BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

«جۋرناليست بولعىم كەلەدى» بايقاۋىنىڭ جەڭىمپازدارى گرانتقا يە بولدى

قازاق تەلەۆيزياسىنىڭ 60 جىلدىعىنا وراي ۇيىمداستىرىلعان «جۋرناليست بولعىم كەلەدى» ەسسە بايقاۋىنىڭ جەڭىمپازدارىن ماراپاتتاۋ ٴراسىمى ٴوتتى، دەپ حابارلايدى baq.kz اقپارات اگەنتتىگى.

بايقاۋدى «الماتى» تەلەارناسى مەن سدۋ-دىڭ ۇيىمداستىردى.

ٴبىرىنشى ورىندى استانالىق ارۋجان لەسقالي جەڭىپ الدى. ەكىنشى ورىن الماتىلىق نيكيتا شامسۋتدينوۆقا بۇيىردى. ال ٴۇشىنشى ورىن الماتىلىق ۇلدانا اميروۆاعا بەرىلدى.

بايقاۋ جەڭىمپازىنا سدۋ-دىڭ جۋرناليستيكا فاكۋلتەتىندە تەگىن ٴبىلىم الۋ گرانتى بەرىلدى. ال، ٴبىرىنشى جانە ەكىنشى ورىن يەلەرىنە باعالى سىيلىقتار تارتۋ ەتىلدى. سونداي-اق، ىرىكتەۋ كەزەنىنە وتكەن بارلىق قاتىسۋشىلارعا ىنتالاندىرۋ سىيلىقتارى تابىستالدى.

«ۇسىنىلعان ماتەريالداردىڭ مازمۇنى مەن قۇرىلىمىنا قاراپ، تالاپكەرلەر اراسىنداعى جۋرناليست ماماندىعىنا دەگەن قىزىعۋشىلىقتىڭ وتە جوعارى دەڭگەيدە ەكەنىن اڭعارۋعا بولادى. بارلىق قاتىسۋشىنىڭ وزىق ويلى جانە دارىندى، مۇددەلەرى ورتاق ەكەندىگىن ايىرىقشا اتاپ وتكىم كەلەدى. كوبى ٴاۋ-باستان ادىلدىككە، گۋمانيستىك قۇندىلىققا جانە قوعامدىق وي قالىپتاستىرۋعا ىنتىق ەكەندىگى كورىنىپ تۇر. ٴبىزدى تۇلەكتەردىڭ وسىنداي قاسيەتتەرى قۋانتتى. بۇل كونكۋرس - سۋلەيمان دەميرەل ۋنيۆەرسيتەتى مەن «الماتى» تەلەارناسىنىڭ دۋالدى ٴبىلىم بەرۋ جۇيەسىن دامىتۋداعى العاشقى قادامى بولىپ تابىلادى. قازىرگى قوعام ماسس-مەديا سالاسىندا باسەكەگە قابىلەتتى ماماندارعا اسا ٴزارۋ. ٴبىز ٴارى قاراي دا وسى ماماندىقتىڭ مارتەبەسىن كوتەرەتىن جوبالاردى جۇزەگە اسىرۋ ماقساتىندا جۇمىس ىستەۋگە دايارمىز. سونىمەن قاتار، الداعى ۋاقىتتا مەديا-ماماندىقتى يگەرەتىن ستۋدەنتتەردىڭ ارتۋى مەن جۋرناليستيكا سالاسىنا دارىندى جاستاردىڭ كەلۋىنە ىقپال ەتەمىز. مەنىڭشە، ٴبىز وسى سايىس ارقىلى وسكەلەڭ ۇرپاققا دۇرىس باعدار كورسەتە الدىق دەپ ويلايمىز. ولارعا شىعارماشىلىق تابىس پەن جەڭىس تىلەيمىز!» - دەدى «الماتى» تەلەارناسىنىڭ باس ديرەكتورى الىبەك الدەنەي.

«ۇسىنىلعان جۇمىستاردىڭ وتە جوعارى دەڭگەيدە بولعانىن بايقادىق. ٴبىز جۋرناليستەرگە قولداۋ كورسەتۋدى ماقسات تۇتتىق، بايقاۋ بارىسىندا ٴبىزدىڭ باعىتىمىزدىڭ دۇرىس ەكەنىنە كوزىمىز جەتتى. ويتكەنى، بايقاۋعا وتە كرەاتيۆتى جاستاردىڭ ەسسەلەرى ۇسىنىلعان. قازىرگى تاڭدا ٴبىز جاس تالاپكەرگە ٴوز ٴومىرىن وزگەرتۋگە مۇمكىندىك بەرەمىز. ياعني جەڭىمپاز سدۋ-دا تەگىن ٴبىلىم الۋ گرانتىنا قول جەتكىزەدى. ٴبىز بولاشاقتا بايقاۋ قاتىسۋشىلارىمەن مىندەتتى تۇردە كەزدەسەتىن بولامىز. ويتكەنى ٴوز ماقساتىن ورىنداۋ جولىندا تاباندى ەڭبەك ەتكەن ادام جەڭىسكە جەتپەي قومايدى. بۇل كونكۋرس - سۇلەيمان دەميرەل ۋنيۆەرسيتەتى مەن «الماتى» تەلەارناسىنىڭ دۋالدى ٴبىلىم بەرۋ جۇيەسىن دامىتۋداعى العاشقى قادامى بولىپ تابىلادى»، - دەدى سۋلەيمان دەميرەل ۋنيۆەرسيتەتىنىڭ رەكتورى قوجاحمەت قانات تەمىرعالى ۇلى.

«جۋرناليست بولعىم كەلەدى» اتتى رەسپۋبليكالىق ەسسە بايقاۋى ٴبىر ايدان استام ۋاقىت بويى جۇرگىزىلدى. اتالعان كونكۋرسقا 2018 جىلى مەكتەپ ٴبىتىرۋشى قازاقستاندىق تۇلەكتەر قاتىستى. ەسسە ٴۇش تىلدە قابىلداندى - قازاق، ورىس، اعىلشىن تىلىندە. سونداي-اق، قاتىسۋشىلارعا ٴوز ويلارىن قارا سوزبەن جانە ولەڭ جولدارىمەن جەتكىزۋگە مۇمكىندىك بەرىلدى. قازىلار القاسى تۋىندىلاردىڭ لوگيكالىق-تانىمدىق مازمۇنى، ادەبي-كوركەمدىگى مەن گرامماتيكالىق ساۋاتتىلىعىنا باعا بەردى. جالپى، بايقاۋعا قازاقستان بويىنشا ۇزىن-ىرعاسى 348 ۇمىتكەردىڭ جۇمىسى كەلىپ ٴتۇستى. ونىڭ 275 – قازاق تىلىندە، 69 – ورىس تىلىندە، 4 – اعىلشىن تىلىندە جازىلعان.

ايتا كەتەيىك، «وڭتۇستىك استانا» تەلەراديوكومپانياسى» اق مەن سۇلەيمان دەميرەل ۋنيۆەرسيتەتى «الماتى تۆ» تەلەارناسىندا جوو-نىڭ 3-4 كۋرستارىنا ارنالعان مەديا اكادەميانى قۇرۋ تۋرالى كەلىسىم جاسادى. بۇل «الماتى» تەلەارناسى مەن سدۋ-دىڭ دۋالدى ٴبىلىم بەرۋ جۇيەسىن دامىتۋداعى العاشقى قادامى بولىپ تابىلادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي