BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

تۇلكىباستىڭ باعباندارى 5 مىڭ توننا اپورت جينادى

تۇلكىباستىق شارۋالار «اپورت» الماسىن ٴوسىرىپ، بيىلعى الما جيناۋ ماۋسىمىندا ازىرگە، 5 مىڭ توننا جەمىس جينادى، دەپ حابارلايدى baq.kz اقپارات اگەنتتىگى.

بۇگىندە جەمىس ٴتۇرىن كۇتىپ، باپتاۋدى اۋداندا 32 شارۋاشىلىق قولعا العان. جىل سوڭىنا دەيىن 6 مىڭ توننا «اپورت» تەرۋگە قۇلشىنىپ وتىرعان تۇلكىباستىق باعباندار مەجەنى بىلتىرعىدان 2 مىڭ تونناعا ارتىق الۋدى بولجاپ وتىر. ٴدامى ٴتىل ۇيىرەر المالار بۇگىندە ەلىمىزدىڭ الماتى، استانا، قاراعاندى قالالارى مەن وزگە دە وبلىستارعا، قالالارعا جونەلتىلۋدە. «اپورتتىڭ» الما باۋلارىنان بوساتىلۋ باعاسى كەلىسىنە 250 تەڭگەنىڭ كولەمىندە.

جالپى، اۋدان اۋماعىندا قازىرگى تاڭدا 75 اۋىل شارۋاشىلىعى تاۋارىن ٴوندىرۋشى اگروقۇرىلىم الما باۋىن وسىرۋمەن اينالىسادى. ولاردىڭ دەنى، ٴبىز ايتىپ وتىرعان «اپورت» الماسىنان بولەك، المانىڭ «گولدەن دەليشەس - زولوتوي پرەۆوسحود» جانە «ايدەرەت» اتتى سۇرىپتارىن وسىرەدى. بۇگىنگە دەيىن «گولدەن دەليشەس - زولوتوي پرەۆوسحود» الماسىنان 4،6 مىڭ توننا تەرىلسە، «ايدەرەتتەن» 5،4 مىڭ توننا جينالىپ وتىر.

2017 جىلى اتالعان الما تۇرلەرىنىڭ جالپى كولەمى 23 مىڭ توننانى قۇراسا، بيىلعى ٴتۇسىم مۇنان دا كوپ بولماق. باۋ-باقشا باپتاۋشىلار بيىل 5 مىڭ تونناعا ارتىق الما جيناپ، 28 مىڭ توننادان استام جەمىس تەرەمىز دەپ وتىر. سەبەبى، بيىلعى اۋا-رايى جەمىس-جيدەككە قولايلى دەيدى.

ايتا كەتەيىك، تۇلكىباس اۋداننىڭدا 3 مىڭ گەكتاردان استام الما باۋ القابى بولسا، سونىڭ 2200 گەكتارى 2007 جىلدان بەرى وتىرعىزىلىپ كەلە جاتقان جاس باۋلار. سونىمەن قاتار، اۋداندا از جەردەن مول ٴونىمدى الۋعا (1 گا جەردە 2000 دانا كوشەتتەن اسا بۋدانداستىرىلعان الما اعاشتارى) ماقساتتالعان قارقىندى باۋ شارۋاشىلىقتارى دامۋدا. قازىرگى تاڭدا اۋدان اۋماعىندا قارقىندى الما باۋ كولەمى 310 گا جەتتى.

اۋدان بويىنشا بارلىق سيىمدىلىعى 12500 توننانى قۇرايتىڭ 7 كوكونىس، جەمىس-جيدەك ساقتايتىڭ قويمالار جۇمىس جاسايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي