەن جاندار ورتالىققا ۇمىتىنەن كۇدىگى باسىم بولىپ كەلەدى. كەيبىر ەرلى-زايىپتىلار بالالى بولعاننان كەيىن اسىراپ العان بالانى قايتارعىسى كەلەتىندەرىن ايتادى. وسىنداي كەلەڭسىزدىكتى بولدىرماس ٴۇشىن ٴار اتا-انامەن جەكە اڭگىمەلەسىپ، ولاردى جاۋاپتى قادامعا دايىندايمىز. ناتيجەسىندە ٴبىر قىز بەن ٴجاسوسپىرىم بالا وتباسىنا قايتا ورالدى. كوپ اتا-انالار بالا باۋىر باسىپ كەتكەنشە قينالادى»، – دەيدى پسيحولوگ سەرگەي كوماروۆ.

ماماندار كوپ ادامدار بالانى اسىراپ الۋدان باسقا قامقورعا الۋدىڭ بىرنەشە ٴتۇرى بارىن بىلمەيتىنىن ايتادى. مەملەكەت قولداۋ كورسەتەتىن قامقورشىلىققا الۋ، پاتروناتتىق جانە كاسىبي پاتروناتتىق وتباسى بولۋ سياقتى تۇرلەرى بار. كاسىبي پاتروناتتىق وتباسىلار 10 بالاعا دەيىن قابىلداي الادى.

ورتالىق جۇمىسى مۇمكىندىگى شەكتەۋلى جەتىم بالالارعا دا كومەك كورسەتۋدى كوزدەيدى. مامانداردىڭ ايتۋىنشا، بالا اسىراپ الۋشىلار دەرتى جوق بالعىنداردى ىزدەيدى. «جۇلدىزاي» قايىرىمدىلىق قورىنىڭ قولداۋىمەن ناۋقاس بالالاردى ەمدەۋ دە جوسپارلانۋدا.

–جەتىم وسكەن بالانىڭ باسقا وتباسىعا بەيىمدەلۋى دە قيىن. تاجىريبەدە اسىراپ العان بالالاردى قايتىپ بەرگەن جاعدايلار دا كەزدەسەدى. جوبانىڭ باستى ماقساتى – وسىنداي جاعدايلاردى بولدىرماۋ، الەۋمەتتىك جەتىمدىكتىڭ الدىن الۋ. ەل ىشىندە جۇرەگى مەيىرىمگە تولى جاقسى ادامدار كوپ. قازىرگى ۋاقىتتا بۇلاندى اۋدانىندا 40 بالا، بۋرابايدا 13 بالا، ەسىلدە 5 بالا تولىق وتباسىندا تاربيەلەنۋدە. زەرەندىلىك كاسىپكەر 4 بالانى اسىراپ الدى. وسىنداي جاندار مەن جان جىلۋى بار جەردە ەشبىر بالا جەتىمدىك كورمەسە ەكەن»،–دەيدى ورتالىق ماماندارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي