BAQ.kz - Қазақстан жаңалықтары USD 345.55 BAQ.kz - Қазақстан жаңалықтары EUR 401.01 BAQ.kz - Қазақстан жаңалықтары RUB 5.45
استانا:

89 جاستاعى اقساقال ۇلى وتان سوعىسىندا قازا تاپقان اعاسىنىڭ جەرلەنگەن جەرىن تاۋىپ الدى

اتىراۋ قالاسىنىڭ تۋماسى، 89 جاستاعى زەينوللا بوزتايەۆ ۇلى وتان سوعىسىندا ەرلىكپەن قازا تاپقان اعاسىنىڭ جاتقان جەرىن تاپتى. 74 جىلدان كەيىنگى «كەزدەسۋ» كيەۆتە بولدى، دەپ حابارلايدى baq.kz ايماقتاعى ٴتىلشىسى.

بايدوللا ۋسوۆ سوعىسقا 1942 جىلى اتتانىپ، ودەسسە قالاسىنىڭ تۇبىندە قايتىس بولعان. ەلدى ەرلىكپەن قورعاعان ازاماتتىڭ سۇيەگىن جۋىردا پاۆلوداردا وتكەن حالىقارالىق ىزدەستىرۋ جاساقتارىنىڭ وكىلدەرى تاپتى.

«بايدوللا شاڭىراعىمىزدىڭ كەنجەسى بولاتىن. اعام 18 جاسىندا مايدانعا سۇرانىپ، اسكەر قاتارىنا قابىلداندى. كەيىن بايلانىسىمىز ٴۇزىلىپ، 74 جىل بويى بىردە-بىر حابار كەلمەدى. ارمانىم بيىل عانا ورىندالدى. جەرگىلىكتى ىزدەستىرۋشىلەرمەن تىعىز بايلانىس ورناتقان ۋكراينالىق ازاماتتارعا ايتار العىسىم زور»، - دەيدى زەينوللا بوزتايەۆ.

بايدوللا ۋسوۆ ٴتورت ايلىق اسكەري-جاياۋ ۋچيليششەسىن ٴتامامداعانى بەلگىلى. اقساقالعا كومەك قولىن سوزعانداردىڭ قاتارىندا ماسكەۋدەگى قازاق قوعامىنىڭ وكىلى، ىزدەستىرۋشى اسىلبەك تولەشەۆ بار. جاۋىنگەردىڭ اسكەري قىزمەتى تۋرالى مالىمەتتەردىڭ بارلىعى ورىنبوردا ساقتاۋلى بولىپ، كەيىن مۇراعاتقا تاپسىرىلعان. ماعلۇماتتاردىڭ جوعالىپ كەتۋىنە وسى جايت سەبەپ. 1942 جىلى اعا سەرجانت شەنىندە بولعان بايدوللانىڭ كۋرسك شايقاسىنا اتتانعانى جانە جاراقات العانى تۋرالى حابار كەلگەن. سول كەزدەن باستاپ بايلانىس ۇزىلگەن.

ۋكرانينانىڭ حاركوۆ قالاسىنداعى قازاقستاندىق جەرلەستەر قوعامىنىڭ ٴتورايىمى ماككا قاراجانوۆانىڭ ايتۋىنشا، ىزدەستىرۋ جۇمىستارى اسكەري ورگاندار مەن مۇراعاتتاردا جۇرگىزىلگەن.

«ٴۇش اپتا بۇرىن جەرگىلىكتى گازەتتە ۋكراينادا قازا بولعان جاۋىنگەرلەردىڭ ٴتىزىمى جاريالاندى. زەينوللا اتا اعاسىنىڭ ٴاتى-جونىن وسى باسىلىمنان وقىعان. بايدوللا ۋسوۆ 1944 جىلدىڭ ەكىنشى ماۋسىمىندا گيسپيتالدا كوز جۇمعان. ودەسسا وبلىسىنداعى گروسۋلوۆ اۋدانىنىڭ بوگوسلوۆكا اۋىلىنداعى زيراتتا جەرلەنگەن. مولانىڭ ٴنومىرى دە بار. ىزدەۋ بارىسىندا قازاق سولداتى «ەرلىگى ٴۇشىن»، «جاۋىنگەرلىك ەرلىگى ٴۇشىن» مەدالدارىمەن ماراپاتتالعانىن بىلدىك»، - دەيدى ىزدەستىرۋشى ماككا قاراجانوۆا.

ەسكە سالا كەتسەك، ناۋرىز ايىندا پاۆلوداردا وتكەن «ىزدەۋ» حالىقارالىق فورۋم ناتيجەسىندە رەسەي، ەستونيا، بەلورۋس، ۋكراينا جانە قازاقستاننىڭ ىزدەستىرۋ جاساقتارى ورتاق رەزوليۋسيانى قابىلدادى. قۇجات نەگىزىندە حالىقارالىق ۇيىمدار بىرلەسىپ ەڭبەك ەتەدى. فورۋم اياسىندا بەس ەل وكىلدەرى حالىقارالىق ىزدەستىرۋ قوعامدىق ۇيىمىن قۇرۋعا ۋاعدالاستى. الداعى ۋاقىتتا تمد ەلدەرىندەگى وتريادتاردىڭ اراسى جاقىنداپ، ىنتىماقتاستىق كوكجيەگى كەڭەيمەك. بۇل مىسال – اتقارىلاتىن جۇمىستاردىڭ ٴبىر پاراسى عانا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي