BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

جىل سوڭىنا دەيىن ۇيالى تەلەفوندارىن تىركەمەگەندەرگە ابونەنتتىك قىزمەت كورسەتىلمەيدى

فوتو: Нұржас Жақсыбай

قازاقستاندىقتار 2018 جىلدىڭ اياعىنا دەيىن ۇيالى تەلەفوندارىن تىركەۋى ٴتيىس. بۇل تۋرالى قر اقپارات جانە كوممۋنيكاسيالار ٴمينيسترى داۋرەن ابايەۆ حالىققا ەسەپ بەرۋ كەزدەسۋىندە مالىمدەدى، دەپ حابارلايدى baq.kz ٴتىلشىسى.

«وزدەرىڭىز بىلەتىندەي، 2016 جىلى ۇيالى تەلەفونداردى تىركەۋدىڭ جاڭارتىلعان ەرەجەلەرى ەنگىزىلدى. بۇل جۇيەنى ىسكە قوسۋ ارقىلى ۇيالى تەلەفون ۇرلىعى قىلمىسىن ازايتۋ مۇمكىن بولماق. الايدا تاجىريبە كورسەتكەندەي imei-كود ارقىلى ۇيالى تەلەفون يەسىن انىقتاۋ قيىن بولىپ وتىر»، - دەدى مينيستر جيىندا.

ول جاڭا نورما تولىقتاي ىسكە اسۋى ٴۇشىن imei-كودتى ابونەنتتىڭ جەكە سايكەستەندىرۋ ٴنومىرى (يين) جانە تەلەفون نومىرىمەن بىرگە بايلانىستىرۋ قاجەت ەكەنىن اتاپ ٴوتتى.

«بايلانىس قىزمەتىن پايدالانۋشىلار 2018 جىلدىڭ سوڭىنا دەيىن ۇيالى تەلەفوندارىن تىركەۋى ٴتيىس. 2019 جىلدىڭ 1 قاڭتارىنان تىركەلمەگەن ابونەنتتەرگە قىزمەت كورسەتىلمەيدى»، - دەدى ابايەۆ.

ول imei-كودتاردىڭ بازاسىن دايىنداعاندا ۇلىبريتانيا، تۇركيا، ازەربايجان، ۋكراينا سياقتى ەلدەردىڭ تاجىريبەسى ەسكەرىلگەنىن ايتتى.

سونداي-اق ۇيالى تەلەفونداردى تىركەۋگە قاتىستى جاڭالىققا xالىق دۇرلىگۋى مۇمكىن ەكەنىن، وسى ٴۇشىن تەلەفوندى ونلاين رەجيمدە تىركەۋ مۇمكىندىگىن قاراستىراتىنىن العا تارتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي