BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

اققۋدىڭ ماحابباتى

قاراعاندى، baq.kz ٴتىلشىسى. ومىرىندە تەك ٴبىر رەت قانا جۇپتاسىپ، ٴومىر بويىنا سەرىگىنە ادال بولاتىن اققۋلاردىڭ ٴبىرى كوز جۇمسا ەكىنشىسىنىڭ دە كوپ ٴومىر سۇرمەيدى. قاراعاندىداعى اققۋلاردىڭ عاشىقتىق وقيعاسى دا وسىلاي اياقتالدى.

قىركۇيەك ايىنىڭ باسىندا قاراعاندىدا ەلدىڭ جۇرەگىن ەلجىرەتكەن ەرەكشە وقيعا ورىن الدى. ولگەن سىڭارىنىڭ جانسىز دەنەسىن تاستاپ كەتپەي، جانىندا بىرنەشە كۇن جاتقان اققۋدىڭ سەرىگىنە ادالدىعى قاراعاندىلىقتاردى اسەرگە بولەگەن بولاتىن.

قاراعاندى تۇرعىنى ۆالەريا اباي قالاسى مەن ۆولنىي ەلدى مەكەنىنىڭ اراسىنداعى دالادا ساڭىراۋقۇلاق تەرە ٴجۇرىپ، ەكى اققۋدىڭ ۇستىنەن تۇسەدى. ونىڭ بىرەۋى ٴولى بولسا، ەكىنشى اققۋ سىڭارىن تاستاماي، جانىندا جاتقان. دەرەۋ قۇزىرلى ورگاندارعا حابارلاسقان ۆالەرياعا وبلىستىق ورمان شارۋاشىلىعى جانە جانۋارلار الەمى ينسپەكسياسىنىڭ ماماندارى مەن قاراعاندى زووباعىنىڭ ۆەتەرينارلىق توبى كومەككە كەلگەن. ولار ٴتىرى اققۋدى ۇستاپ، زوولوگ ماماندارعا تابىستاعان.

«زووباققا اكەلىنگەندە قۇستىڭ جاعدايى قاناعاتتانارلىق ەمەس، ول وتە السىرەگەن بولدى. اققۋ تاماق ىشپەدى، جەمگە كەلمەيتىن، ەكى اياعىنا تۇرعان جوق. ۆەتەرينارلىق دارىگەر قۇستى ەمدەدى، انتيبيوتيكتەر سالدى، دارۋمەندەر بەردى. الايدا بۇدان دا كومەك بولمادى، قۇس ٴولىپ قالدى»، - دەيدى قاراعاندى زووباعىنىڭ ورنيتولوگيا ٴبولىمىنىڭ مەڭگەرۋشىسى زاۋرەش شەرىمبايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي