BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

جوعارعى سوت ٴتوراعاسى جاقىپ اسانوۆ ۇندەۋ جاريالادى

جوعارعى سوت ٴتوراعاسى جاقىپ اسانوۆ جوعارى سوت ورگانىنىڭ سايتى ارقىلى زاڭگەرلەر قاۋىمىنا ۇندەۋ جاريالادى، دەپ حابارلايدى baq.kz اقپارات اگەنتتىگى.

سۋديا – ابىرويلى لاۋازىم. كەز-كەلگەن زاڭگەردىڭ ەڭ بيىك شىڭى. بۇل جاي عانا قابىلەت ەمەس، سونىمەن قاتار ايرىقشا بەدەل، ٴاربىر شەشىم ٴۇشىن جاۋاپتىلىقتى، ادىلەتتىلىك پەن زاڭدىلىقتى جوعارى دەڭگەيدە سەزىنە ٴبىلۋ. ويشىلدار سۋديانى «سويلەيتىن زاڭ» دەپ جايدان-جاي ايتپاسا كەرەك.

ٴبىزدىڭ قوعامدا سۋديالار – بيلەر سوتى ٴداستۇرىن جالعاستىرۋشىلار. ولار ار-وجداننىڭ، ادىلدىكتىڭ، شەشەندىك ونەردىڭ، تەرەڭ ٴبىلىم مەن باسقا دا قاسيەتتەردىڭ ەتالونىنا اينالدى. ۇلى دالانىڭ مىزعىماس ابىرويى مەن سەنىمىنە يە بولدى. قازاق حاندىعىنىڭ وركەندەۋ ٴداۋىرى ايتەكە، قازىبەك جانە تولە بيلەردىڭ ەسىمدەرىمەن بايلانىستى بولۋى تەگىننەن-تەگىن ەمەس.

بۇگىندە مەملەكەت باسشىسىنىڭ تاپسىرماسىمەن رەسپۋبليكادا سوت جۇيەسىن جاڭعىرتۋ جۇرگىزىلۋدە. ونىڭ ەڭ ماڭىزدى مىندەتىنىڭ ٴبىرى - سۋديالاردى ىرىكتەۋ جۇيەسىن جولعا قويۋ. سۋديالىق قىزمەتكە ەڭ لايىقتىلار مەن دايىندىعى مىقتى ۇمىتكەرلەر عانا كەلۋى ٴتيىس. ول ٴۇشىن كۇردەلى جانە، ەڭ باستىسى، اشىق كونكۋرس قاجەت. جوعارعى سوتتىڭ ٴبىرىنشى باسىم باعدارلاماسى «ٴمىنسىز سۋديا» دەپ اتالۋى دا سوندىقتان.

ٴبىز سۋديالاردى ىرىكتەۋ مەن ولاردىڭ كارەرالىق ٴوسۋ جۇيەسىن جەتىلدىرۋدىڭ كەشەندى شارالارىن پىسىقتاۋدامىز. بۇل جۇمىس جوعارى سوت كەڭەسىمەن بىرگە جۇرگىزىلۋدە.

وسى ورايدا سوت بىلىمىنە ەرەكشە نازار اۋدارىلىپ وتىر. بۇل – سوت بيلىگىن جاقسارتۋ مەن جاڭا زامانعى سۋديالاردى دايارلاۋدىڭ شەشۋشى فاكتورى. وسى مىندەتتى جوعارعى سوت جانىنداعى سوت تورەلىگى اكادەمياسى تولىعىمەن ورىنداپ كەلەدى. اكادەميا شەتەلدىك وزىق تاجىريبە نەگىزىندە قۇرىلعان. بۇگىنگى كۇنى ول – وقىتۋ باعدارلاماسى سوت جۇيەسىنىڭ ناقتى سۇرانىستارىن ەسكەرەتىن ەلىمىزدەگى جالعىز جوعارى وقۋ ورنى.

سوت تورەلىگى اكادەمياسىنىڭ تۇلەكتەرى باسقالارعا قاراعاندا ٴبىرقاتار ارتىقشىلىقتارعا يە.

ونىڭ سەبەبى مىناداي:

ٴبىرىنشىسى. بولاشاق سۋديالاردى جوعارعى سوتتىڭ سۋديالارى مەن جەتەكشى ساراپشىلار وقىتادى. وقۋ بارىسىندا سۋديالاردىڭ كۇندەلىكتى جۇمىسىنداعى مىسالدار كەڭىنەن قولدانىلادى. شەتەلدىك، سونىڭ ىشىندە ۇزدىك قۇقىق مەكتەپتەرىندەگى تاجىريبەگە ەرەكشە نازار اۋدارىلادى.

ەكىنشىسى – پراكتيكالىق ماشىق: وقىتۋ مەرزىمىنىڭ 60%-ى سوت ورگاندارىندا تاجىريبەدەن وتۋگە ارنالعان.

ٴۇشىنشىسى – شىنشىلدىق، ادالدىق، بەيتاراپتىلىق سياقتى جەكە قاسيەتتەردى دامىتۋ. ٴوزىن-وزى جەتىلدىرە ٴبىلۋ. تۇلعالىق دامۋ بويىنشا ۇزدىك باعدارلامالاردى قولدانۋ. اكادەميادا بۇعان اسا ٴمان بەرىلەدى.

ىرىكتەۋ ساپاسىن ارتتىرۋ ماقساتىندا ماگيسترانتتاردى قابىلداۋ ٴتارتىبى وزگەرتىلدى.

ەمتيحاننىڭ ٴبىرى – قۇقىق سالالارى بويىنشا ناقتى كەيستەردى شەشۋ.

بۇدان كەيىن ەسسە جازىلادى. ۇمىتكەر ٴوزى جايلى، ٴوزىنىڭ ەڭبەك جولى جانە نە ٴۇشىن اكادەميا ماگيسترانتى بولعىسى كەلەتىنى تۋرالى اڭگىمەلەپ بەرۋى ٴتيىس.

قاجەتتى ۇپاي جيناعان ٴاربىر ۇمىتكەردىڭ كاسىبي قاسيەتتەرىن انىقتاۋ ٴۇشىن ٴوزىم جانە جوعارى سوتتىڭ باسقا دا وكىلدەرى ولارمەن اڭگىمەلەسۋ وتكىزەمىز.

اكادەميانى قارجىلاندىرۋ ەرەجەسىنە سايكەس ۇمىتكەرلەر مەملەكەتتىك قىزمەتشى بولۋى ٴتيىس ەكەندىگىن بىردەن اتاپ وتكىم كەلەدى. وقۋ كەزىندە ولاردىڭ ەڭبەك ٴوتىلى مەن جالاقىسى ساقتالادى. سونىمەن قاتار سۋديالىققا ۇمىتكەرلەردىڭ زاڭگەرلىك جۇمىس وتىلىنە قاتىستى قويىلاتىن زاڭ تالاپتارى بار.

ەگەر جىگەرلى بولساڭىز، الدىڭىزعا ماقسات قويىپ، سوعان ۇمتىلساڭىز جانە ٴوز ٴومىرىڭىزدى زاڭ مەن قوعامعا قىزمەت ەتۋگە ارنايمىن دەسەڭىز، وندا ٴسىزدى سوت تورەلىگى اكادەمياسىنىڭ ماگيستراتۋراسىنا شاقىرامىن. بۇل وقۋ ورنىندا سۋديا بولۋ ٴۇشىن قاجەتتى ٴبىلىم مەن قابىلەتكە يە بولاسىز.

قابىلداۋ بارىنشا وبەكتيۆتى تۇردە وتەدى. مەن كوميسسيانىڭ جۇمىسى اشىق، ٴادىل بولاتىنىنا كەپىلدىك بەرەمىن. اكادەمياعا ەڭ لايىقتىلار عانا تۇسەدى.

ٴبىز قازاقستاننىڭ سوتتارىندا ۇزدىكتەردىڭ ۇزدىگى جۇمىس جاساعانىن قالايمىز! سولاردىڭ ٴبىرى بولىڭىز! ەلىمىزدىڭ دامۋىنا ٴوز ۇلەسىڭىزدى قوسىڭىز! ٴسىزدى كۇتەمىز!

جوعارعى سوتتىڭ

ٴتوراعاسى ج. اسانوۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي