BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

جۋرناليستەر اراسىنداعى كونكۋرسقا ماتەريال قابىلداۋ جالعاسۋدا

استانا، baq.kz. الماتى قالاسى پروكۋراتۋراسىنىڭ باستاماسىمەن ۇلتتىق جۋرناليستىك زەرتتەۋ ورتالىعى جاريالاعان جۋرناليستەر اراسىنداعى بايقاۋعا قۇجات قابىلداۋدىڭ اياقتالۋىنا ساناۋلى كۇندەر قالدى. بۇل تۋرالى ۆەدومستۆونىڭ ٴباسپاسوز قىزمەتى حابارلادى.

ۇلتتىق جۋرناليستىك زەرتتەۋ ورتالىعى الماتى قالاسى پروكۋراتۋراسىنىڭ باستاماسىمەن ٴدىن سالاسىنداعى وزەكتى ماسەلەلەرگە بايلانىستى بىرنەشە نوميناسيالار بويىنشا جۋرناليستەر اراسىندا ۇزدىك ماتەريالدارعا بايقاۋ جاريالايدى.

بايقاۋ مەرزىمى 2018 جىلدىڭ 25 قازانى مەن 25 قاراشاسى ارالىعىن قامتيدى. بايقاۋعا 2018 جىلدىڭ 1 قاڭتارىنان باستاپ، 25 قاراشاسىنا دەيىنگى بۇقارالىق اقپارات قۇرالدارىندا جارىق كورگەن ماتەريالدار قاتىسا الادى. جەڭىمپازداردى ماراپاتتاۋ 27 قاراشا كۇنى الماتى قالاسىندا وتەدى.

بايقاۋ جۇلدەسىنىڭ جالپى قورى – 1 000 000 تەڭگە.

بايقاۋدىڭ ماقساتى:

- قازاقستان رەسپۋبليكاسى جۇرتشىلىعىنىڭ نازارىن ٴدىن سالاسىنداعى مەملەكەتتىك ساياساتتىڭ وزەكتى ماسەلەلەرىنە اۋدارۋ.

- بۇقارالىق اقپارات قۇرالدارى، ياعني جۋرناليستەر ارقىلى تۇرعىنداردى مەملەكەتتىك ساياساتتىڭ ٴدىن سالاسىنداعى ٴار ٴتۇرلى باعىتتارى، قوعامداعى كونفەسسياارالىق كەلىسىمنىڭ نىعايتىلۋى جانە ساقتالۋىنا باعىتتالعان ماڭىزدى ٴىس-شارالار جونىندە حاباردار ەتۋ.

- ٴدىن سالاسىنداعى وزەكتى ماسەلەلەر بويىنشا ماتەريالداردى جاريالايتىن باق پەن جۋرناليستەردى قولداۋ.

بايقاۋ نوميناسيالارى:

ٴدىني ەكسترەميزمنىڭ الدىن الۋعا بايلانىستى بايقاۋ كەلەسى نوميناسيالار بويىنشا جۇرگىزىلەدى:

- ەڭ ۇزدىك الەۋمەتتىك روليك

- ەڭ ۇزدىك تەلەۆيزيالىق باعدارلاما;

- ەڭ ۇزدىك راديوباعدارلاما;

- ينتەرنەت رەسۋرستاعى قازاق تىلىندەگى ەڭ ۇزدىك ماقالا;

- ينتەرنەت رەسۋرستاعى ورىس تىلىندەگى ەڭ ۇزدىك ماقالا;

- مەرزىمدى باسىلىمدارداعى قازاق تىلىندەگى ەڭ ۇزدىك ماقالا;

- مەرزىمدى باسىلىمدارداعى ورىس تىلىندەگى ەڭ ۇزدىك ماقالا;

- الەۋمەتتىك جەلىلەردەگى ەڭ بەلسەندى قولجەتىمدى توپ;

- ەڭ بەلسەندى بلوگەر.

جەڭىمپازدار بارلىق نوميناسيالار بويىنشا باعالى سىيلىقتارمەن، سونىمەن قاتار 5 (بەس) ىنتالاندىرۋ سىيلىعىمەن ماراپاتتالادى.

بايقاۋ شارتتارى:

الماتى قالاسىندا تىركەلگەن نەمەسە الماتى قالاسىندا تىلشىلەر قوسىنى بار باق-تاعى كەز كەلگەن جۋرناليست، سونداي-اق عالىم، كوسەمسوزگەر، قالامگەر قاتىسا الادى. باق باسشىلىعىنىڭ رۇقساتى تالاپ ەتىلمەيدى. بايقاۋ ەكى تىلدە وتەدى.

بايقاۋعا 2018 جىلدىڭ 1 قاڭتارىنان باستاپ 25 قاراشا ارالىعىندا جاريالانعان ماتەريالدار قابىلدانادى.

باستى قويىلاتىن تالاپ – قازاقستاننىڭ زايىرلى مەملەكەتتىك قۇرىلىمىن قاراپايىم ٴارى ۇعىنىقتى تىلمەن ٴتۇسىندىرۋ، مەملەكەتتىك ساياساتتىڭ زاڭنامالىق تالاپتارىن ۇعىندىرۋ، ٴدىن اتىن جامىلعان ەكسترەميستىك اعىمداردى اشكەرەلەۋ، ٴداستۇر مەن ٴدىننىڭ ٴوزارا بايلانىسىن جەتكىزۋ، ٴدىني ەكسترەميزمنىڭ الدىن الۋ، تەرىس ٴدىني توپتاردىڭ يدەولوگياسى مەن ولاردىڭ زياندىعىن اشىپ كورسەتۋ.

قاندايدا ٴبىر ٴدىني ۇستانىمدى نەمەسە ٴدىندى ناسيحاتتاۋعا باعىتتالعان ماتەريالدار قابىلدانبايدى.

بايقاۋعا قاتىسۋشىلار ۇيىمداستىرۋ كوميتەتىنىڭ uzhzo2005@mail.ru ەلەكتروندى پوشتاسىنا (بايلانىس تەلەفونى: 87775654078) مىناداي ماتەريالداردى جىبەرۋى ٴتيىس:

1). اۆتور تۋرالى ماعلۇمات /تۋعان جەرى، كۇنى، ايى، جىلى، تەلەفون/;

2). بايقاۋ ماتەريالى جاريالانعان باق-تىڭ pdf-نۇسقاسى نەمەسە سكرينشوتى، پورتال-سايتتاعى ماتەريالدىڭ سكرينشوتى نەمەسە ەلەكتروندى سىلتەمەسى (بار بولعان جاعدايدا)، تەلە-راديو باعدارلامالاردىڭ mp4-نۇسقاسى نەمەسە ەلەكتروندى سىلتەمەسى (بار بولعان جاعدايدا);

3). اۆتور ٴار نوميناسياعا 1 نەمەسە 2 ماتەريال ۇسىنا الادى;

4). ٴبىر اۆتور بىرنەشە نوميناسياعا قاتىسا الادى;

5). بارلىق ماتەريالدا بايقاۋدىڭ قانداي نوميناسياسىنا ۇسىنىلاتىنى تۋرالى اقپارات بولۋى مىندەتتى. نوميناسياسى كورسەتىلمەگەن ماتەريال بايقاۋعا جىبەرىلمەيدى.

بايقاۋعا ۇسىنىلعان ماتەريالدار قايتارىلمايدى.

بايقاۋ كەزەڭدەرى:

1. بايقاۋعا قاتىسۋشىلاردان ماتەريالداردى قابىلداۋ (قوسىمشا ەسەپتەگەندە 25 قاراشا كۇنى، تۇنگى ساعات 24:00-گە دەيىن);

2. ماتەريالداردى ساراپتاۋ جانە جەڭىمپازداردى انىقتاۋ (26-قاراشا);

3. بايقاۋ جەڭىمپازدارىن سالتاناتتى ماراپاتتاۋ (27-قاراشا).

بايقاۋ جەڭىمپازدارىن ماراپاتتاۋ:

بايقاۋدى ۇيىمداستىرۋ كوميتەتى جۇرگىزىپ، جەڭىمپازداردى 5 نەمەسە 7 ادامنان تۇراتىن قازىلار القاسى تاڭدايدى. بايقاۋ جەڭىمپازدارى ارنايى نوميناسيالار بويىنشا تاعايىندالعان اقشالاي جۇلدەلەرمەن جانە ارنايى ديپلومدارمەن ماراپاتتالادى.

ۇيىمداستىرۋ كوميتەتى:

87775654078


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي