BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

40 مىڭنان استام اقتوبەلىك «حالىق قاۋىپسىزدىگىن قامتاماسىز ەتۋ» جوباسىمەن قامتىلعان

استانا، baq.kz. اقتوبە وبلىسىندا حالىقتىڭ وزەكتى ماسەلەلەرىن شەشۋ جانە ەكسترەميزم مەن تەرروريزمگە قارسى تۇرۋ ماقساتىندا «حالىق قاۋىپسىزدىگىن قامتاماسىز ەتۋ» جوباسى جۇزەگە اسىرىلۋدا. اتالمىش جوبا سوڭعى ٴۇش جىلدا 7 رەت وتكىزىلەدى. بۇل تۋرالى اقتوبە وبلىسىنىڭ وڭىرلىك كوممۋنيكاسيالار قىزمەتى حابارلايدى.

بۇدان بۇرىن دا وڭىردە حالىقپەن جۇمىس ىستەۋدىڭ نەگىزگى ەكپىنى رەتىندە وزەكتى الەۋمەتتىك ماسەلەلەردى شەشۋگە، ٴدىني ەكسترەميزمنىڭ الدىن الۋعا، مەملەكەتتىك جانە سالالىق باعدارلامالاردى جۇزەگە اسىرۋ ماسەلەلەرىن تۇسىندىرۋگە جانە بيزنەس ورتانى دامىتۋعا باسا نازار اۋدارىلعان.

جوبا اياسىندا 10 كۇن ىشىندە اقتوبە قالاسى مەن مۇعالجار جانە تەمىر اۋداندارىندا 42 مىڭ ادامدى قامتىعان 996 ٴىس-شارا وتكىزىلدى. كەڭەس بەرۋ جانە پراكتيكالىق كومەكتى 5 مىڭنان استام ادام السا، 36 ادام جۇمىسقا ورنالاستىرىلدى، سونىمەن قاتار، 89 ەڭبەك شارتى جاسالدى. سونداي – اق، 35 ازاماتقا ماتەريالدىق كومەك كورسەتىلدى. از قامتىلعان وتباسىلارعا جاڭا فورماتتاعى الەۋمەتتىك كومەك تاعايىندالدى.

4000 اۋىل تۇرعىندارى وبلىستىڭ ۇزدىك دارىگەرلەرىنەن مەديسينالىق تەكسەرۋدەن ٴوتتى، 21 كۇردەلى حيرۋرگيالىق وپەراسيا جاسالدى، سونىمەن قاتار، 218 وتباسىعا مەديسينالىق ەگۋدەن باس تارتۋ سالدارى ٴتۇسىندىرىلدى. جۇمىس توپتارىنىڭ ساراپشىلارى اۋىلدا بيزنەس ورتانى دامىتۋ بويىنشا شارالار قابىلداۋدا. جوبا جۇزەگە اسىرىلعاننان بەرى 236 ادام وقىتۋ سەمينارلارى مەن ترەنينگتەردەن جانە شەبەرلىك - كلاسستاردان ٴوتتى. كاسىپكەرلەرگە اينالىم قاراجاتىن تولىقتىرۋعا جانە نەگىزگى قۇرالداردى ساتىپ الۋعا پايىزدىق سۋبسيديالاۋ بويىنشا كومەك كورسەتىلدى، سونداي-اق شارۋا قوجالىقتارىنا دا اۋىل شارۋاشىلىعى تەحنيكاسىن ساتىپ الۋعا ينۆەستيسيالىق سۋبسيديا تۇرىندە قارجىلىق قولداۋ كورسەتىلىپ وتىر.

2500-دەن استام تۇرعىن مەملەكەت باسشىسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ" جولداۋىنىڭ، «پرەزيدەنتتىڭ 5 الەۋمەتتىك باستاماسى»، «رۋحاني جاڭعىرۋ» باعدارلامالىق قۇجاتتارىن ٴتۇسىندىرۋ بويىنشا كەزدەسۋلەرگە قاتىستى.

كەزدەسۋ بارىسىندا ەكسپرەسس-ساۋالنامالار ارقىلى حالىقتىڭ وزەكتى ماسەلەلەرى انىقتالدى. وبلىستىڭ 23 تۇرعىنى وبلىستىق جانە اۋداندىق گازەتتەرگە تەگىن جازىلۋ سەرتيفيكاتىنا يە بولدى.

تەولوگتار مەن يمامدار اۋىل تۇرعىندارىمەن جەكە جانە توپتىق كەزدەسۋلەر وتكىزەدى. سونداي-اق، 5 مىڭنان استام ادامنىڭ قاتىسۋىمەن تەرروريزمگە قارسى تۇرۋ بويىنشا وقۋ-تاجىريبەلىك ساباقتار وتكىزىلەدى.«حالىق قاۋىپسىزدىگىن قامتاماسىز ەتۋ» جوباسى اياسىنداعى جۇمىس 17 – قاراشاعا دەيىن جالعاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي