BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

اكىمدەردىڭ كابينەتى 15 شارشى مەتردەن اسپاۋ كەرەك

فوتو: Azh.kz

پاۆلودار. baq.kz ٴتىلشىسى. مەملەكەتتىك قىزمەت ىستەرى، سىبايلاس جەمقورلىققا قارسى ٴىس-قيمىل اگەنتتىگى پاۆلودار وبلىسى بويىنشا دەپارتامەنتىنىڭ ماماندارى ٴۇش اۋىلدىق وكرۋگ اكىمىنىڭ كابينەتتەرىنىڭ اۋماعى بەكىتىلگەن نورمالاردان اسىپ تۇسكەنىن انىقتادى. ناتيجەسىندە ٴۇش اكىم باسقا جۇمىس ورنىنا كوشىرىلدى.

ۆەدومستۆونىڭ ٴباسپاسوز حاتشىسى اينۇر ٴسادۋاقاسوۆانىڭ حابارلاۋىنشا، بۇل فاكتىلەر اققۋلى اۋدانىندا «ادال جول – چەستنىي پۋت» سىبايلاس جەمقورلىققا قارسى مارافون بارىسىندا انىقتالدى.

«اۋداندىق مەملەكەتتىك اپپارات قىزمەتىمەن تانىسۋ بارىسىندا ٴۇش اۋىلدىق وكرۋگ اكىمى كابينەتتەرىنىڭ اۋماعى قر قارجى ٴمينيسترىنىڭ بۇيرىعىمەن بەكىتىلگەن نورمالاردان اسىپ تۇسكەنى انىقتالدى. مىسالى، جامبىل اۋىلدىق وكرۋگىنىڭ اكىمى - 70،7 شارشى مەتر، يامىشەۆ اۋىلدىق وكرۋگىنىڭ اكىمى – 62،4 شارشى مەتردى الىپ جاتىر. ال نورما بويىنشا 15 شارشى مەتر بولۋى ٴتيىس. ناتيجەسىندە اققۋلى اۋدانىنىڭ باسشىلىعىنا اكىمدەر وتىرعان كابينەتتەردى قايتا قاراستىرۋ ۇسىنىلىپ، 120 شارشى مەتر الاڭ بوساتىلدى»، - دەيدى اينۇر ٴسادۋاقاسوۆا.

ايتا كەتەيىك، «ادال جول – چەستنىي پۋت» مارافونى ۇستىمىزدەگى جىلدىڭ ناۋرىزىنان باستالدى. اققۋلى – تەكسەرىس جۇرگىزىلگەن سوڭعى اۋدان. ونىڭ تولىق قورىتىندىلارى سىبايلاس جەمقورلىققا قارسى حالىقارالىق كۇرەس كۇنى قارساڭىندا شىعارىلماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي