BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

جۇمىس ۋاقىتىن دۇرىس پايدالانبايتىن مەملەكەتتىك ورگاندار

استانا، baq.kz. بۇل جايت، قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى قىزمەتكەرلەرىمەن قاتار، ادەپ جونىندەگى كەڭەس مۇشەلەرى مەن ٴار مەملەكەتتىك ورگاننىڭ ادەپ جونىندەگى ۋاكىلدەرىنىڭ قاتىسۋىمەن جۇرگىزىلگەن رەيدتىك ٴىس-شارا بارىسىندا انىقتالعان.

رەيد جۇرگىزۋگە دەپارتامەنت تاراپىنان مەملەكەتتىك قىزمەتشىلەر اراسىندا جۇرگىزىلگەن ساۋالناما نەگىز بولدى.

انىعىراق ايتقاندا، اعىمداعى جىلدىڭ 5 قاراشا كۇنى جۇرگىزىلگەن شارا بارىسىندا شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىندا ساعات 20:15-تە باسقارما باسشىسى ٴوزىنىڭ جۇمىس كابينەتىندە باسقارما قىزمەتشىلەرىنىڭ قاتىسۋىمەن جينالىس وتكىزىپ جاتقاندىعى انىقتالدى.

ٴدال وسىنداي جاعداي شىمكەنت قالاسىنىڭ اقپاراتتاندىرۋ، مەملەكەتتىك كورسەتىلەتىن قىزمەتتەر جانە ارحيۆتەر باسقارماسىندا جانە ەڭبەك يسپەكسياسى باسقارماسىندا، سونىمەن بىرگە، شىمكەنت قالاسىنىڭ ەكونوميكا جانە بيۋدجەتتىك جوسپارلاۋ باسقارماسىندا دا قىزمەتكەرلەرى ساعات 20:00-دە تولىقتاي جۇمىس ورنىندا بولۋ فاكتىسى ورىن العان.

ال، 2018 جىلعى 6 قاراشادا شىمكەنت قالاسىنىڭ مەملەكەتتىك كىرىستەر دەپارتامەنتىنىڭ اباي اۋدانى بويىنشا باسقارماسىندا دەپارتامەنتتىڭ ادەپ جونىندەگى ۋاكىلىنىڭ قاتىسۋىمەن رەيد جۇرگىزىلىپ، ساعات 19:44-تە (جۇمىس ۋاقىتى ساعات 18:30-دە اياقتالادى) باسقارمانىڭ باس مامانى ٴوزىنىڭ ٴبىر ساعاتتان استام جۇكتەمە جۇمىس جاساۋىنىڭ سەبەبىن جۇمىس اۋقىمدىلىعىنىڭ كوپتىگىنەن دەپ تۇسىندىرگەن.

وسىلايشا، ەلباسىنىڭ مەملەكەتتىك قىزمەتشىلەر بەلگىلەنگەن مەرزىمنەن تىس ۋاقىتتا جۇمىس جاساماۋعا ٴتيىس دەگەن تاپسىرماسى جوعارىدا كورسەتىلگەن مەملەكەتتىك ورگانداردا تيىسىنشە ورىندالماۋدا.

ادەپ جونىندەگى كەڭەس مۇشەلەرىمەن جانە ۋاكىلدەرمەن بىرىگىپ جۇرگىزىلگەن رەيدتىك ٴىس-شارالاردا انىقتالعان جايتتار بويىنشا ناقتى شارالار قابىلداۋ ٴۇشىن مەملەكەتتىك ورگان باسشىلارىمەن جوعارعى تۇرعان ورگان باسشىلارىنا ۇسىنىستار ەنگىزىلەتىن بولادى.

وسى تۇرعىداعى جۇمىستار دەپارتامەنتپەن تۇراقتى تۇردە جۇرگىزىلەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي